تويت
هوووووبا بعد طووول أنتظار وترقب نزل "المطر" عفوا نزل الجزئ الثاني من قصه
" مناحي والأنسه عمشا بنت سداح "
عمشا: ياإلهي أن ذلك الصوف المتحرك يقترب مني ياإلهي أنقذنييي
أنقذوووووووني هيييييييلب
"كوكتيل عربي وأنقلش"
إلى يصحا مناحي من هالحلم على صرخه
"أنقذووووني هييييلب"
مناحي: وأنا أبن أبوي <<<"شاك في أنك أبن أبوك ياغبي"
من اللي ينادي لبو المنادي يالورعان <<<"الورعان كلمه بدويه معناها بالسعودي يارجال بالسوداني يازول بالمصري ياقدع بالسوري ياأبضاي بالكويتي ياريال بالأنجليزي Man " <<دارين والله
الا يلتفت على ذيك الحوريه اللي نازله عليه من السماء أبوالشباب بلم
من هالبنت كانت صاروووخ كانت جميله بمعنى الكلمه " كل واحد منكم يتخيل معاي الأنسه عمشا " كانت بنت بشرتها بيضاء مشربه بالحمره <<" يعني بياض أوروبي وبتعرفوا السر بعدين"وكانت ملامحها ملامح بدو أصيله ذباحه كانت عيونها وساع وعدسه عينها خضراء ورموشها كثيفه وحواجبها مرسومه رسم وكان خشمها طويل ودقيق كأنه سلت سيف <<<"تشبيه بليغ وحاد جدا " فمها صغير وفيها غمازه بخدها اليمين وكان وجهها دائري وخدودها مليانه وشعرها لونه أصفر
و طويل لحد أردافها ومدرج وكانت طويله وجسم رشيق متناسق ومايل إلى النحف وكانت لابسه عبايه على الكتف ومخصره وطرحتها لافتها على كتفها وكانت لابسه نظاره شمسيه بس رافعتها على شعرها"وكانت الفتاه تصرخ ترجف رجف من الخوف<< ياعمري صكتها أم الركب
وكانت تطالع هالصوف المتحرك اللي كل ماهو يقترب من لمها
الأنسه عمشا: يارب أنقذني أنت يافتى أبعد هذا الصوف بسرعه وكانت تأشر على الصوف المتحرك
مناحي: ها <<<"صار الورع لوح"
من حقه أول مره يشوف قدام عينه بنت غير الشيفه وضحىوطالع اللي كانت تأشر عليه كان
كان
كان
سنعود
فأأأأأصل اعلاني
أليسا : ياماما أنامو عارفه إيش أعمل مع البيبي طول الليل بيبكي ويصرخ ومو راضي يشرب رضعه ولاينام إيش أعمل؟؟!
الأم: يمكن يابنتي مبلل
أليسا: لاياماما هو قبل لينام أغير له
الأم: أكيد أنتي ماتستخدمي بامبرز
أليسا: لا ماأستخدم بامبرز ياماما
الأم: هذا هو السبب ياحبيبتي بامبرز يمنع البلل ويمنع تسبب الحساسيه للبيبي
"بامبرز لا للبلل ولا للبكاء في أنصاف الليالي"
محشش حصل على الكنز
قال: ياسلام هانت مابقى إلى الخريطه >>>> هق هق
عدنا
كان
كان خرووووف <<< " يقطع أبو الصوف المتحرك اللي خوفك وسوى هالفلم المرعب يا أنسه عموشه"
ذهب مناحي مسرعا لكي يبعد ذلك الخروف
مناحي: هش هش<<<< "لغه يفهمها الخرفان بس ومعناها أبعد أبعد ياخروف ياقميل "
ولتفت للبنت وكان شاك أنه كان يتخيل بس كانت البنت قدامه ومو خيال
فقتربت عمشا وهي مبتسمه
: شكرا لك لقد أنقذتنيمناحي بعد هالأبتسامه راح في خبر أن منصوب وعلامه نصبه الحب والمبتدأ مرفوع بعظم الله أجرك في الحب وبلاويه
"<<< ولك واحد مجرب الحب ومتعذب مع حبيبه "\
فهتزت عنده المرجله فصرخ مناحي
