هذه قصيدة لأحد الشباب الذي كتب فيها وصف لحالته اليأسة عندما أراد الزواج
انا العزوبي واتقطع تقطاع........ على زواج البنت تدمع عيوني

انا العزوبي وين مارحت مرتاع........ زين العذارء يالعرب جننوني

اشوفهم في كل روحه ومرجاع.......... من حيث ماوليت هم عذبوني

فالبيت فالتلفاز والصوت مذياع......... حتى العمل ياناس مافارقوني

وليا نويت السوق ناوي تبضاع.........اروح وارجع منخطف حيل لوني

ارجع وقلبي حايسٍ بين الاضلاع........ من زود دقاته تخلع امتوني

اللي تغنج فالمشي بالتدلاع.......... واللي تناظرني بطرفن فتوني

وام العيون السود والرمش قطاع....... وام الجدايل والكحل بالجفوني

وام النقاب اللي تمصعك تمصاع........ قدام عيني والبشر يشهدوني

كنها تمتع في عذابي تمتاع.......... وانا العزوبي كان ربي ف عوني

واهل الجنوز الضيقه واهل الاوساع......... مدري وش اللي حدهم يلبسوني

منهم تجرعت المراره تجراع.......... في كل يوم يزيد همي وحزوني

لو نطلع المريخ في لحظه وساع.......... نلقى العوايل قبلنا يطلعوني

من بعد طرح وجمع وهموم وصراع........ قررت انا اخطب بنت وانهي ظنوني

وفي ليلة الفرحه تقول اني مرتاع......... ومن زود مافيني تراقل سنوني

ابوها قال اليوم ماني بطماع......... عندي شروطن للمهر واعذروني

يقوم يوحي لي ويشر بالاصباع.......... يبغي المهر ميتين او يكثروني

يقول يبغى العرس في قصور واقلاع......... ونبغى ذهب لام العروس المزوني

ونبغى الحلا والكيك من كل الانواع......... تبون والا ياعسا ماتبوني

ناس ٍ تحسب البنت شروه ومبياع.......... تبي المكاسب لو زادت ديوني

ماهمهم لو زاد همي والاوجاع......... ماهمهم ياكود ملي البطوني

يامؤمنن بالله ساجد وركاع.......... بنتك امانه حاذر انك تخوني

لا تعنس ابنيتك في سّبت اشباع.... نفسك وجمع افلوس ماينفعوني

بكره ليا جتك المنيه والاوجاع.......... تندم ولا ينفعك دمع العيوني

الخيمه اللي بدون عمدان وشراع........ يمكن تطيرها الهبايب بهوني

انا العزوبي واتسكع تسكاع........ تكفون بالله يالعرب زوجوني

منقول