تويت
عاتبت الايام ماضيها وحاضرها
يا كل الايام وش باقي وما خذتي
أحلى قطوف العنب في فمك اعصرها
وانتي بحامض قطوفك بعد ما طبتي
دامك قطعتي من الأغصان اخضرها
واجمل غصونك ولا مره بها لنتي
حتى غصوني وشردتي عصافرها
ارثي على اطلالها ابيات من صمتي
دامك صرمتي من اولها لأخرها
دام الشقا فيه رحبتي وسهلتي
اضلاع صدري على الترتيب اكسرها
وفوقها كم غفيتي كثر ما نمتي
وش اذكر اوجاع منك ويش ما اذكرها
دامت هدايا بها الاشواك لفيتي
في جمر الايام تحضني مباخرها
حتى رمادي يدينك به تحنيتي
ظهري بالايام تحرثها أظافرها
كل ما صرخنا ترجينا قسى زدتي
ما جفت العين من دمعة محاجرها
وانتي على الاه ولهانه بها همتي
احزان عمري انا لا فخر شاعرها
وانتي ولا فخر هاجس وحيها صرتي
كل القصايد غديتي صيد خاطرها
مغرم هواها هواكي عاشقه ذبتي
كم من ليالي قضيت العمر ساهرها
وان جيت احلم الاقي حلمها انتي
وش باقي عندي من امالك واخسرها
وش عاد باقي من الامال خليتي
ليتك وطن كنت اول من يسافرها
واترك لك الدار دام القهر أدمنتي
فيني مشاعر عجزت اني اعبرها
يكفي بنضرة عيوني لو .. لها شفتي
مما راق لي
.
تعليق