تويت
يا زايري والليل حزن وكابه
إسأل م دامك من خفوقي تمكّنت
منك السؤال وفيك تلقى الاجابه
ان قلت لي من انت..اجاوبك: انت
ريّح خفوقك من عناه وعذابه
إن كان انته خنت حبّي انا خنت
تريد تعرف ايش معنى الصلابه؟
اني أشوفك عند غيري ولا اذعنت
أنا وطن نذرت لجلك ترابه
زرعت حبّك فيه وانته تكوّنت
في داخلي افاق فكر ورحابه
سافرت فيها لين زنت وتفرعنت
اسكر بفكري واستلذ بشرابه
ومرّات احسه موت حي وتعفّنت
أحيان زندي ينحني من ذبابه
واحيان اشيل جبال صمّه وما لنت
درست علم الفلسفه وارتيابه
وفي التّصوف عشت عام وتمسكنت
قريت كف البحر واظلم عبابه
وعلم النّجوم ابحرت فيه وتمعّنت
عييت من كثر الفكر والكتابه
ما شفت رد يفيد عقلي وتطمّنت
ودّي اجي سقراط وادق بابه
واسأله علمك صح والا انت خمّنت؟
ليش الرجال أهل الفكر والمهابه
م تهزهم هامات وتهزهم بنت؟!
يا زايري والليل عشق وصبابه
هذا أنا من كثر حبّك تجنّنت
اية حسن ما فيك شي يتشابه
كلما رسمتك حلم فجأه تلوّنت
شفت بعيونك سحر طاغي وغابه
تاهت خطاي فحسنها سنين ما بنت
معذور من ضيّع ف حبّك شبابه
عز الله إنّي بالسحر فيك امنت
يا "هيروين"العشق شوف الغرابه
أنا لمحتك بس مرّه وأدمنت
أقبل وداعك يا بروق السحابه
ونفس السؤال يردّني وين ما كنت
حبّيت أعرف منك أنت الاجابه
طيّب إذا إنته أنا إنت من إنت؟!
مما راق لي
تعليق