*الجزء الأول*

سجى فتاه عمرها 17 سنه ذات دين قوي بالله
سبحانه و تعالى و كانت عاشقة لدين ربها


يوم من الايام كنت غائبه انا شخصيا
عن المدرسه و بالطبع لم تجلس لوحدها هي قررت انها تغيب
بس أمها رفضت و درست لترضي امها قبل صديقتها

درست و جلست لوحدها في الكرسي ( المقعد ) و جاتها بنت من بنات الفصل و
قالت :سجى وشفيك جالسه لوحدك ؟ فين امل ؟ ( اللي هي انا )

قالت ( سجى ): امل غايبه
قالت البنت ( ساره ) : والله خاينه ليش تغيب و ماتقولك ؟
قالت سجى : كلش ولا صديقتي بعدين هي قالت لي اني بغيب
بس انا لما قلت لامي رفضت اني اغيب و جيب لارضي امي مو لشئ ثاني

ساره : طيب تعالي معنا تجلسين لوحدك اللي يشوفك يقول مجنونه تعالي بس

راحت سجى وهي تضحك من اسلوب صاحبتها في الفصل

لما جلست معاهم قالوا : حيا الله اللي ماتنشاف
سجى : الله يحيييييييكم اعذروني والله مقصره معاكم

جلسوا يسولفون و يعلقون على بعض و سجى مستغربه
كلامهم كله
هم يتكلمووون في الممثلين كل وحده تقول لا هذا أخوي
و ياويلكم إذا تكلمتوا عليه ولا قلتوا مو زين

\ الله يثبتنا يارب \

قالت سجى : بنات و بعدين معاكم تراهم مايدرون عنكم ولا عن اشكالكم
بعدين الوحده ماتفتخر برجل خالط النساء و تقول هو اخووي
والله ماترضين اخوك يروح و يحبله بنت مو قريبته ولا زوجته استحوا
على وجيهكم والله عييييب عليكم

قالت وحده من الشله ( وفاء ) : والله كلامك صح ياسجى

ساره : اقوووول يازينكم ساكتات مو عاجبكم الموضووع
قوموا الباب على اليمين

سجى : يابنت الحلال انا مو قصدي انكم تزعلون انا اقصد
انكم تبعدووون عن الحرام و خلاص

وفاء و بصوت قصير :سجى يختي خلينا نقوم ساره ذي
لسانها اطوول منها ماشا الله عليها

قالت سجى : دقايق بس

قالت وفاء : اووكي انتظرك عند باب الساحه الداخلي

راحت وفاء وتنتظر سجى --- ياربي فين البنت تأخرت
كل شوي تطالع بالساعه خمس دقايق ست البنت ماجات

راحت وفاء و قالت لشله : هييييييه بنات وين سجى ؟؟
قالوا : لما قامت بتجيك خذتها ساره وراحت وراء المدرسه

راحت وفاء تدوور سجى وساره
لقتهم وجلست تناظر فيهم من بعييييييييييد
ساره منفعله في الكلام وسجى تطالع فيها ولاترد ولاكلمه

سألت وفاء نفسها و تقوول ياربي وش قاعده تقول
لسجى و من شوي بتطيير في وجهها

نادت وفاء عليهم بصوووت عالي
ساره سجى
ماسمعوها ابد

راحت تركض لمهم وتنط بينهم و تقوول بنات الله يقطع
شركم تقطع صووتي و انا أنادي عليكم

قامت ساره و قالت : يا الله بعض الناس تخفف دمها و اساسا
هي ثقيلة طيييينه ( وهي تقصد وفاء لانها قطعت سالفتهم )

جلست وفاء تضحك و ماهمها كلام ساره الاهم تشوووف سجى
ولييش تركتها و ماجات

قالت سجى : يابنت مانتييب صاحيه وشله كل ذا الركض ؟
وفاء فاطسه ضحك من خوووف سجى عليها

المهم سألت وفاء سجى لييييييش ساره معصبه كذا ؟
قالت سجى : والله مادري عنها حتى من شوي كنها بتنط بوجهي

استغربت وفاء كلام سجى و ماوضحت لها ابد
وفاء تعرف ايش اللي بصديقتها لانه واضح من كلامها
إن فيه شي قووووي

