ديوان الشاعر خليل ابراهيم الشبرمي

**صقر فوق مشراف** · 19-08-2010, 01:05 AM

قلت : حق ... وقال :: لابالله زيف
قلت : عندي مايبرر موقفي
قال :: كيف ؟ وقلت انا له :: كيف كيف
بعد ذا المده تقول انك وفي
زل صيف وزل صيف وزل صيف
من ثلاث سنين وينك مختفي
رحت أدور عنك من بيش لطريف
ودجت نجد من الهفوف ليا نفي
كنت طيف وجيت طيف ورحت طيف
والامل لا طال شمعه ينطفي
قال احبك قلت حبك حب حيف
ماقبله لو كان حسنك يوسفي
مامعي للحرب لاحربه وسيف
من غرابيل الليالي مكتفي
وعطر باريسي وساعة من جنيف
ماتفيد ولا تغير موقفي

**صقر فوق مشراف** · 19-08-2010, 01:06 AM

رجواي باللي عليه المتكل والاعتمادي
وماخاب عبد(ن) على رب المخاليق اعتماده
رحيم يحيي هشيم القاع من وبل الغوادي
وحكيم فيما حكم واراد له حكمه واراده
سبحانه اللي رفع سبع السموات الشدادي
اللي دحر بالبحر فرعون وجنوده واباده

**صقر فوق مشراف** · 19-08-2010, 01:07 AM

من الوسمي سحاب(ن) ساقه الرحمن ومفاجات
تزبر وارتهش وارهش وهل وبيح سدوده
ترزم وارتكم وابهل على الروضه ونوه بات
يقود ونوض براقه يقيد وترجس رعوده
ردوم(ن) هل ماها من سماها والبرد زخات
وغثير السيل من يوحي هديره زادت سعوده
ربابه لانفهق واقفى مثل ذود(ن) من الخلفات
تتالى واقفت ركابه عقب مانزل شنوده
كساه العشب والنوار الاصفر كنه جنيهات
وقال الروض غني يا ام سالم باعذب انشوده
يطيب الكيف والدله على جمر الغضا مركات
بروض(ن) لاومت فنوده يفوح الطيب مع نوده

**صقر فوق مشراف** · 19-08-2010, 01:09 AM

يازين انا من ثمان سنين
مجنون يازين بعيونك
والشاهد الله الى ذا الحين
لازلت لليوم مجنونك
خفف على قلبي المسكين
وارفق على قلب مظنونك
ماهو بحبحب على السكين
اطعن ولكن على هونك

**صقر فوق مشراف** · 19-08-2010, 01:11 AM

البوم ينزل بالخرابه والقليب
وطيور شلوى عالي(ن) منزالها
والحق حق ودوم شمسه ماتغيب
والمخزيه خزي(ن) على عمالها
لاتامن الدنيا تطيب ولا تطيب
ما تنومن باقفايها واقبالها

**صقر فوق مشراف** · 19-08-2010, 01:11 AM

من زود مابي يالغضي ترخت
يوم الوعد هجري وميلادي
ومن لهفتي ياسيدي دوخت
رزنامتي ياثالث اعيادي
لاشك ما ادري وش بلاك افخت
ياباشة الغزلان ميعادي
يا حيلة الله في رداة البخت
حظي معك بالوصل ماجادي
الله يجيبك يا غرور اليخت
الموج ماهو دايم(ن) هادي

**صقر فوق مشراف** · 19-08-2010, 01:16 AM

يا عيوني عيوني عن خطاك معصوبه
مخلص(ن) لك بحبي والليالي عصيبه
ليه ماترحم اللي منك يمك هروبه
ومن عذابك لذيذ ما يهتني به
بعدك اقسى عذاب وقربك اعذب عذوبه
ووصلك اكبر نعيم وصدك اكبر مصيبه
وصمت اعظم عقاب وهمسك اجزل مثوبه
وانت طب الجروح المبطيه والعطيبه
سقت جيش العتب لاشك واجه صعوبه
وانسحب من ميادينك كتيبه كتيبه
تدري ان المحبه ياحبيبي عقوبه
وادري المحبه طوع ماهي غصيبه
وادري ان الدقايق والعمار محسوبه
حسبي الله على حظي وربي حسيبه

**صقر فوق مشراف** · 19-08-2010, 01:16 AM

الوصل طاعه والقطاعه جريمه
سنة محمد في صحيح البخاري
ومن لايميز صاحبه من خصيمه
لابد عينه ما تهل العباري
والجود له بوجيه الاجواد سيمه
والشر مثله بالعرب له مواري
والحر يفهم والبهيمه بهيمه
والاصلي اصلي والتجاري تجاري

**صقر فوق مشراف** · 19-08-2010, 01:18 AM

لا والله الا دورت الوقت دارت
وصرنا بديره والحبايب بديره
والحزن خيم والسعاده توارت
واوضاعنا بالحيل صارتخطيره

ديوان الشاعر خليل ابراهيم الشبرمي

ديوان الشاعر خليل ابراهيم الشبرمي

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget