يشرفني اني اكون معكم وألبي دعوتكم

احب اسمع الشعر لانوو يريح شوي

اول شاعر لي مفضل الوالد (ابوي) طول الله عمره وكثيير من الشعراء مثل احمد السديري و فهد بن مساعد وكثير

يعجبني شعر طير القوافي دائما مبدع في شعره

لا تفكر في العواذل وانت صوبي ادري انه كل درب وله نهايه لاكن انا باقي معك لاخر دروبي

ماأحبك فوق الارض وبس ياكل الخلايق
حتى تحت الارض أحبك يابعد من داسها

اهديها لي الي في بالي ( احتفظ بالاسم )

قصيده فهد بن مساعد التفاصيل الصغيره


ازعل عليك احيان
وأزعل على نفسي قبل ماأزعل عليك
وأرضى عليك احيان
وأرضى على الدنيا وانا راضي عليك
وأنت عمرك
مازعلت .. وماعتبت ... ومارضيت
أزعل علي لو كذب
أعتب علي لو كذب
هذي التفاصيل الصغيره
اللي تخلينا نحب
ماأحب انا ازعل عليك
ازعل انا لأني احب

***
ياأدفي من حروف الشعر
ياأرق من حلم السنين
إذا تركتك تنتظر
حسسني إن انتا حزين
مابي تقول مسامحك
قل : ماأبيك
وإذا رجعت اصافحك
أبعد يديك
أنا انجرح قبل اجرحك
وأبكي عليك
لكن أبي مره تحس
وشلون أنا أمووت فيك
هي التفاصيل الصغيره
اللي تخلينا نحب
ماأحب أنا أقسى عليك
أقسى أنا لأني أحب
***
أدري فيك تموت فيني
وأنا ميت من برودك
لي متى وانتا تبيني
وما تحسني بوجودك
ايه ... حسسني بوجودك
لم صوتي
بعثر حكاية سكوتي
لاتخلي الحب يفقد همسك العذب ويمووت
قل احبك ..
قل احبك
بأعلى صوت
***
ياإبتسامة قلبي ولهفة حنينه
يا شقاه ويا حنانه
يابعد كل المسافات الحزينه
معك امانه
الدروب اللي مشينا .. لاتضيع وتغترب
بالتفاصيل الصغيره
نقدر نعيش ونحب

ايه والله لاكن كلها ليست بالمستوى المطلوب


من عز نومي صحيت وشفت في عيني
دمع تهادى على جفني وأنا غافي
سترت دمعي ب كمي قبل يغريني
وأخذت هذا الجسد من باقي لحافي
وسريت تايه ورا خطوات رجليني
لا الوجه وجهي ولا أوصافي هي أوصافي
أمشي وأقول ل طريقي لا توديني
ل عيون ناس تبي تدري عن الخافي
أمانتك.. خلها ما بينك وبيني
خابرك يالدرب خوة عمر وسنافي
ما ودي الناس تدري وش يبكيني
كرامة النفس ورث أبوي و أسلافي
أمشي وأحس الخناجر في شراييني
والبرد يمشي وراي وينهش اطرافي
وحيد والليل بردونه يغطيني
تقول كن البلد روح بها السافي
إلين ما أوحيت لي صوت يناديني
صوت أعرفه مثل ما أجهل وش خلافي
قمت أتلفت و انادي لا تخليني
ما غيره.. الصوت هذا صوته الدافي
ولمحت زوله من أقصى الدرب لافيني
مدري وش اقول لكن حي ها اللافي
تعال.. شف غيبتك كيف أثرت فيني
تعال.. شفني وأنا أغرق عقب مجدافي
تعال.. خذني ورحبي من عناويني
تعبت أعدي على جمرك وأنا حافي
تعال واقطف بصوتك زهرة سنيني
كل المواعيد عقبك شمعها طافي
تعال وازرع خصل شعرك بكفيني
بضمها لين أحس بليلك الظافي
تعال وشفيك خايف؟ أنت ناسيني؟
قطعت صوتي عليك وطال ميقافي
حتى بديت أشعر أن الحب معميني
وان أنت حلم عثى فيني وأنا غافي
لكن أمانة ترى اللي في كافيني
إن رحت منك كذا ما رحت متعافي
بصدق الحلم وأحذر لا تصحيني
في خاطري كلمتين إن قلتها كافي
أمانة الله عليك إن غبت عن عيني
لا يكون قلبك مثل قلب الزمن جافي
مع كل دمعة تذكر رعشة يديني
ومع كل ضحكة تذكر قلبي الوافي


:::::

وسلامتكم

ومشكوورين على الدعوه

دفا