راحت وفاء و سجى يتمشووون بالمدرسه
إلى ان يرن الجرس
وفاء تحاول انها ماتوضح لسجى إتها عرفت وش كانت
تقول ساره لها

سجى سرحانه في الكلام اللي قالتلها صديقتها ساره


طبعا انتم متشوقين وش الكلام اللي قلب راس سجى
الكلام هذا سهم قوووي
المهم قالت ساره : انتي ياسجى كل الناس فاهمين الحياه
و عارفين اموور الدنيا
سجى : طيب بعد انا مثلي مثلهم
ساره : لا يا سجووووي البنت إذا مادخلت النت كثيييير
ادري إنها ضعيفه و ماتعرف تربي اجيال و ... و ...
هذا هو الكلام اللي ساره قالت لسجى و طبعا قصد
ساره مو اي موقع تدخل تقصد الدردشه

\ الله يسامحك يا ساره دهورتي صديقتي \

سجى جالسه طووول اليوم تفكر في كلام ساره و
وفاء عارفه إن ساره تبي تخرب كل البنات
تبي تنتقم منهم تبي تعيشهم با الالام اللي عاشت فييه
تبي تقلب حياتهم

\ ياويلك من ربي يا ساره إن الله يمهل ولا يهمل \

راحت سجى بيتهم و كنت انا ( امل ) متعوده
دايم اكلم سجى و هي تكلمني عادي في اي وقت
دقيت عليها بالجوال ماردت فكرت اتصل
ب الثابت بس كنت خجلانه ترد امها علي
اتصلت ولا ترد ياربي كل ذا نوم يا سجى
شغلك عندي و أنا ام هندي ( طبعا كنت اكلم بداخلي )

جاء العصر و كمان اتصلت عليها ياربي لازم اتصل على الثابت
اتصلت على الثابت و ردت امها علي وسألتها ليش
سجى ماترد على جوالها ليكون فيها شي ؟
قالت ام سجى : والله مادري عنها يا بنيتي حتى الغدا
مارضت تغداء

استغربت من سجى ليش خواتها مو موجودات
في البيت و خلت امها تغداء لوحدها

لما جاء اليوم الثاني و شفتها يعني ردة فعل على
طووووول صرخت كيفك سجى ياجعلني مافقدك

سجى : امل ماني فاضيتلك و كلامك ذا

على بالي انها تستهبل

قلت لها : لا مليانه احلا

ستغربتها تقول من جدها ياربي انا اخطيت عليها !!
راجعت نفسي و قلت يمكن سويت حاجه و انا ناسيتها بس
هي مانستها يمكن عشانها قويه الحاجه هذي الله العالم وشبلاها

جيت قلت سجى بروح المقصف اشتريلك وش ؟؟
قالت سجى : مابي شي

امل : سجى و بعدين معاك انا سويت حاجه مارضيتي
فيها ؟ اخطيت عليك ؟

سجى : ............ ( ساكته )
امل : سجى ردي علي و بعدين ليش تخلين امك وحدها امس
ماتغديتي معها ؟

سجى : ايش ؟؟ ومن قال ؟؟

امل : سجى هذي امك اللي ربتك هذي امك اللي كستك
و انتي الله يسامحك مطنشتها امك مستحيل تكذب علي
انا عارفه امك مستحيل تكذب

سجى : امل من اليوم انسي إن لك صديقه او زميله
اسمها سجى فاهمه ؟؟

سجى مشت من عند امل و تركتها

امل : سجى سجى حرام عليك ياسجى
ايش سويتلك و ضحي لي عشان اعرف خطأي

سجى : ...... و مشت من عند امل


جات وفاء ل امل : اهليييين اموووله كيفك ؟ الحمد لله على السلامه
ليش غايبه ؟ عسى المانع خييييييير ؟؟

امل : الله يسلمك بس شوي صداع
إلا سجى وش صاير معها ؟؟

وفاء و هي مرتبكه : سجى ؟؟ مافيها شي
من قال ان فيها شي هذا كذاب

امل : لامحد قالي بس انا استغربت تصرفاتها

وفاء : يابنت الحلال تعالي خلينا نمشي و تركي هالوساوس عنك

امل : والله مو وسواس هذا ,انا متأكده فيها شي ..

