تويت
قصائد الشيخ زايد غفرالله له وطيب ثراه
هذه القصائد خالده وستبقى خالده مع خلود اسمه ومكانه
في قلوبنا..
يا حي فضل الله
مرحبا يا حي فضل الله
حي من تزهي به أوطاني
الغضي لي له قدر والله
احترام و ياه وشاني
لي ينير الحوش والفله
والحشا منهوب يفلاني
لي بقلبي باني حله
ما يخلفه واحد ثاني
يا شبيه الموز في حله
تايه والعود روياني
والهدب لمسوين ظله
فوق طرف العين له زاني
والنهد ثوبيه قد شله
مثل شوبينن برماني
والمعنق زاهي ابدله
والخدود بروق فمزاني
العيد عيدك
العيد عيدك يا مها الخود
والافنا ما جاني العيد
يا ما كثر اللي هوب مقصود
هشل ولا تهزف له الليد
قلبي امعبا منك بنضود
أو لا له مجال إيضيف ويزيد
إلا انت لي ساكن او موجود
لك منزل في باطن اسعيد
يالسولعي يا ترف لخدود
يا سيد الخفرات والغيد
مهما بعدتني عنك لحدود
واتوعرت من دونك البيد
شوقي إلشوفك غير محدود
لو إنت نائي عني بعيد
ياني خيالك والملا رقود
إيزورني وانا به اسعيد
ونشيت ابغي الهاتف ايرود
كود أو عساه إلرقمك ايصيد
ناديت وترييت مردود
وياني الجواب اللي له اريد
يا خفيف الروح كيف انتوا
يا خفيف الروح كيف انتوا
يا شفا قلبي من اعواقه
ارحموني لو تكرمتوا
بالوصل وانا من اشفاقه
مر وقت لي ولا بنتوا
أنتظر من طول افراقه
ما زهالي الوقت لو منتوا
انت سعد القلب واشراقه
انتوا للي بي تملكتوا
بارضا والطيب واخلاقه
ارحموا من به تحكمتوا
من جفا نوم ما ذاقه
في سويداء القلب شيرتوه
منزل محد قد فاقه
هلا بنور الفجر
هلا بنور الفجر زاح الظلامي
هلا به ألف ترحيبه وحيه
هلا به عد مزن في غمامي
وما هبت نسيم المطلعيه
أقدم له تحيات وسلامي
جواب يوم بادر بالتحيه
فهيم ويفهم المعنى كلامي
لبيب العود لفتاته ذكيه
مهاه إيتم إنسي وانسجامي
بدونه حالتي حاله شقيه
وحبي له تسبب في غرامي
أنا راضي ونفسي له هديه
تملكني وملكني بالزمامي
و انا سلمت له بنفس رضيه
فلا والله لي مثلي يلامي
و فعل الخير مايجزى بسيه
رعاك الله يا ظبي العدامي
أمير والغواني لك رعيه
جدير بكل حبي واحترامي
و يكفيني متى ترضى عليه
دنيا
دنيا محلا وطرها
فيها زهت الانوار
كثر الخير وشجرها
و توفرت الاثمار
يا ها السعد وغمرها
من والي الاقدار
عم البر وبحرها
و فاضت بها الانهار
تتوافد القطرها
عالم من الزوار
تتفسح في شجرها
وورودها والازهار
فيها المها مكثرها
وريومها والامهار
يا سعد اللي نظرها
وتحف بها الاسرار
نحمد لذي صورها
وو هب لها الاخيار
و عظمها في قدرها
بياه واعتبار
عويد البان
يا عويد البان يا خلي
يا فريد الحسن باخوانه
روف بي يا كامل الدلي
لا تعذب نفس ولهانه
غيركم يا زين انا من لي
منتقنك "م " الغزر دانه
معك عفت الخود بالكلي
ماليه في غيركم خانه
انت شمسي و انت لي ظلي
و انت لي تسحرني اعيانه
عين خشف الريم لمفلي
و الخدود ورود باغصانه
والخشم كالسيف منسلي
والشفايا حمر رويانه
أتبع والجيد متعلي
والشعر طايح على امتانه
يا بديع الحسن لا تخلي
في هواك الروح شفقانه
شوفني "م" الحب معتلي
