أخواني وأخواتي أعضاء منتدى عبير

كتبت قصيدة بصديق عزيزلي من وحي معاناته والأحداث التي مر بها تبلورتأبياتي( شخبطاتي) علها تنال أستحسانكم ..



ملاحظة

توفت والدته وتزوج والده وفرقت شملهم ووالده لايسمع لاحدسوى زوجته
فقد ظلمتهم حتى باقي أخوته في وقت لاحق




يالله ياقادرعلى كل سلطان
ياصانع(ن) بيدينك المعجزاتي
يامنزل المصحف شفاء(ن) وبرهان
يامعجز(ن) باياتك الساحراتي
ماعجزك بالأرض انس(ن) ولاجان
انت الوحيد العالي المقدراتي
بديت باسمك عن عدو(ن) وشيطان
رب(ن) عليم بظاهر وخافياتي
وارسلت ابياتي لبويه على شان
يقرا ويسمع من معاني أبياتي
عيشتني يابوي في عيشة أحزان
مشيتني درب الشقى والمعاناتي
خليتني يابوي من دون أخوان
حرمتني يابوي شوف البناتي
ترى غلاهن دايم بوسط الأعيان
والله يحفظهن من الضايعاتي
وأخوي غالي ولايجي منه نقصان
احب أخوي ولابها مجاملاتي
هذا أخوي ومسندي بكل الأحيان
لامن غدت أيامي معاكساتي
لشوفهم مشتاق جداً وولهان
ان قلت اوصلهم فهو من عناتي
من يوم اقرب سكروا دوني بيبان
أوامرك ياوالدي منفذاتي
محروم والله من خواتي من ازمان
كني غريب ولّا هن محرماتي
تذكر أمي قبل توضع بالأكفان
حثت علينا نلتزم بالوصاتي
قالت وصاتي لاتصيرون عدوان
قلوبكم لاتصبح مفرقاتي
لاتتبعون لهرجة فلان وفلان
ناس(ن) تهد بيوتن معمراتي
بعض البشر مافيه عطف(ن) ووجدان
يدور عليكم دايم الناقصاتي
الباخره ماتبحر بدون ربان
وبيوت(ن) بلا رجالها مهدماتي
عسى وصاتي مايجي فيها نقصان
خلوني مرتاحه ولوفي مماتي
الله يسكنها بجنات عدنان
ينزل عليها الرحمه والمغفراتي
وين المبادي وين عطفك كانسان
وين الرحم اللي عليه الوصاتي
ترى نهايتنا على ايدين دفان
كل البشر منزاله المقبراتي
قبر(ن)صغير ووسطه افعى وديدان
للي عمل في دنيته سيئاتي
ونور(ن) لمن قضى حياته بالاحسان
بالخير دايم يتبع المرحماتي
يخاف ربه في ظواهر وخفيان
صوم وصلاه ودافع(ن) للزكاتي
عساك بالجنه يابوي سكان
ياقك من نيرانه المسعراتي
ارفع يديك لواحد(ن) عالي الشان
ادعه يغير سيئك بحسناتي
عجل يابويا قبل لاتكون خسران
ترى الليالي عجله ومسرعاتي
ولاظن باقي بالعمر كثر ماكان
العبد مايعلم بيوم الوفاتي

وسلامتكم

ابوعبادي