كلبك غصن مو كلب .. كل ساعه شايل طير

كل يوم عندك محب .. كل يوم عندك غير

رايك تبدله وترد ..ما عندك انت اي راي

تبجي اعله صوت الطبل ...وتعوف حزن الناي

تعصرني وي دمعتي .. تشربني مثل الماي

خايف عليك شكثر .. واخطاءك انت هواي

بعدك مراهق اظن .. خليت بذنك كطن

بالدنيه ظل امتحن .. والراح درس الجاي

بالك تحب اي شخص .. بالك تطيح ابير

درب الندم مو درب .. لو صابك التفكير

كدامك انت العمر

اصبر جميل الصبر

لاتظن صرت اجبير

اذياب يمك اجو ..والذيب الك غدار

وانت رقيق وحلو ...خايف تلوحك نار

يعبر عليك الجذب ..بعدك طفل واصغير

واتصدك انت التحب ..لو كال فيل يطير

خايف عليك شكثر ..خايف عليك تحير

بعدك بأول درب .. والجاي كلش صعب

فكر كبل ما تحب

لاتوكع انت ابير

لا توكع انت ابير


اتمنى تعجبكم ( تحياتي اميره الضلام)


منقووول...