تويت
صور مدائم صالح
مدائن صالح تقع شمال شرق العلا ب15 كم تقريبا
والعلا تقع شمال المدينة المنورة ب380 كم
والعلا تقع غرب حائل ب225 كم
تمشي من طريق القصيم للمديطلعت للعلانة همن
تمسك طريق المدينة تبوك
الطريق من يوم تطلع من المدينة لمين توصل لخيبر سييد واحد وهالوصلة طولها 150 كم
وخطرة جدا لكثرة السيارات سواء الصغيرة او الكبيرة وزيادة على كذا الطريق يمر بكذا قرية
ومشكلته يمر بمنتصف القرية
يعني وانت ماشي بالخط ماتدري الا ددسن طالع من يسار الخط رايح يمين وابلش به
فلازم تكون سرعتك معقولة جدا وما تتعدى 80
بعد ما توصل خيبر يبداء الطريق يصير سايدين كل سايد مسارين
لمسافة30 كم ثم يجيك مفرق العلا تروح معه يسار وتجيك معاناة السايد الواحد ولمسافة 200 كم لمين توصل العلا
مداين صالح هي مجموعه من الجبال اتخذها الانباط او مايسمون بثمود او قوم صالح مقابر لهم
فيه مركز شرطه بدايه المدائن تعطيك بطاقه احوالك و الرخصه والاستماره عشان يسجل اسمك بملف عنده
هذا مدخل المدائن و تلاحظون الطريق الترابي اللي يمر فيك على بعض مقابر
خلوني انقل لكم الصوره الكامله
الاثار هذه عباره عن غرف مبنية داخل الجبال وفيها بعض القبور
و العجيب انك اول ماتدخل تحس بنسمه هوا بارده خصوصا ان درجه الحراره برا كانت في حدود 35
كل غرفه بابها له زخرفه معينه
و غالبا كل الزخارف تتشابه ماعدا بعض التفاصيل الصغيره
الزخرفه هذه تتكون من عمودين ع الجنب ثم مثلث يعتليه مجسم لصقر او نسر او وجه امراه
لو تلاحظون تحت الصقر فيه واحد شوشته ممعطه هذا يسمونه حارس المقبره
و فوق النسر فيه مربع منقوش عليه كما يقال اسم صاحب القبر او اصحاب القبور
الان نشوف صورة احد الابار اللي كان يعتمد عليها بعض الانباط
الغريب البئر محفور بارض جبليه
داخل محيط مدائن صالح بالجزء الشمالي منها فيه سكة الحديد القديمة اللي ع وقت الدوله العثمانيه بس خلونا ناخذ صور ع الماشي للمدائن
منظر عام للمحطه
احد المركبات داخل المحطه
و من هنا ينطلق القطار .. حتى يصل محطه القطارات غرب المسجد النبوي
وهذه بركه ماء جمب المحطه
نهايه التقرير
تعليق