احس ان المكان يضيق بي ويضيق بي ويضيق ...
وقلت احرث ورق وازرع قلم واسيل كتابه ..
عشان اليا اسرني هالمكان وثار به زنديق ..
افك شيوخ اصابيعي واخلي الشعر ارهابه ..
تحزم يا لسان الشاعر بشلف الحروف وويق ..
على بنت الخيال اللي كساها الشعر جلبابه ..
تزبرق في المرايا الخمس لامن كحل العشيق ..
عيون اوراقه النيل مابين ابهم وسبابه..
ابي ترسم على وجه السطور بريشة الذويق ..
تزحلاق الندى في وجه منسابه ومرتابه ..
وابيك تزين اوراقي من وروود الزهر والشيق ..
مثل ما حمرة اخر هالنهار تزين غيابه ..
وابي تغسل عيونك من نعاس العسعسه وتفيق ..
على صوتن يهدهد بلبل الخفاق زريابه ..
وانا بحلب سحاب الشعر واصبه بفمك ريق ..
ايلين اشوف ثغرك من حلاته يقطر ألعابه ..
وابا ازود حلاه اشوي وازله مع الابريق ..
مخدر شاعرن تلقيمته من اصبع اتعابه ..
وابغلق هالعيون برشفته واقرى ورى التغليق ..
حروف اعمى مشخمطها بعرجونن تقدابه ..
عشان اركز على جدار الصور مسمار بالتعليق ..
لصورة شاعرن ماوقف فكره على بابه ..
وكثر ماني مركز قمت احس اني من التحديق ..
كأني جفن في طرف الورق ماحرك اهدابه..
احاول اقنص احرار الصور في زحمة التحليق ..
عشان انفي من طيور الشعر هدهده وغرابه ..
وابا اطهر معاني دنست من عاهر التلزيق ..
مدام النهر يطهر من محيط المدح والقابه ..
كفايه سربل المعنى يده من طهبل التصفيق ..
على ركاك الكلام اللي يغث السمع يا يابه..
وبعد من طم هالمعنى خضع واستفحل التنطيق ..
كانه قال تحته هيه انا سيفه وانا حرابه ..
وانا عم الوزن والقاف لكن صنعة التبريق ..
تجيب الواو و الاسطه شويعر كشر انيابه ..
لذا بشخل حروف الشعر يا مستشعره وأريق ..
حثالة شاعرن لامن تغنى عجعج ترابه ..
تعبت اهدي اعصاب القلم وافش بالترويق ...
مزاجية شاعرن لو هدى ما هديت اعصابه ..



منقووووووول