تويت
"قصيدة من طاح من عينك ؟
من طاح .. من عينك ؟؟ ومن فيه ماطاح ؟؟
ذي طيبتك .. واليوم .. تدفع ثمنها
حتى لو انك كنت .. صاحي .. ولماح
أصحاب ( كيف الحال ) محد .. بخنها
صفو على جمر الحسد .. والعفن .. فاح
ولمت عفون الخلق .. ريحة .. عفنها
يالله دخيلك .. كلها .. شالت .. رماح
حتى الوغد قام .. يتخمش رسنها
مات الحيا والمرجله .. دمها .. ساح
كل كشف .. عن سوء نيه .. دفنها
دامه .. زمن عقرب ، وحيه ، وتمساح
خل الأسود .. اتنام .. ماهو زمنها
قالولي انطح .. صيحة الصوت .. بصياح
واعزل احرام السالفه .. عن كفنها
قلت الخساره بالردي .. عندي ارباح
ومثلي .. يعلي هامته .. ماطمنها
ترسي جبال طويق لا هبت ارياح
وانا من اول .. ماخذ الراي .. منها
اقولها وانا .. مروق .. ومرتاح
شل الله .. لسان العفون .. وبدنها
الشاعر/خلف مشعان العنزي.
الردود لاهنتوا ..
تعليق