تويت
الى السامر
منقووله وتعبر عن نفسها
سلام ورحمة الله يا طويل العمر..يبن سعود *** سلام ما وقف قبلك حد مثلي يغنيبه
سلام يشمل الأسرة من الحاكم إلى المولود *** شذاه العود الازرق والوفاء والطيب والهيبه
من الي غامره بفضلك وجودك يا مقر الجود *** عطاك الي عوارف نجد فالجمعات تحطيبه
قصيد ما يجمل فيك ماله في الوجود وجود***ذراع ما وقف دون الحمى طوله على الخيبه
بعد راحت بروق الوسم ثم هبت هبوب النود ***سحاب الشكر خيل ياعسى ربي يكافيبه
سنا بارق مقاديره ولا غره نعيم العود *** بعد سيله هما بارض الوفا هذي معاشيبه
عوالي نجد فاضت بالمشاعر والنقا مردود*** تهيض هاجس حظه وقف ثم جالك يلبيبه
تجدر من علوه ثم تعدا حده المعهود***لالا شمس النهار اليوم يمكن يجرح شعيبه
وإنا ما نيب بشاعر معك وأنت الشاعر أل سعود***بعد ما صنفك فهد العروبه حسب ترتيبه
كسبت اغلى ثقه واشرف لقب ونته قوي عضو***صعدت بسلم المجد ووردت عذب مشاريبه
تليق بك الصداره وانت تستاهل بدون حدود***مدام انك حبالك نازح الجمات ترويبه
وصلتك مالعيني غير شوفك فالبلد مقصود***ملبي دعوتك يا سيد الشعر ولو اعيبه
سعوديين بامر الله نسود ونبلغ المقصود*** تحت راي الملك ما يطلبه جينا نفاديبه
ثنينا دون هيبة جارنا فالموقف المشهود*** بعد خيطان صاح وطاح ستر اجمل رعابيبه
عسى ربي يعز الدين واهل المرهف المحدود***هل العوجاء حجا مكه واهل نجد وذرا طيبه
وصلتك ياطويل العمر حر ولا علي قيود ***رجعت مطوق بالطيب اسير الجود والطيبه
وفاء دام الوفاء في نجد له سيد ومسيود*** وله يمنا طويله مثل يمنا الشيخ تافيبه
بعد ما اجزلت لي قدر العطيه ولا رعاك الحدود***تنطحت البياض وكل حر من مخاليبه
بذلته باسم نادر ما حسبت لقيمته مردود***ولو هو في ذرا صرح يذري من يذريبه
تراني افتخر في كل رجال ولا عليكو زود***وانا الطيب لو انه من بعيد الناس اماريبه
وانا دربي ودرب ألي سواتي دايم مفقود*** من اهل الحسد واهل الفسد والنمات والغيبه
خبيثين المبادي شكلوا بيض النوايا سود***عدوي ياطويل العمر راعي الشك والريبه
يعذربني على فعلي وينقدني قليل الفود*** وهو ما يدر ان الي يسوي الطيب ويصيبه
يقول اطلقت مالك من هبالك وانته المقرود*** وهو ما يطلق يدين الحليله من تلابيبه
ويقلون الجماعه طبت طيب ما عنه منشود*** وانا وان طبت طيبي مستمده من بعض طيبه
يكفيني شرف شوفتك واخوانك وهاك العود***عسى ربي يمهله وانا ساله ويبطيبه
سعود الحاتمي حاتم زمنا والجميع شهود*** هو الي كل ما يملك لاجل مبداه يصخي به
هوالي ضارب فيه الملك فيصل مثال الجود***سعود ابا الحكايا الي سنام المجد ثانيبه
ضرب فيه المثل واصبح مثل يضرب مضيف سعود***ليا جاء للصخا والجود ذرعان تماريبه
سعود الخيل والجيش الاصايل فالرخا والكود***سعود الضيف والمضيوم لا قربت ممحاضيبه
سعود الرمز وشعار الاصاله فضله المحمود*** هو الي مخر شقر الحرار الي لها هيبه
والك خال على القاله لياكبرت قوي زنود*** بياض فعول كفه واضح جعل الله يثيبه
هو النايف وابو نايف وهو الي شامح كالطود***لو اني ما لقيته بس اعرف طويق الليبه
قريته في جبين الي يقولونه لذبحه قود***غريم ناقل له وزر نفس في مواجيبه
بلاه بليس اغواه ووقع والحال مامن زود*** لا لا الله ثم لا لا سلطان ما فكت مناشيبه
وهو سلطان سلطان المراجل سيفنا المجرود ***ولد شقران عز الخيل العراف تدري به
وهو خيال بارع يفهق الطارد عن المطرود*** فرسه المرجله واسمها غاية مطاليبه
اصيل وللاصايل يبذل اقصى جهد والمجهود***مولع في مراكيض الاصايل لا دهنتنيبه
عسى الله يحفظه من سوء بقعاء والليالي السود***ذخر لي دهاه الوقت واضناه وفراجيبه
لو انه مثل ما هو حبل جوده للعرب ممدود*** يبي يتعب ورى شقران رغم ان الهقاوي به
وعسى الي يقدر الطيب ويكبه وما يحصل فود***وش الي محرمه مادام فعل الطيب من جيبه
علوم الطيب وصوني عليها محتمين الذود***وابا احفظها لو ان الوقت كاثرفي عواقيبه
مادام انك من من الي للعدود الي ذكرت ورود***عليها طول يدها يا سليل المجد والهيبه
نتيجة عقد قمه واتحاد النار والبارود***ويجود بطايل مثلك مطولته مناجيبه
وبحر اعذب قوافي مفخرتنا والامل معقود*** يبي يطلع لها برهان لا شك ولا ريبه
ورد بحر العرب والبحر الاحمر والخبر موكود***وهذا اللغز الحقيقي من عرف حله يجينيبه
سحاب الشكر توه ما فصل برقه وفيه رعود***سنا برقه ضعيف الشوق يمشي به ويسريبه
تعليق