عاكف "ع" لشعر واوزانه
ان هويتونا هويناكم
ان هويتونا هويناكم
وبنتصبر لي جفيتونا
ما عرفنا الياس وياكم
وين بتسيرون تلقونا
مستحيل ان كان ننساكم
لو تقصدتوا تهجرونا
نهجر الدنيا بلياكم
دونكم ع مري فلا ايكونا
نرخص الغالي العيناكم
وكل صعب الكم ايهونا
في الصحا والنوم ننصاكم
لا تسدوا الدرب من دونا
وفي الحشا والقلب سكناكم
امشيدات اقصور وحصونا
نور يا من محياكم
مثل نور الصبح في الكونا
انفردتوا في سجاياكم
نادرين الحسن واللونا
لو حسبناها مزاياكم
يوصل التعداد مليونا
شاف شرع الحب دعواكم
والهوى له شرع مضمونا
عادل لو كان يدراكم
يالغضي لي دوم مزبونا
وان طلبتونا عطيناكم
وبا انزيد الكم اوزونا
لو اخذتوا الزود يفداكم
حبنا متوازن اركونا
يالسمرا
يالسمرا يالجميله
إبيه زاد الغرام
أوعيت عليه الحيله
يوم إنشرن الريام
من شاموا في مليله
واجاسي الأسقام
وحبي اتزايد شعليله
ومالذ إليه المنام
العين إللي ثليله
امفارقها حرام
عفت الفرقا الطويله
يومها شرات أعوام
مع اعيوني هميله
يذرف اوييري زام
ذاكر غر يديله
يضفي على لجدام
باني واسدل سبيله
فاحم شروى الظلام
عني غبى دليله
حتى ابرويا الحلام
ولا ريت من يعني له
ينقل مني سلام
ويخص لي نبغي له
توضيح من لعلام
واللي مفارج خليله
معذور ما ينلام
الشهم والقرم له شاني
اه يا من صوب وحاني
صوب ما تتيبر اكسوره
روف بي ياريم لوطاني
لك مسلم ماليه دوره
لي شخوصلك مالها ثاني
وقدك المبروم وخصوره
ونحر فيه النهد باني
فايق في وصفه ونوره
ولاعيان دعج الاوزاني
حور ولها رموش مظفوره
والسهم منها للعياني
بي يراها يوافي خطوره
الشم والقرم له شاني
عند لي مثله ومن دوره
لي عملهم في البلد باني
باحترام وجد مشهوره
لي مساعيهم بالاحساني
في العشاير مالها جور
بين إنسان وانساني
كم زاحوم الكدر ثوره
الظفو يبقى والاحساني
خالد لاهله وبسطوره
حبك ملك قلبي
انا ما سعدت بطيب وقتي ولا حسيت
إلا بوجودك شفت وقتي ولذاته
لك موقع في داخل القلب به حطيت
حبك ملك قلبي تحكم بنبضاته
لا شفت انا شرواك ولا اتصور ولا ريت
مثل الحيا تضفي على الارض بهجاته
ربي عطاك اخلاق اتميزك واحظيت
حتى جميل الخود تشهد لك اصواته
شروى القمر فوق الكواكب تعليت
كل شهد في حكمة الخالق وقدراته
انت الجميل المميز لي به تعنيت
اللي أسرني بطيب اخلاق عاداته
يا هايف الخصرين يا منور بالبيت
يا جيد ريم نافل عن مثيلاته
وعيون حور تحيي بها وتميت
نظرتك تشفي صويب منك ويعاته
إرحم رحمك الله لو ريتني تشافيت
قربك يزيح العوق مني وليعاته
ارجوك واترجاك تضفي علي بصيت
ويمناي له في لمس يمناك
من وين هذا الريم
الزين هذا حلو وزين
خصه يلي لبس القلايد
فتان يسبي القلب والعين
ابه الحسن والزين زايد
ماشفت انا في وصفه اثنين
ترف الصبا غض النهايد
من وين هذا الريم من وين
لي صار للغزلان قايد
مفنود عن كل المزايين
نوره لنور الشمس عايد
في مبسمه در مثامين
يك ودنات فرايد
عوده اذا هب الهوا يلين
فارع ومياس ونايد
تحلى به الاوصاف وتزين
وتزين به حتى القصايد
قاصد جداكم
