تويت
يستر على من يرجعني لحضن القصيد
هو ليش كل ماقريته صرت أحس بْملل
كل ما أقرّب من أنفاسه أروح إلبعيد
والمشكل اني أحس فالبعد عْنْه بْخلل
تركيب هذا الالق وكيميائة فريد
مارتاح لو ماعروقي منْه جاها بلل
يجري معي في مجاري الدم وسط الوريد
وان غاب عني مصابي في غيابه جلل
وش لون أردّ الحميميّه معه واستعيد
الذائقه بعد م ابتُليْتْ ببعض العلل
شفت وتشبعت لين اصبح شعوري بليد
سامع يقولون للاشعار سُوق وُدلل
ان كان هذا حصل مافي أحد مستفيد
بعض القصايد متسوى ياجماعه هلل
أظن الابداع اصبح في زمنا ( قعيد )
وجسم هالساحه المُتعب اُصيب بشلل
وجهة نظر واعتقد مانيب فيها الوحيد
لكنها تحتمل في كل حال الزلل
القصيده للشاعر مبروك بن ماضي
تعليق