تويت
بكيته وأرتجف حسي..وضاق الكون بأعياني
بعد ماصرح إحساسه ....بأنه ناوي يرحل ..!
بكاني حظي العاثر .. وهمي زود بكاني
ياكيف اعيش من بعده .. ودونه فرحتي تخجل ..!
جمع جيش الحزن واقبل .. بيده دمر أركاني
طعن فيني وليد الفرح .. وأقفى دون مايسئل ..!
على شانه نسيت الناس .. ابد ماهو على شاني
وقدمته على غيره .. وخليت البشر تعذل ..!
نسى كل شئ سويته .. وصبري عنه لاجاني
يحاكيني عن جراحه .. وعن صد البشر لا أقبل ..!
تنفست الأمل منه .. وطيفه وسط أجفاني
وأثاري أكسجينة " سم " سرى بروحي وأنا أجهل ..!
وناوي يهجر قليبي .. يزيد الجرح من ثاني
يعاندني يحسب إني .. مثل أول أنا ماأزعل ..!
أنا ادري فيه يلعب بي .. يبي يزودها أحزاني
يبيها تجف أنهاري .. يبيها وردتي تذبل ..!
حفر قبري بهمساته .. وجاني حامل أكفاني
يبيني أدفن إحساسي .. وأرضى بغيبتة وأجفل ..!
كتبت فبيتي السابع .. كلام عنه ماأرضاني
كتبت إنة مايعنيني .. ودونه دنيتي أجمل ..!
مع إنة بالخفا ساكن .. مابين عروق شرياني
ويأمرني على كيفه .. وشوره دايم الأعقل ..!
ولكنة قبل يبعد .. على بابي تحراني
بيدة دفتر أحمر .. وحاله جدا مبهذل ..!
وسلمني كتاباته .. بنظرة عينه أحياني
تناسيت الألم لحظة .. وهمت بحالة المهمل ..!
وودع بعدها قليبي .. ونزلت دمعة أعياني
بعد ماصرح بكلمة .. ضروري " أبتعد " وأرحل
للحروف نزف أخر وهذه صور منها
راقت لي وأحببتها لكم ..
تعليق