قطر الندى صبح على زهراتك يا زيدل الحلوة بين جاراتك
مع صيحة الديك بيتحرك الفلاح مع فجر حبك تا يزيد خيراتك
بزنده الأسمر عم يرسم الأفراح ويتعب ويشقى لأجل نجما تك
بيسقي وبيعذر وبينطر التفاح تا يكمل الصفحة وتحلو لوحاتك
وبعد الغياب بيرجع ليرتاح من تعب حلو بفي عنبا تك
ليله سهر مع شرب للصباح ونهاره عمل تا تعيش غرساتك
شفة بعد شفة يزداد انشراح والمازة لذيذة من قلوب لوزاتك
نعم طريق فرتقا وجلاح وتعذب لبعده عن وريداتك
فوق تل البلان وقف وصاح بحبك يا أرضي وبحب طرقاتك
بالمدرسة وسيي عنده كساح وبأرض حرش إيلي كبروا زراعاتك
بين مطيميرة وبرغاث جاءت رياح من الغرب جايي من رباع وحياتك
عرف النغم وتبين المداح رجع ا لياس يرتب لسهراتك
سافروا شبابك مع السياح وعم يرجعوا يحنوا لنغماتك
بكل بيت شاب ينشد الرواح ويوم بعد يوم بتزيد حسراتك
عفوا يا زيدل وبطلب السماح من رجال تعبوا هون تا تصير شجراتك
درس الشهادة كتبه الزعيم وراح وقدم الروح وفدا تراباتك
عشقك يا أرضي بالقلب أقوى سلاح وبيرخص الدم تا تعيش ورداتك