هاتوا المصحف وخلوني اقرا سورتين


وامتنع من ضيقةٍ جاتني عقب العشا



ذكر ربي والتعوذ من ابليس اللعين


اتخذها لي عوينٍ ليا ضاق الحشا



لان ربي مدرج الكون رب العالمين


بيده ارزاق الخلايق ويفعل مايشا



هازم الاحزاب مهلك جنود المشركين


وبامره ايسير المطر في السحاب اللي نشا



وفي الصراط يمر ربي بخلقه اجمعين


وكل عبد مره اما برك والا مشا



الله الي خرت اجباهنا له ساجدين


وان غصبنا نسجد لغير ربي لاحشا



فيالله انا طالبينك وباسمك نستعين


ياعوينٍ ترجي الناس عفوك واتخشا



نسالك ياخالق العرش نصر المسلمين


وانك تشرح خاطر زاد همه واحتشا



لو تهل العين شي يكنه من سنين


سيلت وادي حنيفه معا وادي الرشا



ويعذلونه عالمٍ في الزمان مرفهين


همهم بس الغدا ياكلونه والعشا



فوالله اني ماتطرق طريق الجاهلين


والله اني ماتسمع لواشي لاوشا



والصلاة اعلى محمد شفيع المومنين


عد مانبت السنا والخزاما والنشا



مما راق لي