وفاء : اجل تعالي خلينا نمشي قبل يرن الجرس

رحت انا ( امل ) و صديقتي وفاء نمشي بساحة المدرسه
على قولت وفاء نتطقس احوال الرعيه

قدر الله أننا لاقينا سجى

أمل : وفاء شوفي سجى هناك

وفاء : أمل شايفتها يابنت بس اقصري صووووتك شوي
بنفضح

امل : ههههههههههه وش اسوووي ردة فعل

وفاء : طيب يععع المكان هذا خلينا نعكس الإتجاه

امل : يلا على ربنا

راحوا البنات وراء المدرسه اللي هم ( سجى و ساره )
لما شافوا امل و وفاء جاوا لمهم

دخلوا الفصل الكل

و بالطبع مكان سجى جنب امل
بنفس الكرسي

ساره : هلا امل كيفك ؟ ليش غايبه ؟

امل : هلا وغلا بسارونه الحمد لله كيفك انتي ؟ والله شوي صداع

ساره : دوووووووم يارب بصحه ويييييه ليش مارحتي الدكتور ؟؟

امل : إلا رحت قال لازم هدوء و راحه

ساره : الله يعينك يارب و انتي يا سجى لاوصيك عليها تراها امانه
معك

سجى طالعة ساره بنظرات وش اللي قلب راسها ؟
سجى و من غيييير نفس : طيييييب

امل : لا سجوووي الله يسلمك انا قادره لنفسي
سجى : ...........


جاتهم الاستاذات و من درس لثاني و الحال ماشي
*نهاية الدوام *

اللي راحت واللي تحتري السواق واللي تمشي مع صديقتها
و سجى طوووووووول الوقت سرحانه

ياربي وش في البنت ؟؟ لازم اشووف حالتها

جيتها و قلت : سجى
سجى : نعم امل

امل : سجى واللي يعافيك الاستاذه قالت ارسموا رسم
حر و انتي ربي يحفظك رسامه دخيلتك ارسميلي الحيييين
لو اي رسمه عادي

سجى و حنت ليّ : طيب بس وشبغيتي فيه ؟

امل : والله ماقولك انتي ارسمي لوحدك

سجى وهي مبتسمه : اووووكي

و انا اكلم نفسي (هانت الحمد لله بترسم والله لوتدري انها عن حالتها إن تكفخني )

امل : الله يعطييييييييييييييك العافيه يارب

سجى : و يعافيك بس مابينا شي

سواق امل نادى عليه الحارس طلعت امل و قبل

قالت : سجوووووي الله يعافيك امك انتبهي لها اوووكي
سجى : اووكي

امل : يلا ستودعتك الله يالغلا
سجى : ربي معاك

سجى جلست تفكر بنفسها و تقول ليش ماخدعها
مثل ساره تكلم بوجهيييييييين

الجزء الثاني **

راحت سجى لبيتهم ودخلت سلمت على امها و راحت تغير ملابس
المدرسه جات لم امها و تغدوا مع بعض و كان ذاك اليوم
كان يوم الاربعاء

دقت خالت سجى على ام سجى : الووووووو
سجى : نعم
خالت سجى : السلام عليكم و رحمة الله
وبركاته يالقاطعه
سجى : و عليكم السلام ورحمة الله هههههههه وش اسووي
الدراسه تعب والله
الخاله : كيفك يابنيتي وش اخبارك ؟
سجى : الحمد لله على نعمته كيفك انتي و بناتك كيفهم ؟
الخاله : الحمد لله من فضل ربي
سجى : الحمد لله على نعمتك يارب
الخاله : امك عندك ؟
سجى : ايييييه بس ترا ماراح نجييييييكم ابد
الخاله : ويييييه ليش يابنيتي ؟
سجى و هي تنصب على خالتها : مادري عنكم خلاص خذي امي معك

ام سجى : السلام علييييكم حيا الله ب بنتنا
الخاله : و عليكم السلام الله يحيييك و يطوول بعمرك يارب
ام سجى : كيفكم ؟



* طالت المكالمه بين الاختين *

الملخص من هذي المكالمه ان سجى و امها بيرحوون بيت خالتهم

جهزت سجى و امها و نادوا على اخوهم يوديهم و كان ذاك الوقت
المغرب جاء اخو سجى و ينادي عليها دايم هي وياه بزعاج
غيييير طبيعي

