بسم الله الرحمن الرحيم

السلام عليكم ورحمة الله وبركاته
مساء الخير على الجميع
بلا
مقدمات
تقبلوها





لو ما بغيتك كان ما كان جيتك
أو كان ما فكرت في كل ما كان

لا تحسب إني في غيابك نسيتك
لا والذي كون حلا خدر الأعيان

وأنت تخبرني لا طلبتك عطيتك
ما دمت أنا وإياك بالعمر خلان

والله .. لو روحي حلالي فديتك
والروح يعلم علمها عالي الشان

لقيتني عاشق مثل ما لقيتك
ما هو مثل ما قالو فلان وفلان

زعلان مني تحسب إني جفيتك
وأزعلتني .. لكن عشان إيش زعلان

أحيان أنادي وأنقهر لا لقيتك
وألقاك كلك شوق في بعض الأحيان

عاشوا معاك أخوان في وسط بيتك
وانا بعد مثلك بعد عندي اخوان

مو كلهم يدرون بي لا هويتك
أو كلهم يدرون في سر الأشجان

لذلك أصبر وأحتمل لابغيتك
عن لا يسيل الدمع من فوق الأوجان

وأجيك كني من زمان إحتريك
تروي ضما خل من الود عطشان

وألقاك ما تبكي مثل ما بكيتك
تتعب على دمعي وهو بين الأجفان

عزاه يا قلبي كثر ما رجيك
عايش حياته كلها بين نيران

هديت حيله لين جيت وبنيتك
وأودعتبي هم وغرابيل وأحزان

تظهر ويظهر همها لا طريتك
كل ما تمعنت الندى فوق الأغصان




تقبلوا فائق أحترامي وتقديري
__________________