الله يعطيك العافيه
أن الله قادر على كل شيئ قدير

الله يعافيك

سبحانه

ديمه: تصدقين يمه إن الوليد خلانا على راحتنا نتسوق ولا قال لنا ولا شيء مثل عوايده
أم فيصل: الله لا يخلينا منه هو عادة مايقول شيء الا اذا انتي كنتي معنا عشان يغيضك..
ديمه: ههههههههههههههههه ياحليله
ريم: نهلا قولي لأمك تخليكم الليله تباتون عندنا ولهانه عليك.. وعلى سوالفك
نهلا: بشوف بقول لها
كلمت نهلا أمها وقالت لها بالأول أمها رفضت بس أم فيصل كلمتها وأقنعتها..
نهلا: الله يعافيك ياخاله
أم فيصل: ماسويت الا الواجب أنا أبي سعادتكم وسعادة بناتي.
ريم: الله يخليك لنا..
وراحوا ريم ونهلا و ديمه لغرفة ريم واقترحت ريم انهم يتفرجون على فلم بال DVD انضموا لينا وشهلا للفريق وكملت جمعة بنات .. ضحك وسواليف ..
نهلا: شفتوا هذاك المملوح اللي كان يطالع شهلا؟؟
شهلا: مو أحلى من فيصل
نهلا: ماأخذت رايك لأني أعرفه من قبل
ديمه: بدينا يابنت استحي على وجهك بس تطلين بوجيه هالشباب ؟؟
ريم: خليها تاخذ راحتها وانتي وش اللي مضيق صدرك.. خلي البنت تشوف المزايين..
نهلا: وش كل ذاك الزين يجنننننننننن بس أسمر شويه
ديمه: خخخخخخخخخخ بس هذا اللي لقيتي عليه .. لا أصلا كانت عيونه شوي صغيره ولابس نظارات ولا نظارات جحا لا مو حلو مرة فيه أحلى منه..
البنات طارت عيونهم وتموا ينقلون نظرهم بين ديمه ونهلا وينتظرون الرد من نهلا..
نهلا: اخس وهذي اللي ذابحتني تنصح اخرتها تعرفين شكله وبالتفصيل مابقى الا تعلمينا كم نظره ...
ديمه: من عاشر قوما اربعين يوما صار منهم.....
وتموا البنات يسولفون ويضحكون وشافوا الفيلم..
نهلا: ريم وش تبين فباقة هالورد اليابسه خليني أرميها
ريم: لا مالك دخل فيها خليها أنا أحبها
ديمه: تحبينها ولا تحبين اللي جابها؟؟؟
ريم: ميته من الحيا وتقول الإثنين
لينا: اخس في قصة حب جديده فبيتنا وأنا مدري لا إحكوا لي ماينفع كذه...
نهلا: من يحب من؟؟ شالسالفه؟؟
شهلا كانت ساكته ولا تكلمت ولا بكلمه وكانت تدري بالسالفه كلها من فيصل (وخلقه شهلا كانت كتوم واللي يعلمها شيء كان يبصم بالعشرة أن الكلام مو طالع لأحد)
ديمه: اوووووووه ريم اعذريني مقدر أصبر أكثر لازم أتكلم وأقول لهم السالفه(ديمه كانت فضيحه وما بلسانها عظم)
ريم: .................................. مستحيه مرررررررررررررررة
وحكت ديمه القصة كلها تفاجئوا كلهم بالسالفه وصارت العيون تنتقل بين الورد وبين ريم عدا شهلا اللي كانت تبرد أظافرها ولا قالت شيء لأن الموضوع مو جديد عليها.....
نهلا:اوووف كل هذا ولا أدري يا ريم أخ منك بس يوم بحب ماراح أقولك
ريم: تقولين الكلام هذا بس ماتستغنين
وضحكوا كلهم وبدوا يسولفون سواليف ثانيه..
** بالصاله كانت أم فيصل جالسه تتابع أخبار الجزيره الا ودخلوا العيال عليها..
فيصل + الوليد + ابراهيم: السلام عليكم
ام فيصل: وعليكم السلام والرحمه هاه كيف كانت التجهيزات؟؟
ابراهيم: تمام تعبنا والله أكثر شيء بقسم الحريم كله نختار لكم شيء يبيض الوجه بس ان شاءالله يعجبكم ..
أم فيصل: الا صار ذوقك وذوق إخوانك فهو أحلى مايكون
الوليد: لا داخل عليه ذوق ماجد العفش
أم فيصل + فيصل + ابراهيم: كلهم كانوا يعرفون كيف ماجد مايواطن الوليد والعكس فقعدوا يضحكون عليهم..
