تبي تدري وش اللي صار بغياب بعد ما رحت
......... تبي بإيجاز أشرح لك . . وش اللي صار بغياب

من أول ما توادعنا طفى نور المكان ولحت
..... مابين عيوني . . الثنتين طيفك نوخ ركاب


لمحتك فوق بلحالك وعيني ترقبك من تحت
...... تداعب طيفك / الغالي بعد ما ملت عتاب

تسولف لك عن اللي فيك يعجبني وتنحت نحت
......... » ملامح وجهك الطاهر عشان الليل يهنى ب

يسليني عن غيابك لأني لا فقدتك صحت
......... وأنا ما ودي عيوني تسوق الدمع بأسباب

لأنك أكبر بعيني كثير بسرها لك بحت
......... كذا من دون ما تفلت علي وتثور أعصاب

أنا ياما قبل ترحل بسر إعجابها لمحت
........» إبيك تحس في قلب بذكر الخير يغتاب

لك أشواقه إذا زادت وأنا واقف شهقت وطحت
......... وإذا زادت عليه أكثر سبقته والوعد باب


شعوره كل ما ترجم غلاك بدفتري سرحت
........... ورحت { ... أقرى على نفسي شعوره بعد ما جاب

أسولف فيك بلحالي من البارح إلين أصبحت
....... وأقول الليل ما يكمل حلاه وينور إلا ب


لك الله ما غفى جفني وعيني غمضت وإرتحت
........... ولا حسيت في ليل أموتك فيه وأحيا ب

إلين الصبح باغتني وحالي مثل ما وضحت . . !


........... أهذري فيك واتأمل خيالك وألمس أهداب

على هالحال من دونك أفكر فيك ما بارحت
........ مكاني من توادعنا .. عساك تعود لأحباب