تويت
زوبعي ياهبايب وإنزعي ياهبوب
صاحب الجد دايم مايعرف المزاح
بين وصف الشمالي ياسهيل الجنوب
ضايع الدرب يلقى رايته بالصباح
.يعرف السبع منهو؟والنعش له دروب
ساهر الليل حيا يادليل الفلاح
يتبعنه بناته من عظيم الخطوب
وين ماسار سارت للسواري وضاح
والثلاثه عليهن باليالي وجوب
مع مدار الليالي ماتكف الكفاح.
أقطع القاع ممشى وأعتلي للنقوب
أرقب الليل معهن في ضلوعي رماح
في ضلوعي ملاحم مع هجوسي حروب
تطلب الثار دايم مانفعها سماح
والله إن الليالي يسترن العيوب
كم تجهمت منها ماشربت القراح
لاتذكرت فيها كم عرض لي ذنوب
تبت عن كل ذنبي وأرتجيت الصلاح
كل مكسب تجيبه فالكتاب محسوب
إن همس في ضلوعك وإن ضهربالصياح
وسلامتكم
قصيدة جديده للشاعر سلطان الجالي
تعليق