السلام عليكم ورحمة الله وبركاته
كيف الحال ان شالله بخييير

طبعا قبل ما ابدأ اتكلم عن العناية بالشعر رح اقولكم الاشياء اللي تعدم شعرك مهما كان قووي وحيوي غزير وناعم
اول شي الصبغة والميش (الهاي لايت)
مافي حرمة الا تكون جربت او حتجرب الصبغة والهاي لايت وعجبهم ومشي معاهم وفي الاخير ندمو :
اول شي حاولي انك تقللي من الصبغات وخصوصا الافة الهاي لايت يعني لو تكون صبغة كاملة اهوون بمليوون مرة من الهاي لايت بجميع انواعو لانه يحررق الشعر حررق مهما كان حرير زي شعر الفلبينيات
يعني مثلا رحتي يوم المشغل وعملتي هاي لايت وعجبك وانبسطتي فيه و كلو تمام
طبعا الشعر راح يبدأ يطلع ويرجع لونك الحقيقي والصبغة راح ترجع على ورا وحيسير شعرك موو حلو ابدا ابدا
وعشان كذا تقومي تعملي ايششش
صبغة جذور
واه من الجذوور انتو تعرفو ان الجذر اساس الشعر ولو حرقتييه بالميش يعني حرقتي البصييلة الكاملة للشعر واذا كان شعرك ناعم راح يتلف ويتقصف ويخششششششششششششششن
عشان كذا اقولكم لما تصبغو شعركم هاي لايت معلييش خلي الصبغة ترجع ورا وشعرك الاصلي يرجع ينمو من او وجديد الين مايسير طولو حلو ارجعي اصبغييه لان والله لو ميش على ميش او صبغة على مييييش راح شعرك في شربة موووية
انا افضل النعوومة في كل شي
ايش فيها لما تروحي عند الكوفيرا وانتي حابة اللون الاشقر انك تعملي خصل بسيطة على وجهك وكم خصلة من ورا
والله شي راقي وناعم مهما كان اللون اللي تبغيه اشقر ثلجي عودي احمر بنفسجي لوني كم خصلة من قدام وخلي شعرك على طبيعتو
واذا انتي مصممة انك تبغي هاي لايت طيب يا ستي سوي هاي لايت لكن بشررررط
لما تروحي عند الكوفيرا نبهي عليها انو انتي عندك حساسية في شعرك وانك تاخذي علاج من الدكتور وانو لو قرب من شعرك مسافة1 سم راح يسبب مشاكل لا تحمد عقباها
اييه قوليلها كذا انتي المستفيدة اولا واخيرا اللون اللي عجبك سويتيه وفي نفس الوقت بعدتي الشر عن شعرك
والله في كوفيرات مهما كان اسلوبهم حلو معاكي والله ماتعرفي ايش اللي في نفسهم في ناس نفووسهم ضيعفة ممكن تقويلك الصبغة وتقللك اكسجيين وساعتها مافي يا امي ارحمييني

انا عندي اختي طبعا احنا ما نسوي هاي لايت وو ماشالله تبارك الله شعوورنا حرير من ربي
الزين من ربك يجي
المهم رحنا المشغل وسوينا لون ثلجي حوالي قبل 4 سنين كان دارج هذا اللون
وطبعا اختي العزيزة طول شعرها ماشالله وراح تبغا تسوي صبغة سودا <<لاحظو تبغا ترجع لون شعرها الاصلي والصبغة راح تكوون على الميييش
وانا الحمدلله اسمع كلام امي وما سويت سواتها
وربي يا بنات شعرها سار خششن ومنفوووش لا تقولولي من كثر الصبغة <<اول مرة في حياتها تسويها ولعملكم كانت مجرد خصل متناثرة في الشعر من قدام
انتبهوو من الصبغى السوودا واللي زاد الطيين بله انه اووول مررة في حياتها تسوي كذا يعني مو متعوودة تخيييييلو عاد
وانا الحمدلله صبغت ليا 3 سنين اشقر خصل قليلة ومازالت موجودة والله ما اشيلها خلي الناس يتريقو ويقولو سوي صبغة سودا رجعي لونك وانا عارفة انو هذا الشي رح يضرني زي ما ضر اختي

