تويت
معنى التسليك
التسليك : هو ان تعطي المتحدث جوه يعني تمشيله وتحسسه انك مهتم ومتحمس لسالفته وانت منتب يمه او داإري انه تسذوب او ساإمج
فيه احكام ل التسليك . . خلنا ناخذها بالترتيب
1- تسليك واجب هذا التسليك لما ابوك ولا امك قاعدين ينكتون وانت تضحك وتسلكلهم غصب . . حتى لو كاإنت النكته سامجه لكن واجب تضحك لان لو ماضحكت يعتبر من عقوق الوالدين
2- تسليك واجب مثلا لو خويك قاعد يتلاسن هو وواحد ثاني وجاء خويك وذب ذبه على اللي يلاسنه . . في ذا الوقت واجب انك تضحك حتى لو كانت الذبه سامجه لانه خويك
3- تسليك مستحب هذا لما تقابل واحد من زمان ماشفته او تقابل واحد اول مره تشوفه او واحد توك متعرف عليه وقال لك نكته . . المستحب انك تسلكله حتى لو هي ساإمجه
4- تسليك فرض كفايه هذا لما يشرح المدرس درس واجب على الطلاب يسلكون له حتى لو مافهمو الشرح علشان يخلص بسرعه . . فلو سلك طالب واحد سقط التسليك عن الطلاب الباقين
5- تسليك حراإم هذا لما خويك او اي واحد يقعد ينكت على العالم ويذب عليهم من وراهم وانت تضحك وتسلكله هذا يعتبر حراإم لانه من الغيبه
يعني فيه شي يخليك تترك التسليك وتقعد تزبد ل العالم . . مثلا واحد دايم يفقش عليك ويعطيك من الرخيص وانت عارف انه كذوب بس تسلكله . . عاد انت طفحت من كثر ما يكذب . . في هذي الحاله اترك التسليك
واقعد ازبدله وقله مع احترامي لك انت كذاب << بالله وين الاحترام فيه . . يعني هذا النوع ماينفعله الا التزبيد انت سلكله في البداإيه بس اذا شفته زودها علطول ازبدله
التسليك شي حلو ويجعل المجتمع مترابط اكثر واكثر ويعم بالسعاده على افراد المجتمع لأنك تعطي المتحدث جوه وهو يحبك لانه يحسبك متحمس مع سالفته . . وهذا الشي يجعل المجتمع يسود بين ارجاإئه المحبه والألفه . . انا شخصيا احب اللي يسلكلي بس مو مره يعني يسلكلي في وقت الازماإت . . زي مره قلت نكته في فصلنا وماضحك منها الا واإحد طبعا واضح انه يسلكلي بس اهم شي انه طلعني من الاحراإج . . وبصراإحه حبيته من بعد ذاإك اليوم
1- لازم تسلك بس مو مره يعني على خفيف
2- يجب عليك التحلي ب الاخلاق السعوديه
تعليق