أعجبني . . ~
واتمنى أن يرتقي لذائقتكم الشعريه . . .








كنت أقول إن ضاقت الدنيا توسع
وأتساءل ليه ضاقت في عيوني ه الوسيعه



لين شفت الخافق اللي حب من جد وتولع
يحرقه وقته وصارت أيامه حزينه





منحرف حظي وأعرفه طول عمره ماتسنع
من عرفت الشوق قاسي والهوى هذا صنيعه






ياحياتي حط يدك فوق هالقلب وتسمع
بس لا تسأل دخيلك ليه دقاتهسريعه







يوم شفتك داخل عيوني نما حب وتربع
يوم شفتك والحياه القاسيه صارت بديعه







كيف أعيش وبعدك أنفاسي بها موتي تمتع
كيف وأحلامي غدت دونك كوابيس شنيعه








والحزن اه يالحزن فيني به الخافق تشبع
ليه حملني تناهيد وحمل ما لا أستطيعه






اه من قلبي وأنا أشوفه مع الوقت يتقطع
يامر عيوني تهل الدمع وعيوني تطيعه





إنت حبك غير كل الحب لو ربعه توزع
كل واحد ماعشق قلبه يبي يصبح صريعه





عاد تدري لو هوى كل الخلايق لك تجمع
مايجي ذره من إحساسي مدام انك شفيعه





يازماني دامني ما أقوى على عنادك تشجع
وأرسم جروحي وأنا بشكي على رب الشريعه




يالله إني طالبك من قلب صادق و يتضرع
لا يجي بيني وبينه كره وأحزان و قطيعه





يالله إني طالبك وإن ضاقت الدنيا توسع
لين تفرج والحياه تصير بوجوده وسيعه








~