سجى : طيييييب جايه فضحتنا عند الله و خلقه اعوذ بالله
اخو سجى : طييييييب الوحده يجي قلبها حي مو طييييييييييينه

الام : خلاص ماقضيتوا الهواش

سجى : خلاص امي ولايهمك اسكت عشانك
بس مو عشانك انت ( و تقصد اخوها )

ركبوا السياره و اخوها واللي اسمه فهد جالس يطالع بسجى
بنت زيني عباتك من فوق طالعه ورقتها

سجى : محد ميت على ورقت عباتي كل الناس عباتهم فيها
ورقه
فهد : اقوووول زينيها و انتي ساكته


سجى زينتها عشان امها ماتحمق عليها

وصلوا بيت خالتها على اذان العشاء

دخلت ام سجى و سجى الصاله و رحبوا فيهم و جلسوا
الامهات و البنات راحوا المطبخ و سجى معهم


قالت بنت خالت سجى واللي اسمها " رهف "

رهف و هي تمزح : سجى تعالي شتغلي معنى وش على راسك ريشه
سجى : يا الله جايه هههههههههه

رهف : الحمد لله ماقلتي لا

البنات كلهم جلسو يضحكووون

تعشوا و خلصوا و جات السهره

هدى اخت رهف : بنات ليش ماتشغلون دف حلو

رهف : اييييييه والله سامري حلو و راحت تجيبه رهف
و جلسوا يرقصون

و الإزعاج و الصجه رن جوال سجى

سجى : بنات بطلع شوي جايه الجوال يتصل

رهف : ممكن نسمع ؟؟
سجى : اقوول امسكي أرضك هي صديقتي امل

سجى : الووووووو
امل : هلا ليييش تأخرتي برد حسبتك نايمه كنت بقفل
سجى : لا والله بنت خالي تبي تجي معي و انا رفضت
و مادري وش السالفه
ألا انتي غريبه داقه هالوقت ؟

امل : سجوووووي حياتي اسمعيني انا كلمتك الوقت هذا مابي
احد يسمعني غيييييير ربي

سجى : خير إنشا الله , ماعندي أحد وش صاير ؟
امل : سجووي لابس امر سهل و بكرا اقولك دامك عند خالتك
سجى : على كيفك تقولين يعني تقولين ليش داقه ؟
امل : سجى كل تأخيره فيها خيره
سجى : اووووكي انتظرك يالغلا سلام
امل : وعليكم السلام و رحمة الله

رجعت سجى وهي تفكر بموضوع امل ياربي
وش ذا الموضوع السهل وداقه علي وقت متأخر
صحيح مو شي غرييييييب لاني متعوده عليها
طيييب ليش قالت بكرا اعلمك ؟ ليش كلها نفس السالفه
ياربي وشبلا البنت ؟؟


دخلت سجى على البنات و قالوا لها : مبرووووك
كان جلستي بعد وش هالمكالمه الهامه ؟

سجى : والله مادري وش هالمكالمه
وبعدييييييين خلي اللي راح يلا شغلوا المسجل
شوي وطفووووه لانهم سمعوا صووووت امهم تنادي عليهم

رهف : لبييييييييييييييه يمه جايه جايه

الام : هلا برهووف نادي سجى امها بتروح
رهف : لييييييييه وين خالتي تونا الساعه وحده

الام : والله مادري شبلاهم مستعجلين و حنا من زمان ماشفناهم

رهف : خالتي

الخاله اللي هي ام سجى : هلا ببنيتي رهف وش عندك
رهف : ابد سلامتك بس ليييييييش مستعجين ؟
الخاله : والله فهد ( وتقصد اخو سجى ) جالس في البيت لوحده

رهف : ياربي بياكله الذييييب
الخاله : ههههههههه لا بعد ورانا مشوار لسوق
و الجمعه بعده لازم نتجهز

رهف : يقطع شطانكم مادامكم كذا براحتكم والله
الخاله : الله يعطيك العافيه يابنيتي
ناديلي سجى واللي يعافيك
رهف : ابشرري ماطلبتي شي

رهف : سجى
سجى : هييييييه هييييه فضحتينا ترا ابووك فوق ناسيه
رهف : لا مانسيت بس امك تنادي عليك
سجى : امي تبشر جايتها

