تويت
CENTER]السلام عليكم ورحمة الله وبركاته
مساء الخير
كتبت لكم القصه التي حدثت معي وأخواني الاربع وأبن عمي وولد اختي
التي حدثت في عيد الاضحى الماضي
فلقد قررنا أن نكشت (يعني نذهب رحلة) الى مكان يسمى الطبيق يبعد عن المدينه حوالي 120كيلو متر
فذهبنا ثالث أيام عيد الاضحى فلما وصلنا نزلنا ذبحنى الخروف وطبخنا وتعشينا
وجى وقت النوم و نمنى ويم قمنا الصبح تقهوينا وسوينا الفطور حميسة
ويوم أفطرنا وخلصنا رحنا يم مكان أخر جوى الطبيق اسمه النجيلي
وكان هذا المكان مقفل من كل الجهات مافيه إلى درب السياره
يعني أربع جهات كلهن جبال طويله ماوصلنا هذا المكان الى المغرب
وجلسنا ونزلنا العزبه وسوينا القهوه والشاي وطبخنا العشى
طبعا بالوقت الي حنا نطبخ به كان المسجل شغال والجوالات
مشبوكه على الشاحن السياره الي حنا كشتنا عليها سيارة ولد عمي
قبل نحط العشى أرسلني ولد عمي اشغل السياره فرحت أبغي أشغلها
فيوم شغلت اثر البطارية خلصت فما أشتغلت قال ولد عمي خلاص خلها
يمكن بعد العشى تشحن وتشتغل ويوم حطينا العشى وتعشينا
وخلصنا رحت ابشغل ثاني مره وماأشتغلت قال خلها يمكن بكرى الصبح تشتغل
قعدنا وتقهينا بعد العشاء بعدين نمنا ويم قمنا الصبح تقهوينا وأفطرنا راح ولد عمي
يشغل السياره طبعا السياره كانت جيب شاص 2006ماشتغلت
قلنا مالها إلا ندفها كان مكانها على بطحى وقعدنا ندف من الساعه سبع الصبح
إلى الساعه ثلاث الضهر كنا بالشتى يمكن مشت عشر امتار قال ولد عمي
ابغى اروح فيه مركز حماية كان يبعد عنى 45كيلو متر بس ولد عمي
قال انه مايجي 15كيلو متر راح ولد عمي واثنين من اخواني معه راحوا الساعه
اربع العصر قعدت اناواخواني وولد اختي عند السياره وقعدنا الى حوالي صلاة
العشى ونام واحد من اخواني وهو وجعان رحنا انا واخوي وولداختي فوق الجبل
وجمعنى حطب كثير وولعنا به لاكن مافيه احد
فنزلنا ونمنا حوالي الساعه 10باليل
اخواني الي راحو وولد عمي معهم علبة بيبسي بيها ماء وكيس به بندوره وليمون وخيار
يوم جت الساعه حوالي 11باليل شافوا لمبه يمكن تجي حوالي 25كيلو كان مافيه قمر
ومشوا حتى الساعه الواحده والنصف بعدين ناموا وقاموا حوالي الساعه ثلاث باليل
يبغون يشوفون المبه لقوها طافيه اثريه لمبة الحمايه يوم ناموا طفوها مشو ا اخواني على
جهة المبه وخلص الماء ويوم طلع الصبح شافوا مركز الحمايه على بعد 5كيلو
ومشوا حتى وصلوا دخلوا طقوا الباب فتح لهم الرجل علموه بالقصه وقهواهم وركبو ا [/CENTER]
معه بالسياره ودلوه بمكاننا وجونا واسعفو نا ورحنا والله الحمد
تعليق