دعوات عده بينهن دعوةٍ غير
ومن يوم قالواغيرمافيه غيرك

من فرحتي عجزت ألمّ التعابير
ياكويت شكراًكثر الله خيرك

يادرة العقد الخليجي مسا الخير
يعز شعبك يحفظ الله اميرك

والله زمان..منوره..حن لك طير
الله يتمم فرحتك في اسيرك

كافك كرم واوك وطن للعصافير
يائك يد أم الله يناحر نحيرك

وتائك ترى قبل أوصفه تاء تنوير
رغم جهل جارٍ عمى يستثيرك

وحنا.. أول اخوه قل:قبل جدنا الزير
نذيرنايادم واحدنذيرك

قبل الذهب والنفط قبل الدنانير
نعادي معادينك وننصرنصيرك

سعودي كويتي..تنتهي لابغا يصير
شيٍ عسى هو مايصيرويجيرك

شعور مولاي الفهد خير تعبير
لك غير غيرك منهل القلب بيرك

بكل(( السعوديين)) من كبير لكبير
لكبيرك أصدق عاطفه ولكبيرك

والحمد لله أمن فرحه وتحرير
وصرتي مثل ورده يجنن عبيرك

شاعروأحبك باتغزل بك يصير
اموت فيك من أولك لين اخيرك