سجى : هلا والله امي
الام : يلا بروح لبيتنا اخوك فهد لوحده
سجى : ابشري امي لابسه عباتي وجايتك
الام : يلا بس لاتأخرييييييييين

طلعت الام و سجى من بيت خالتهم و رهف تركض وراء
سجى وتقوووووول : سجى سجى

سجى : نعم باسم الله علي خوفتيني
رهف : خذي هالعلكه ذكرى بينا هههههههههه
سجى : والله ماردك جيبيها ههههههههه

ركبت السياره و فهد يقوول : ليش تأخرتي ؟
سجى : والله رهف بغتني بموضوووع
فهد : يا الله ياذا الموضوع

الام : اقووول اسكتوا اطيب لكم

وصلوا بيتهم و طياره سجى تدق على امل

سجى : الوووووووو
امل : هلا وغلا
سجى : ياهلافيك والله يلا انا بالبيت لوحدي
وش عندك ؟
امل : باسم الله علي الواحد يسلم و يسأل مو على طوووول
ههههههههههه
سجى : اقوول بلارسميات عاد وش عندك تراك خوفتيني
امل : والله أنتي ايش فيك قالبه علي ؟
سجى : ..............
امل : سجى ردي والله مازعل منك
سكرت الجوال سجى ولسى امل على الخط

امل : الله يسامحك ياسجى الله يسامحك

اليوم الثاني اللي هو الخميس دقت ساره على ثابت
سجى و ردت امها
ساره : الوو
الام : نعم
ساره : سجى موجوده ؟
الام : ايوه موجوده مين انتي ؟
ساره : وحده من صديقاتها بالصف
الام : خير إنشا الله دقايق انادي عليها

الام : سجى
سجى : لبيييه يمه
الام : تعالي صديقتك بالتلفون
سجى : اوووه طيب جايه

راحت سجى تكلم ساره و ام سجى تطالع فيها
من بعيييييييد و ستغربت الام من ساره ليش لما إتصلت ماسلمت
على طووووول فين سجى
و كمان ستغربت سجى من اووول ماكلمتها ماقالت
غير كلمة الوووو

الام مارتاحت للموضوع هذا و جات لم سجى
و قالت لها : سجى مين صديقتك هذي ؟
سجى بخوووف : ايييييه هذي معاي بالصف
الام : انا عارفه إنها معاك بالصف لكن ايش اسمها ؟

سجى : اسمها ساره
الام : وش بغت منك ؟
سجى : مادري
الام : سجى شلون ماتدرين وهي مكلمتك ؟

سجى وهي تنصب على امها : هي كلمتني و أنا مافهمت عليها
الام شكت بالموضوووووع
الام : يلا خلاص روحي كملي دروسك
سجى : ابشري
سجى وهي طالعه من الدرج ليش ساره إتصلت الوقت
هذا انا قلت لها دقي المغرب عشان امي بالسووق
ليش ؟ تبغى امي تعرف إني اخطط ادخل الدردشه ؟


دخلت سجى غرفتها و فتحت اللاب توب و بعده
شغلت النت
دخلت مواقع مش مرغوبه كل هذا عشان توصل
للدردشه و اخيرا دخلتها

دخلت و ليتها مادخلت

دخلت و صادها سهم مسموم
سهم من نار سهم قوووووووووي


\ الله يسامحك يا سجى \

دخات و بالاسم المستعار من سجى إلى رؤى


ياترى وش سوت و شاكنت تكتب و كييف بيصير
حالها و امها و أخووها

* الجزء الثالث *

رؤى : السلام عليكم ورحمة الله و بركاته
احد السهام المسمومه : وعليكم السلام ورحمة الله وبركاته
احد السهام المسمومه : كيفك يا رؤى نورتي الشات
رؤى : الحمد لله
احد السهام المسمومه : رؤى ؟
رؤى : نعم
احد السهام المسمومه : ممكن نتعرف ؟

تعرفوا على بعض وليتهم ماتعرفوا
كل يوم دخول و كل يوم منقصه فرض من الصلاه
و كل يوم تاركه امها لوحدها اللي سهرت الليالي
و ماخلت بنتها وحدها سهرانه

