تويت
الشوق خيل وطاري الشوق خيال
احبابي عشاق القصيد اليكم هذه القصيدة من ديواني الخاص واللتي ارجو ان تنال اعجابكم وقبووولكم وعذرا عن اي قصوووووووووور لكم الشكر مقدما ..
الشوق خيل وطاري الشوق خيال
خيل المحبة للمحبين تجري
شوق الغلا جامح وللخل ميال
لاهب نسناس المحبين عذري
وارسل معاه الشوق والشوق مرسال
ويجيب لي طاري هوى الروح بدري
لامن طرت غنى لها الشوق موال
موال غنيته من ابيات شعري
يازينها لاجت تمشى على البال
لاجت تثنى في ممرات فكري
دايم تبخترفي خيالي وتختال
خيالها دايم على البال يطري
كن الهجوس لطيفها صار مدهال
طيف يبات وطيف بالليل يسري
حطت لها في داخل الجوف منزال
مبطي وهي تملك مساحات صدري
وش عاد لوحطت على القلب تمثال
وش عاد خلوهاعن الحب تدري
يبقى غلاها لو علي بعدها طال
مادامهاقلبي وروحي وعمري
تحياتي للجميع
خالد
تعليق