سلام يا وجهٍ مسافر ولا زال
في داخلي حلم وبراءه وترحال

يا وجه جيت بدفتر العمر تختال
رجعتني ستة عشر جرح وانهال

للقريه اللي لابسه (( مخنق )) اجبال
للعيد لأمي صغت الاشواق موال

يا وجه كنت الرجل مابين الاطفال
واليوم أعيش الطفل والباقي رجال

دربي حديث الازمنه وأطرد الفال
صدقت تاريخ (( ..)) وهو قال

جوع المسافه يشبعه طعن الأميال
يا ابن المواجع يا بدوي عنزالجال

اوجه تراك معرب العم والخال
خاو الظما الصحرا وهيجن مع اللال

مد الرسن للكلمه الحرة تنال
الظلم غيمة صيف مسرع وبنزال

وانا ياوجه انسقت مع واقع الحال
للشمس ترجم للبشر لعنة أجيال

مجبور أعايش غربةٍ باسم الإحساس
واحيا برجوى مقبل العمر لا باس

متفائلٍ بالخير مبعد عن الياس
لو صابني جور الليالي والإتعاس

أشيل من قلب الشقا كل وسواس
اصبر وكم شاكي الليالي من الناس

وليا عصى قلبي سلمت أنت يا رأس
خله يعايش غربةٍ باسم الإحساس