الام : سجى تعالي يلا العشاء
سجى : امي ماشتهي العشاء اليوم هذا
الام : سمله عليك يابنتي ليش اجل تعبانه ؟
سجى : لاسلامتك يمه بس مابي العشاء
الام : اجل اللي يريحك

نهاية المعارفه بين سجى و الشاب
قال الشاب : رؤى عطين رقمك عشان اتعرف عليك اكثر
والله احفظك مثل ماحفظ اختي و اغار عليك بعد
رؤى : لا مستحيييييييييل
الشاب : رؤى حبيبيتي قولي الرقم
رؤى : **********

يا الله كلمه وحده سحبتها و كلمه وحده جرحتها
اللي جرحتها من اخوها لما يقول زيني عباتك تظن
شايفها حقيره و مادرت إنه غيران عليها
ياويلك من ربي يا ساره ضيعتي البنت


دقايق و يتصل جوال سجى
سجى : الووووو
الشاب : هلا
سجى : مين ؟
الشاب : ماعرفتيني ؟
سجى : سكرت الجوال بوجهه مو مروقه له تفكر ليش
هي عطت الشاب رقمها على طووووووول

رن الجوال ثاني
فتحت سجى الجوال : خييييييييير
الشاب : خير بوجهك انتي رؤى ؟

سجى لما قال انتي رؤى تجمدت مكانها ياربي هذا اللي
بالنت وشبغى مني

الشاب : رؤى ردي علي
رؤى : نعم

كملت المكالمه بالحرام و هو مجرد
جوال لا راح ولا جاء
بس دهور حياتها هذا الشاب

طلب منها تعطيه صورتها و عطته على طووووول
هددها إذا ماكلمت هي إن ينشر صوورتها بالعالم كله

خافت سجى و جلست تبكي ترجاه إنه يحفظ صورتها
و يغار عليها مثل ما قال اووووول

الشاب : هههاي ليش انتي اختي عشان احفظك لا بعييييييييد


كل يوم يهددها و كل يوم يعرض صورتها لكل الشباب
اللي معه و في النهايه جات الصوره بيد
اخوها فهد

\ الله يعينك ياسجى \
على طووووول راح فهد لبيتهم و جلس ينادي و هو معصب
عليها بصووووووته كله سجى سجى تعالي

سجى سمعت صووته اللي اول مره في حياتها تسمعه
غريبه وشبلا صوووته متغير

سجى : طييييب جايه
هي شافة وجه اخوها متغيييير وجلست تطالع فيه
و سألته وش فيك ؟

فهد وهو باقي على عصبيته : تعالي

سجى : خير وش فيك
فهد : قربي مني قربي
سجى : أنت مابك صاحي وش فيك
قربت سجى عشان مايطول صوت اخوها

سجى : بغيت شي

مادريت إلا وكف على وجهها و طبعا من فهد
و حط الصوره قدام وجهها على طول و قال
فهد : مين معطيه هذي الصوره ؟
سجى : من الخووووووف كله ماقدرت ترد
فهد : سجى تكلمي
سجى : .........
و كف ثاني على وجهها

طلع فهد براء البيت عشان يشوف من اللي
معه الصوره

سجى راحت غرفتها و هي تبكي من الم الكف
و من القهر اللي عاشته

* ( امل ) حسيت إن سجى فيها شي
دقيت عليها بالجوال و ماردت

دقيت ثاني و ثالث و رابع و اخيرا ردت

امل : الوووو
سجى و صوتها متغير : نعم
امل : السلام عليكم
سجى : وعليكم السلام
امل : سجى وش فيك ؟ أمك فيها شي ؟

سجى جلست تبكي و ماقدرت و سكرت الجوال

امل : سجى ؟
سجى مسكره الخط من زمان

دقيت عليها ثاني مره و ردت
امل : سجى شصاير بك ؟
سجى و هي تبكي : ........

امل : سجى انا بكلمك ولاتقولين ولا كلمه
بس رجائن لاتسكرين الجوال و سمعيني زيييييييييين
سجى : .........

امل : أسمعيني يا سجى انا عارفه ايش اللي فيك بالضبط
و من زمان عارفه بس كل ماجيت بحذرك سكرتي الجوال
و المرررره هذي رجائن لاتسكرين

شوفي انتي ليش ضيعتي حياتك و ضيعتي شرفك
امك مسكينه ما لها إلا الله ثم انتي خواتك عمرهم
سوو نفسك انتي ليش بعتي نفسك
بنفسك كل هذا عشان بس الدنيا !

