السلام عليكم يا بنات منتدانا..

اشلونكم.

اليوم جايبة لكم طريقة وايد حلوة وسهلة

الطبق المفروض انه ايس كريم بس انه لما سويته ما خليته في الفريزر مدة كافيه بس بعد كان حلو.

اسم الطبق ((حلى القبه)) "يعني المفروض شكله يكون على شكل قبة"







اول شي قبل المقادير لازم اتجهزون مله زجاجية كبيرة (اللي نستخدمها للسلطة) ونلبسها بورق القصدير عدل وانحطها في الفريزر شوي..

والحين اخذوا المقادير:

2 علبة كريم كراميل + 2 علبة قشطة + 3 ملاعق أكل حليب نيدو + ملعقة سكر + 1/2 استكانة ماء + كيك فانيلا جاهز + 2 جلاكسي (انذوبه في حمام مائي) + شوكلاته هيرشي.


الطريقة:
1- نخلط أول خمس مقادير مع بعض في الخلاط ونتركه جانبا.
2- نقطع الكيك ونضعه في المله اللي بطناها بالقصدير "نضعه بطريقه عشوائيه" ثم نصب فوقه شوي من الخلطة ثم نعمل خطوط بالجلاكسي المذاب ثم نعمل طبقة ثانيو بنفس الطريقة لين ماتنتهي الكمية.
3- نضع الطبق في الفريزر لمدة يوم كامل.
4- للتقديم: نقلب الملة في طبق التقديم ونشيل المله شوي شوي وبعدين نشيل القصدير ونصب عليه الشوكلاته الهيرشي.. وبالعافيه


ممكن انسوي نفس الخطوات بس انحططه على طول في بايركس وانحطه في الفريزر لمدة ساعتين وقبل لا انقدمه انحط عليه الهيرشي ..