قاصد جداكم حافي
يا حلوين المشم
ولكم ضميري صافي
ولغيركم مايظم
وانتوا من الاشرافي
ولك قدر بيعم
منتوا من الاطرافي
دانات عزر ويم
والاحترام الوافي
حق علينا يتم
افضيت سر خافي
في قلبي منكتم
يا كامل الاوصافي
الزين فيكم عم
مذهب وخلق وافي
وبسماتك تنسجم
ما هو من الاخفاقي
رزين ومحتشم
ياصافي الاطرافي
انته قصد اللزم
يعل يسقى يوم بالاجي
يعل يسقى يوم بالاجي
لي ايسلي القلب ويريحه
نظرة من شوقه اعلاجي
ينعش اللي نفسه امسيحه
هوه لي لي في الحشا لاجي
فيه ما اسمع قول نصيحه
ولا عيوني اتخايل الباجي
او لا الضحل لي سده ايبيحه
بوعيان نعس اد عاجي
هوه لي بعنيه واصيحه
بو ثمان لولؤ ناجي
تشرح الخاطر تفاريحه
لي جماله فاج لي فاجي
لا و لا في الحور تمريحه
النهد في منحره لاجي
كامل الشايات والطيحه
مشغوب منك ومشغلني
مشغوب منك ومشغلني
يالسولعي ياأريش العين
ما حد انا غيرك فتني
في الخود يا سيد المزايين
نظرات عينك صوبني
بألحاظهن واصطبت في الحين
او ازمت من ما بي أغني
بالحب لك يا لغالي سنين
حزت الحسن من كل فني
يا كامل في الوصف و الزين
غض غضيض صغير سني
تكبر و كل ما تكبر اتزين
ماخلق في الغيد الدمني
مثلك ولا قد خلق في العين
لك يادل كالليل جني
طايح على الأمتان رظفين
و الجيد باطياب يبني
والصدر به رمان و تين
والعود من شافه يظني
امن الخصر مقسوم نصين
حزة المغرب
إلتمحته حزة المغرب
خشف ريم زاهي ابطيبه
صوت لحنه شيق يطرب
باللطافه وزين ترتيبه
من صوابي قلبي اتعذب
كيف ذا المحبوب اسوي به
لي وصوفه بالحسن تنهب
نظرته يا مانع عجيبه
رمش عينه كالسهم يضرب
هوه لي يعالج تصاويبه
لي وداده يالخوي متعب
دوم نفسي في مطاليبه
مطلبه بيهون لو يصعب
منعزل ردفه عن الحيبه
مبعد عني ولو يقرب
في نظرته يبدي الهيبه
هو إذا للنفس لو ينهب
خاضع لامره وتصاويبه
يعل داره من المزن تشرب
غيث" م " المعبود يضفي به
والجفاف من البلد يذهب
والمياه اتفيض في اشعيبه
والغضي من منظره يطرب
وكلها الجيعان تغني به
شاطيء الراحة
ياشاطئ الراحة وياشاطئ الزين
القلب بك يلقي غرامه وراحه
ييتك وقرت من بعد شوفك العين
وانسيت بك هم الزمان وجراحه
فيك النسايم مثل فوع البساتين
لي بالزهر يانع وفاحت رياحه
بك تنتعش روح المولع من سنين
والقلب في قربك يزيد انشراحه
تلفي على شاطيك كل المزايين
لي نافلات بالحسن والملاحه
لبيض لي شروا الحصابي المثامين
الخرد اللي ينورن كل ساحه
والزين لي يسكن وسط ناظر العين
ياكم زاره في مساه وصباحه
زاره وزاده فوق زينه بعد زين
حتى غدا للحسن والزين واحه
عذلت نفسي عن هواكم
عذلت نفسي عن هواكم
واقنتها بللي لهم قد
ضافين ما صاروا شراكم
يروون ولهم دونيه حد
وابعدت نفسي عن حماكم
ومن النكاده ريت لي بد
واخلصت نفسي من عناكم
واليوم قلبي عنكم ابعد
في ربوة ما هو حذاكم
في شامخ اخضر ويسند
والشهد اضرب عقب ماكم
لي مدحن مكدر ومسود
مرفوض عذر من جداكم
ومحال نفسي صوبك اترد
هذا جوابي اليوم ياكم
والباب عنكم غلج وانسد
تحياتي :عين تتحدوني اويه
تعليق