طيب كان فكرتي بالاخره دامك تبين دنياك
قبل اخرتك والله انتي غلطانه و انا معك غلطانه

سجى بعد ماهدت شوي : لا يا امل انتي مو غلطانه انتي مو السبب
امل : لا انا غلطانه و اكبر من غلطك بعد ليش لما اجي
احذرك تسكرين بوجهي و ماكلمك ثاني حمليني الخطأ هذا

سجى : والله ماتدخلي معي تضيعين حياتك بس عشاني
امل : أنتي قلي تظيعييين حياتك
ليش لما جيتي تدخلين الشات ماقلتي اضيع حياتي
عشان ملذات الدنيا ؟
الله يسامحك يا سجى الله يسامحك
شوفي سجى أنا كذا مره اكلمك و تسكرين بوجهي
قلت عادي لو بنت ثانيه بتقول ليش تحقرني و اروح
ثاني اتصل عليها
سجى امرك بيدك ماقدر اجبرك على حاجه و ماقدر
امنعك من حاجه اللي علي إني اوضحلك وش كنت
اووووووول اتصل عليك مغزاي كله اني اوضح لك الصح من الخطأ
و انتبهي على نفسك انتبهي على امك اللي عيشتيها اليوووووم المقهور
ليني مع نفسك و ارحميها من كثره الذنوووب
صحيح كل عباد الله خطائين و خير الخطائن التوابين
انتي تبيغين يجي فيك خير توبي والله العظيم ياسجى و انا حلفتلك بالله
إنك تشترين الحسنات في الدنيا بلاش و إذا دخلنا القبر
شلون نشتريها لازم مقابل و مقابلها إنك تعملين بالدنيا
لوجه الله حنا نخاف من الفضيحه في الدنيا اجل كيف بتكون
في الاخره الفضيحه اكبر و اكبر

شوفي يا سجى الفضيحه في الدنيا يمكن يجيك شاب و ياخذ صورة بنت
و يزينها بالكمبيوتر و ينشرها حتى لو مايعرفها

الواحد يكون مع الله سبحانه صادق و يعمل يضحي بنفسه عشان
الاخره مو عشان الدنيا

تعرفين يا سجى إن ربي إذا جات القيامه و حاسب الناس تدرين
إنه ياخذ الدنيا و يحطها بين يديه و يرميها بالنار

مثل مانسوي حنا بالورقه نعفطها و نرميها على طوووووول يدنا
سجى ماشغلك عن امك روحي شوفيها يمكن محتاجتك
و بتأكييييييد محتاجته

يلا سلام عليكم
سجى : و عليكم السلام

كيف صارت حياة سجى تغيرت ؟ تحسنت ؟
اخوها فهد و أمها ايش صار بهم ؟

* الجزء الرابع *


سجى و هي تكلم نفسها الله يسعدك يا امل ليش انا غلطت بحقك
ليش معتقده إنك ماتفهمين الحياه
صح امل قالت ليني مع نفسك و رحميها خلاص بروح
اصلي ثم بنزل مع امي يا الله كلماتها لها صدى
بإذني ياربي اسعدها
اروح اتوظئ و اصلي إنشا الله ربي يقبل توبتي
بس يمكن ربي مايقبل توبتي
عادي بصلي ثم بتصل على امل و بقولها ربي يقبل
توبتي ولا لاء

صليت و لبست و كديت شعري وقبل انزل إتصلت على امل
ياربي كبر جدي ولا اعرف ربي بيقبل توبتي

امل : هلاو الله و غلا
سجى : ياهلا و الله فييييييك

امل : ياحلو و الله هالإتصال
سجى : تسلمييييييييين ياقلبي امل ؟
امل : هلا
سجى : معليش امل وقطعت عليها امل
سجى ترا مابينا شي كلنا خوات

سجى : طيب خلين أكمل كلامي
امل : ههههههه كملي سمعا و طاعه بس من دووون رسميات
سجى : ههههههههه ابشري ألحين انا إذا تبت ربي يقبل توبتي ؟

امل : الله عليك ياسجوووي ربي يفرح بتوبة عبده
و تقولين يقبل توبتي والله افرح بتوبة العبد

