تويت
ظلم الغريب أهون ولا ظلم الاقراب
لان الظليمه من قريبك مصيبه
وعيب القريب اصعب من عيوب الاغراب
لان القريب يعيبك اللي يعيبه
والله مايذبح طويلين الاشناب
غير القريب اللي طعن في قريبه
عقب القرابه والغلا صرتم احزاب !
ولا حد ٍ جنى من فعلته كود خيبه
بالله لايكثر , ترى خاطري طاب
مليت من كثر الجروح العطيبه
الفرق واضح بين صادق ونصاب
والحق يطلع لو يطول مغيبه
وان كان فالدنيا محد حاسب حساب
فالاخره رب ٍ خلقنا حسيبه
وانا قسم بالله . لايمكن ارتاب
ولا حب هرج ٍ فيه نمه وغيبه
احب اقول الصدق حتى لكذاب
واحب اجازي من غمرني بطيبه
وإلا الردي له عندنا حفنة تراب
وان غاب ماقلنا عسى الله يجيبه
بس انت ياليتك تفكر بالاسباب
لان الظليمه من قريبك مصيبه
******مما راق لي ،،
تعليق