تعبت اقول لضيقتي سهود ومهود
اليا متى هالعذر بيكون عذري

البارحه يوم اكثر العالم رقود
عادت علي اللي تجي منين مدري

الضيقه اللي كل ماراحت تعود
مكانها مابين قلبي وصدري

ناسن تنام مدهنه في دهن عود
وناسن تنام مدهنه بزيت مقري

ماهوب مثلي من اقرب انسان مجحود
الله يسامح من نسى اليوم ودي

صد وماكنه على الارض موجود
مايدري انه أول اسباب كسري

كل ماطرالي قلت يجي يوم ويعود
ياليت كل من صد ماعاد يطري

لو تستحي من فعلها أيام السود
كان استحت مبطي ولاطال صبري

قدمت بالموجود لخاطر الجود
لين التفت ولابقا شي حدري

عطيت من عمري ولاشفت مردود
يالاسف للناس ضيعت عمري

بوقف لحالي لخاطر الطيب والزود
اشره علي ان صغر الوقت كبري

ماني على بعض المخاليق محدود
اموت مانزلت للناس قدري

والضيقه اللي كل ماراحت تعود
مصيرها عن داخل الصدر تسري

ابتدهن مثلهم في دهن عود
وان ضقت عندي لضيقتي زيت مقري



*منقوول*