: أنتي يامره ماتستحين على وجهش ورى ماتحطين غشوه" <<تفسير غشوه : يقصد بها الخمار وهو مايوضع فوق الرأس ويغطى به الوجه >>> شكرا لتفسير يابرنسيسه تعبناك معانا"الأنسه عمشا بستغراب: ماذا قلت يافتى
ومناحي مولع نار: أنا رجال ماني ورع صغير ولامو مالي عينك
عمشا بعصبيه
: هي أنت أني أسمعك فلماذا تصرخ هكذا مناحي: أقول صيري مره وتكلمي عربي<<< " لا أناماأقدر حاليا خارج التغطيه طبعا من الضحك يعني يامناحي أنت شاك أنها تتكلم صيني ولا فرنسي "
أنتي ألحين وش تبين؟
عمشا : أليست هذه باديه"شاكيرا"_
(((أحأسيس فتاة:أقول يالبرنسيسه وين هيفاء وهبي؟! قلتي نانسي وأليسا وشاكيرا والله يستر من اللي جاي بعدهم")))
مناحي: قصدك باديه شاكره <<<"اه منك وش جاب شاكيرا عند شاكره شكلك معجبه فيها"
أنسه عمشا: أووو سوري ياسيد
مناحي: أقولك أسمها شاكره ماهيب سوري وأنا أسمي مناحي بن عقاب مب سيد يامره
عمشا تناظره بستغراب فهي لم تفهم شيئ
مناحي : أقول من نتي؟
الأنسه عمشا: أناMis Amsha
مناحي بخوف: بسم الله "تف تف" قل أعوذ برب الفلق "تف تف تف" من شر ماخلق
والله أني داري أن فيها مس "جني" ولافي وحده مزيونه مثلها "تف تف" أعوذ بالله من الشيطان الرجيم يامره تكفين وترى تكفى تهز الرجاجيل "<< أبوعقاب خرف ألحين عمشا رجال ولاوش
"تراني واحدن ضعيف حافي منتف وماعندي ولا غنمه وعايش على تمر ولبن وماأملك إلى خيمه هريانه تبينها خذيها بس أتركيني حرام عليش ماتهنيت بشبابي وماعرست وإذا تبغين تعذبيني أو أزوجيني وضحى الشيفه
<<< "ألحين صار زواجه من وضحى عذاب يالبرنسيسه ياحرام شكلها تشبه خطر اللي في الحياله"أنا راضي وموافق بس تكفين لاتدخلين فيني وأصير مسكون ياويل حالك ويلاه صرت يا مناحي مجنون اه على حظي المنحوس اه إهئ إهئ
عمشا مافهمت حاجه لأنه كان يتكلم بسرعه بس شافته يبكي فبكت معاه
<<< "ياعيني على الرقه ياأنسه عمشا"أقتربت عمشا من مناحي كي تواسيه في مصيبته
ويبتعد مناحي وهو خائف: أنتي من الجن ولا من الأنس ياحرمه تكلمني أنتي مين؟؟؟؟؟؟؟؟؟؟
عمشا بتعجب!!!!!!!: أناعمشا بنت سداح أتيت إلى هنا من أجل أن أرى والدي
مناحي : أنتي بنت سداح أبو عمشا
عمشا: نعم ياسيد مناحي
مناحي وهومرتاح: الحمد الله يعني أنتي مب مسكون "فيك جن" بعدين أنا أسمي مناحي بس مانيب سيد مناحي ياحرمه
شهق مناحي
<<<"توه يستوعب أنها بنت الشيخ سداح أبو عمشا ألي فقد بنت من عشرين سنه "عمشا: مناحي مناحي
" كان مناحي سرحان ويفكر كيف طلعت بنت سداح أبو عمشا بعد عشرين سنه!!
ماسر أختفاء عمشا وماسر ظهورها المفاجأ ؟؟!!
كيف تكون رده فعل سداح بعد أن يعلم بعودته أبنته عمشا؟!
وماهي صله القرابه بين عمشا ومناحي؟!
كل هذا ماسنعرفه في الحلقه القادمه من مسلسل " مناحي والأنسه عمشا بنت سداح "
على قناه "عبير"
أنتظروووونا في الجزى الث3 الث من مسلسل " مناحي والأنسه عمشا بنت سداح "
وأنشاء الله يعجبكم الجزءوأنتظر ردودكم ...
ودمتم في حفظ الرب ورعايته
بقلم :سوسو..
تعليق