ثلاث سنين وانا خططت لهذا اليوم يا بوسعود
تيسر حالتي وجاهز اوفي وعدي بوقته

وفجأه جتني تتعذر وتقول تأخرت الوعود
وانا مستغرب كأني وعدها وخنته

حسبت انها تمازحني وتتصنع جفا وسدود
ضحكت بوجهها من قلب مع انها بايه نكته

وقالت ارضى بالواقع قلبي ما هو بالمعهود
تغير كل شي صوبك يا سيدي ما اظنه

كنت بيوم محبوبي لكن ما اظن بنعود
وصل من قبل ما توصل وانا بذاك اصبر عرفته

ولكن تكفى صدقني وبشهد ربي المعهود
تراه ما خنتك بغفله ولاكلمته وشفته

بصراحه اهلي قالولي بانه ولد اصل وجود
الام والصوره وكلمات المدح اخته

سكت وقلت هي فرصه ما دام الجود موجود
وقالوا كل من حولي علامات الرضا سكته

وانا فكرت دام انه امه واخته ما عليهم زود
اكيد اني براضيهم اذا وافقت واخترته

واراضي اهلي ما دام انه الفرح مقصود
عطيت انا الناس كلمه ومعاهم وقتي حددته

ولا اقدر اغيره تراه عند العرب حدود
اوافق واعتذر باكر واقول الراي غيرته

تبي تشرحلي المنقود تصدق عاد يا بو سعود
تبينيا قتنع وارضى بحالي عمري ما عشته

انا ماني قايلها عسى بفرش ترابها ورود
بعد ما حطمت قلبي وطعم الموت جربته

عسى بفستانها اشواك وفي ثوبها عقرب سود
ونار تحرق الكوشه وتحرق بيتهم حتى

وموت بليلة الدخله تبرد حرتي ياكود
ولا حس انها بحضنه يلامس خد لامسته

علي اهون اهون اذا ماتوا ولافي نفس السرير ارقود
تراه صعب علي اتخيل شي ما تخيلته

عسى قاع الثرى يكسى ويتحول صخر جلمود
وحفار القبر يرفض يسوي فوق مقدرته

ترا طعم عقيل الذات يلوع حتى كبد الدود
من خان العهود ومات تعافى حتى مقبرته

عسى ربي يجازيهم من حبل من مسد ممدود
يعلقهم من اطرافه فوقه نار ومن تحته

انا ماني حقود وشين ولاني من نسل نمرود
ومن حط نفسه بوضعي يقول اللي انا قلته

ما دام الفعل له ردة فعل والله ابشري بردود
بدعي دام اني حي وبغرس للدعاء نيته

وبسقيها نزيف القلب ما رحم للخدود
ثلاث سنين وانا ابني وجت صوره بكل برود

خذت شقى عمري وحلم قلت حققته
ثلاث سنين وانا اخطط لهذا اليوم يا بوسعود
توفق من كلام اخت وصوره اربعه في سته