أم فيصل: هذا ولد عمك عاد يا الوليد مايحق لك تقول عنه هالكلام
ابراهيم: بالإذن بروح أشوف ريامي وش شرت من السوق
الوليد: اسألني أنا أقولك وش ماشرت هي وبنات عمها أكبر غلطه بحياتي ارتكبتها إني ضفيت حريم معي للسوق ما يتعبون كله يدورون بالسوق وأنا وراهم تقل طرطور أشيل أغراضهم
أم فيصل: البنات بينامون عند ريم اليوم لا تروح يا ابراهيم
ابراهيم: مستغرب خواتي قصدك؟؟
أم فيصل: خواتك وبنات عمك نهلا وشهلا
فيصل تخوبل وقال ماتبون نطلع نمشي البنات ؟
ابراهيم: روح انت والوليد مشوهم أما أنا فأنا هلكان ومافيني حق لجتهم..
الوليد: الا نوديهم نمشيهم ليش لا
فيصل: وناسه
أم فيصل: ياحرام يابناتي اللي صار لهم شهر يبون التمشي ماجاهم وبلحظه وحده شهلا تقلب راس فيصل وتخليه يقنع الوليد يمشونهم
فيصل: بتجين يمه معنا؟؟
أم فيصل: لا روحوا أنتم ...
فيصل: مسك جواله ودق على ديمه
ديمه: هلا بك
فيصل: هلا وغلا أخبارك؟؟
ديمه: الحمد لله والعرب اللي عندي يسلمون عليك( قصدها شهلا)
فيصل: الله يسلمهم زين ديمه ماودكم نمشيكم؟؟
ديمه: انت ومين بتمشونا؟؟
فيصل: أنا والوليد...
ديمه: أحد مايبي التمشيه ...
( البنات هنا فرحوا وانبسطوا انه فيه أحد بيمشيهم بس ريم حبت تهبل بفيصل وقالت لديمه تقول لفيصل ان شهلا تعبانه ومو رايحه معهم)
ديمه: بس فيصل شهلا مو رايحه ترى
فيصل: هاه؟؟ يووووه من سوأ حظكم إن الوليد يقول مني رايح معاكم وأنا مافيني عليكم كلكم خلاص نأجل الروحة لوقت ثاني( و الوليد يناطط عنده ويقول يالكذاب ماقلت كذه )
ديمه: أمزح شهلا بتروح..
فيصل: اييييه حتى الوليد غير رايه ويقول خلاص بروح معكم..
ديمه: باي بس بنتجهز للروحه متى بتاخذونا ؟؟
فيصل: الساعه 11 تقريبا بس بسرررعه واللي تتأخر عن 11 بنخليها
ديمه: طيب لو كانت شهلا هي اللي تأخرت؟؟
فيصل: انتي والله العظيم مذله اللي يكلمك باي بس
والكل على الساعه 11 كانوا بالصاله وطلعوا بيركبون السيارات..
وركبوا .. شهلا + لينا بسيارة فيصل و ريم كانت بتركب معهم بس فيصل قال لها روحي اركبي مع الوليد ..
و ريم + نهلا +ديمه في سيارة الوليد...
وبالطريق شغل الوليد الراديو
وكانت كلمات الأغنيه...
..( احبك يا نظر عيني غناتي .. و احب الارض لي تمشي عليها .. و احبك حتى اكثر من حياتي ... و اسوم الروح لجلك و اشتريها ..) وصار يحرك شفايفه ويسوي حاله يغنيها لكن هو مايعرفها بس أعجبته كلماتها والبنات يضحكون ويعرفون من المقصود.. ريم كانت بالوسط (هي تابت تقعد وراه ثاني)
ووصلوا الواجهة البحرية ونزلوا البنات وعلى طول ديمه + نهلا مايفوتون شيء ورا الوليد يلقطون عليه أي نظره يناظر فيها ريم ..
و لينا كانوا موصينها البنات تلاحظ نظرات ريم وبعد مايرجعون البيت لازم يقعدون يحكون بكل اللي صار..
كان قدام يمشي فيصل + ريم + شهلا + لينا
ووراهم يمشون الوليد+ ديمه+ نهلا

سبحان الله

لله في خلقه شؤون

اسف هذي المشاركة اللي فوق تكملة لقصة

قاعد أنزلها في المنتدى وغلطت في الصفحة ونزلتها هنا

واللي يبغى يتأكد يناظرها في منتدى الروايات تراها مثبته ترى

اسف جدا

سبحانه

مسموح

سبحان الله يضع سره في اضعف خلقه

سبحانه