يا نديم الجرح ولي وصتك برقامها "
عارف انك ما تعرف الا شذى يشمومها "

لا تعلمني عن اخر ما حصل فأ يامها "
من رسالتها عرفة اليوم كل اعلومها "

ادري ان الوقت شمر عن ايديه وضامها "
وادري ان الحظ الاقشر سار مثل اهدومها "

وادري ان الهم وقف في طريق احلامها "
لين سار الحزن اثرها وشقا مقسومها "

بس تستاهل هي الي طاوعة من لامها "
وباعة الي كل ذنبه ما دخل في سومها "

خلها تدفع ثمن غلطاتها ما دامها "
هملت قلبي وراحت واسرفت في حومها "

يبتعد مع كل خطوه صوت وقع اقدامها "
وتقلب الضيقه وتصحا دمعتي من نومها "

لين غابة عن عيون وانجلا هندامها "
لليتا تغفا على صدر الضلام انجومها "

كنت احس بشي والله ما تشيل اعظامها "
لو تحس بشي منه يمر وسط احلومها "

كنت احس ان الضلوع العوج مثل ايتامها"
واشعر ان القلب نبضه منتهي من يومها "

والحياة الي تدور اشهورها واعوامها "
وقفت واليوم دور ارماحه واسهومها "

يا كثر ما اغرقت نفسي في بحور اوهامها "
ويا كثر ما ضعت بين اوهامها وهمومها "

ما جديا الا احلم اني واقف قدامها "
وتخيلها تعاتبني واروح الومها "

يا نديم الجرح خلك من اعلوم ايامها "
ما بقا للقلب رغبه يلتفت لعلومها "

والرساله ردها للي زمنها ضامها "
وقلها كلمه وتفهمها حسب مفهومها "

والله ان اقص كتفي قبل ادق ارقامها "
والله ان اشيل قلبي قبل اشيل اهمومها "