بقلكم قصتي مع كوفيرا كنا نروحلها وانا ماشالله يا بنات شعري طوييييييل بس ما وصل فخذي المهم كنا نعرف كوفيرا حبوبة مو من المشاغل الكبيرةلا وحدة عرفتنا عليها ومن جد مررة حبتنا <<للعلم الكوفيرا مغربية
وانا كنت ابكي عند امي الا ابغا اقص شعري تقوم تقول للكوفيرا قصي لها والله يا بنات انها تمشط الشعر وقص الاطراف بس <<ومازال طويل ماشالله
تقول لا حرام والله ما اقصو شعرك حلو ما ينقص ولو قصيتيه راح ازعل منك
فأنا لما عرفت انها ما حتسوي اللي في بالي
رحت مركز المستقبل الراقي ف جدة اكييد تعرفوه
قلت بأقص بدرج
طبعا من سوووووء حظي والله يا بنات نادمة اليين ذحين
طحت على وحدة تونسية وربي يا بنات شكلها اصلا مرعب كذا ضخمة وعصبية وانا كان همي اني اقص شعععري
انا مهما احاول اني اقلكم حقارة هذاك الموقف
كانت تمسك شعري وتشدو على ورا << عشان لما تشدو ينقص اكثر
طبعا يدها قوووية ما اقدر اتحمل فأرجع راسي على ورا
وهيا تقعد تخاصم لييش عدمتي القصة وترجع تشششد وتقص والله يا بنات اسمع كووومة من الشعر تنقص في لحظة وحدة
اختي الصغيرة كانت جالسة وتقول والله انو شعرك كلو طاح في الارض
تخيلو يا بنات تجي من قدام وتقول لا مو متوازاي وتقصصصصص <<قص الله يدها مع الشهر الفضيل هذا
حررقت قلبي على شعري الله يحرقها
بنات عارفين
هيا كانت مسوية شعرها بني واشقر هاي لايت ومنفوش وحالتو حالة ورررررربي اني حسيييتها تنتقم ولا هاذي مهي سواة مسلمة وتعرف ربها
وفووق هذا تخاصم علي وعلى ماما حسبي الله عليها حسيبا قوي
عشان كذا يا بنات نصييحة اللي قصو يعتبرو مني واللي ما قصو كمان يعتبرو ترا الشعر مهما كان هو سر جمال الانثى


وبقلكم كمان شي مهم لما تروحي كوفيرا اقري على نفسك المعوذات واية الكرسي والله الحساد في كل مكان
ولما تجي تصبغي و تقصي قولي في نفسك سبحان الله البدييع او يا بديع بدعني يا بديع بدعني <<مافي اقوى من ذكر الله
ولما تمشطي شعرك اقتدي بسنة الرسوول
يعني كييف

افرقي شعرك كأنك بتسوين ظفيرتين ومشطي الجزء اليمين كوييس وبعدين الجزء الايسر <<الاييمن اوووووول
وبعدين رجعيهم كلهم ورا ومشطي كلو سوا <<وقولي يا بديع يا بديع

يعني تكفي انها سنة الرسووول وانه ما قال كذا الا انه في خييييييير للمسلمين بإذن الله
اقلكم كمان
في بنات نعرفهم ماشالله شعووورهم طوييييلة الييين فخذهم واقصر وحدة نهاية ظهرها شعرها
ايش كانو يسوون
يجيبو خلطات زيوت صراحة ما اعرف ايش هيا بالضبط بس اكيييد وعلى راس القائمة زيت الزيتون ونارجين وخروع وجرجير المهم تشكييلة
ايش يسوون فيه يخلطونه مع بعض ويقروعليه المعذوات واية الكرسي واي ذكر تحبييه
والله يا بنات وهم ذحين حريم متزوجات وبنات مسوين لهم نفس سواتهم ماشالله طوييييلة وحرير
السبب مو في الزيوووت قد مو في ذكر الله
ياما حريم حطو زيوت وهبلو ولا فادهم <<فين ذكر الله في كل شي خلي ربنا قدامك في كل شي تسويه اذكري الله
لاتنسوو تقرو على اي زيييت تستخدموه وانا شخصيا كنت استخدم زيت الجرجير لان شعري من قدام خفيف <<صح يحررق بس والله نبت لي شعر

وفي الختام ابغا اشووف ردودكم ترا هذا مو منقوول ولا شي كتبتو بيدي وعن تجاررربي الخاصة ويعلم الله نيتي الطيبة معاكم

ابغاكم تقولو يارب يسر امرها وفرج همها دنيا واخرررة

ولكم مثلها بإذن الله
اوول مرررة اكتب لكم في قسم
تحياتي لكم