حرام أني ماذقت النوم عقب المغيب // وحرام اني عجزت اشيل هم الغياب
ان كان لي خشمةٍ في خافقك يالحبيب // اقرب ترا قربك يزيل العنا والعذاب
أنا ادري الحظ خايب / وياكثر مايخيب // لونه ليا من رما يصيب عين الصواب
ماكان حالي برا ولا صار وجهي شحيب // حامل مواري العنا والحزن والاكتئاب
ولا تهت وضيعت دربي وانا رجل(ن) لبيب // من كثر ما اطرد ورا حلم العمر والشباب
وصحيت من صفعة الوقت العجيب الغريب // اللي بعدها اكتشفت اني اطارد سراب
ارجوك ياصاحبي انت الحبيب القريب // اللي اعتبرته خليل القلب واغلى الصحاب
لاتوهق القلب في هم الغياب الصعيب // ماعاد به حيله يشيل الهموم الصعاب
ابيك يمي ليا مني دعيتك تجيب // واسمع نغم صوتك اللي فيه لحن العتاب