تويت
قصه بنت عربجيه
قصة حياة عربجيه ...!!! <<< لا تفوووووووتكم !!!
هاي ...
بعد تنهدات بدأت العربجيه تقول قصة حياتها...
اه ... قصتي قصه ..
كانت ولادتي عاديه زيي زي اي كائن بشري اخر
<< بذمتك؟؟!!
وانا ورعه كنت دايم بالشارع .. ودايم قاعده مع العيال واتطاق مع البنات ولا اواطنهم بعيشة الله..
بالذات الدلوعات
<<وعععععععععععع عليهم
تخرجت من التمهيدي
<< امحق تخرج..
ودخلت الابتدائي .... اه والله يا حالتي كانت صعبه
اول ما دخلت المدرسه اتلفت يمين يسار ..
والله ولا ورع واحد عندهم .. كل ابوهم بنات ..
المهم اني عييت اروح للمدرسه ..
لاني ما احب اقعد مع البناتوبعد المهاوش رجعت للمدرسه ..
واول ما يفتحون باب المدرسه اطلع اتكي مع العيال
وبعدها رحت للمتوسط ...
وكانت احلى مرحله بحياتي
بحكم انتشار العرابجه به المرحله
كنا شلة عرابجه من12 بنت...
واذا مشينا بالساحه لحد يكلمنا او يوقف بطريقنا عشان ما يندم
وبنفس الوقت كنا دايم نفزع للدلوعات
لانهم بنظرنا
كائنات لاحول لها ولا قوه
وبعدها رحت لاصعب مرحله بحياتي
الثانوي..
اول ما دخلت انا وشلتي شفنا البنات
وش ذا الجمال؟؟
وش ذا الدلع؟؟
<<حشا والله عيال
وما يمر صاروخ من عندنا الا وحنا متسدحين قدامها..
بس بها المرحله اهلي رفضوا طريقة حياتي اللي عايشتها..
بس في النهايه استسلموا وقالوا بتعقل لحالها..
وفي مره من المراريت وانا قاعده لحالي بالفصل
والشله طالعين يفرون بالاسياب..
الا وجتني ذيك الناعمه اللي غيرت مجرى حياتي
<< لايكثر بس!!
الناعمه: صباح النور.
انا: هلا<< بشد اللام!!
الناعمه: كيفك؟؟
انا: تمام..امري بغيتي شي ؟؟ نفزع .. نفرش لك وحده.. نطق مدرسه انتي بس امري
الناعمه وبكل دلع:هههههههههههههه
انا: يلعن يووومها..<<قصدي الضحكه
الناعمه: نعم؟؟
انا: لا ولا شي بس والله يا عليك ضحكه تسدح..
الناعمه: مرسي.
انا: ثنكيو<<ما عندها سالفه ابد..
الناعمه:ههههههههه تصدقين على شكلك ماتوقعتك خفيفة دم كذا.
انا: ليه وش فيه شكلي؟؟
الناعمه: شكلك يقول انك مررررررررره عربجيه.. بس انا احس انك مو كذا.
انا: شلون يعني؟؟
الناعمه: يعني احس ان شلتك مأثرين عليك .. والا انتي اصلا مو عربجيه..
شوي الا جو شلتي ورجعت هي لمكانها..
عبير:احلا .. وش ذا الصاروخ اللي كان عندك؟؟
عذاري:الظاهر ام الشباب قاعده تشبك من ورانا.
انا:ههههههههه..لا اشبك ولاشي بس البنت كانت تبيني بسالفه خاصه..
ورجعت البيت وفكرت بكلامها.. ونويت اتغير..
وبعدين قمت احس اني بنت !!!!!!
<<وقبل وش تحسين .. الله يرجك؟؟
وبدت تظهر علي علامات الانوثه:
مثلا:
* صرت اقول شكرا بكثره .. مع اني ما كنت اعترف فيها !!!
* تغيرت ضحكتي من: هع هع هع هع هع _ الى_ هههههههههههههههه
*صرت احط رجل على رجل .. بعد ما كنت احط رجليني عالطاوله.
*صرت مرتبه!!!!!
*صرت اقول صباح الخير بعد ما كنت اقول يصبحهم بالخير
بعد فتره لا حظوا شلتي اني تغيرت .. وما رضوا ان وحده منهم تكون ناعمه..!!
بس حاولت فيهم..
ومدحت كل وحده فيهم اكثر من الثانيه..
وبعد التعب وافقوا يتغيرون..
وبعد شهوووووووور من التعب صرنا بنات ولا احلى..
نسدح 20 وحنا مرتاحين..
وكل الفضل يعود لله ثم للناعمه ..
وصدق انا رجعنا لطبيعتنا...
بس حنا للحين نؤمن بان الدلوعات كائنات بشريه لاحول لها ولا قوه
وسلامتكم
تعليق