قصيدة اعجبتني ونقلتها لكم


يا مقفيه من ( حياة العاشق ) من سنين

. . . لنتي لا أول ولا اخر ,, من تعداني



ما والله اقول : تكفين (ارجعي) تكفين !!

. . . اقطع لساني قبل ينطق بها لساني



نصيحه , انّك قبل م تجين لي , , تقفين

. . . ماكل من صار (غالي) عندي 00 اغلاني



وبدال ما تذكريني , , حاولي تنسين

. . . ان كان ماهو (على شانك) على شاني



تناسي

اني عشقتك

يا بعد هالعين

. . . ما اشره على اللي نسيته لا تناساني



ما أقدر اسامح وأبدّل قسوتي00 باللين

. . . ولا والله استبدل (الخيره) بحرماني



لي ( قلب واحد )

و لا و الله

لي ( قلبين )


. . . أحب , , لكني : أكره من تغاباني



كل شي توقعته . الاّ انّك علي تخطين

. . . واللّه ( ماكان حقّي منك ماجاني )



خطاك يا ليّنه : , , يومك علي تقسين

. . . وخطاي ياقاسيه : , , ليّن ومتفاني



مليت المّح ابي من غفوتك ( تصحين )

. . . ملّيت (أعاني) لياما00 صرت ما أعاني



دامك ضعيفه , و على فرقاي ما تقوين

. . . ليه تتركين الزمن فيك يتحداني ؟؟



بالله قولي : وش اللي باقيٍ ترجّين ؟؟

لنتي كفو وصل

ووووووو

لنتي قد هجراني



لا ترتجين الأمور ,, ان الأمور تزين

. . . ما عاد لك بالغلا (قاصي ولا داني)



يا (جاهله بالغلا) والله لو تغلين

. . . ما تتركين القهر لو يوم سجّاني



وان كانها بالغلا , , كل البشر غالين

. . . صدقاني اليوم صارو : مثل عدواني



لكن00 !!
على كل حال وش جايبك هالحين ؟؟

. . . تبيني أذكر زمانك بعد نسياني ! ! !



تبيني أكذب عليك أقول لك : تطرين ؟

. . . و انتي ولا يوم حسيتي بوجداني



طبعي و تدرين به وان كان ما تدرين :

أموت

( ( مرفوع راس ) )

إن الله احياني .



ومبداي ثابت , ولاهو بحاجة التخمين

. . . ان كان ما صرت (الاوّل ) ماني (الثاني )



ما قلت لك : عزّتي ما تنقسم نصفين ؟؟

. . . ما قلت لك : عزّتي أغلى من اخواني؟؟



تدرين في قيمتي يا جاهله , , بعدين

. . . لا صاح منهو تخيرتيه ( ينخاني )



واثق00
و متأكد00
انّك وين ما تمشين

كل شي (حلو ,, فيك) لامن ضاع 00 يلقاني



لأنك أصلاً (بدوني)
شي000 ما تسوين

. . . ( ورده ) و لالك حياه 00 بغير ( بستاني )



واللّه ل تبطين وانتي ( نادمه ) و تبطين

. . . ( مصلوبةٍ ) بين : حقراني و حقراني



ترضين ,أو تزعلين
أو جعل ما ترضين

. . . ماكل من راح عنّي مثل من جاني



بس احفظي (دمعة العزّه) و لا تبكين

. . . هذا إذا كان فعلاً (دمعك انساني)!!



و على الأقل في غيابي (حاولي) توفين

. . . و أقل شي اذكري بالخير احساني



و خليك مع من تخيّر قلبك المسكين

. . . عساه بس ينفعك , و يسد فقداني



والا أنا00
إتركيني للشقا و البين

. . . لأني : انسان مخلوقٍ لأحزاني



و يقول ( فرز الوغى ) راكان ابن حثلين :

. . . ((ما يشرب الفضلة إلا رجلٍ هداني)).




و سلامتكم