سجى : والله يا امل ربي يقبل توبتي ؟
امل :ايوه والله يابعدي

سجى : الله يدخلك بالجنه يارب
امل : وانتي معاي ياحلوه يلا روحي شوفي أمك يمكن محتاجتك
سجى : يلا سلام
امل : في حفظ الباري سجوووو

يا الله قد ايش أنا فرحانه اليوم الله يسعدك سجى

راحت سجى لأمها تحت و شافت امها متغير وجهها
ياربي لاتكون درت الله يقطع شر فهد
علمها ؟؟ ياربي شصاير ؟

دخلت سجى على امها بالمطبخ و قالت : السلام عليكم امي
الام : وعليكم السلام هلا والله ببنيتي
سجى : هلا وغلا والله فيييييييييييك امي

الام : الحمد لله إنك نزلتي يابنيتي و الله حسبتك تعبانه طول هالمده
مانام الليل انتظرك تنزلين تعشين
سجى : الله يدخلك بالجنه يا يمه كان ريحتي نفسك انا خلاص
صرت أعرف اطبخ و كل شي إذا كنت جوووعانه
اسويلي اكل خفيف الله يهديك يا أمي كان ريحتي نفسك

الام : والله مايطاوعني قليبي اشوفك جويعه و اتركك
سجى : خلاص أمي بطبخ انا روحي ريحي راسك و نامي شوي
لما يذن العشاء اصحيك

الام : الله يرضى عليك يا بنيتي خلاص بروح انام فوق
تعرفين راسي مصدع لازم هدوووووووووء

سجى : ابشري يمه ولاتشيلين هم
الام : الله يعطيك العافيه والله

راحت الام تنام و جاء فهد و فتح الباب بهدوء
و دخل و تجاهلت سجى اخوها كانها مانتبهت إنه دخل او جاء

فهد :سلام عليكم سجى
سجى وهي خايفه : وعليكم السلام و طبعا ردة له وهي ماتطالع فيه ابد

فهد : سجى ايش العشاء ؟
سجى : وش تبي انت ؟
فهد : اللي تبيه امي عادي
سجى : امي ماقالت شي بس يمكن اسوي مكرونه

فهد : جعلك على القوه
سجى : ........

فهد : سجى ؟
سجى : هلا فهد

فهد : سجى قوليلي بصدق والله ماسويلك شي بس قولي
انتي اللي عطيتي الولد هذاك صورتك ؟
سجى : .........

فهد : سجى ردي علي والله ماسويلك شي انا عارف مابك راده
عشان عطيتك كف صح ؟
سجى : فهد لاتقول كذا مهما سويت تبقى اخوي
فهد : طيب قوليلي انتي اللي عطيتيه ؟
سجى : ايوه

فهد : ليش طيب ؟
سجى : هو هددني إن ماعطيته صورتي إن يفضحني
حسبي الله عليه

فهد : طيب كان قلتي لي و انا اتصرف معه والله اخطيتي
سجى : والله صادق اخطيت بس ماعود لها تبت ولله الحمد

فهد وهو يبكي : الله يقبل منك يارب
سجى وهي تبكي : ............

فهد : سجى انا مالي غيرك و انتي مالك غيري
ليش طول حياتنا نخبي عن بعض ؟ إلى متى و حنا كذا ؟
كل اصدقاي صحيح يتهاوشون مع خواتهم بس لزوم
يقولون اسرارهم لبعض إلى متى و حناء كذا ؟؟

سجى و هي تبي تغير الموضوع لفهد : خلاص فهد روح نم امي فوق لوحدها
و إذا اذن والله اصحيك انا بعد مو امي

فهد : متأكده مو تنسيييييين ؟
سجى : خلها علي

فهد : الله يجزاك خير وطلع لم امه فوق

سجى تكلم نفسها والله إنه طيب فهد ليش ظلمته و قلت اشياء
غير موضعها الله يسامحني اعوذ بالله اشك بأخوي كذا
الله يدخلك بالجنه يافهد


اذن العشاء وراحت سجى طياره تصحي امها و فهد
يلا قوموا العشاء اذن يلا فهد قووووم
أمي وللي يعافيك تصحين الحين ولا شوي ؟
ام فهد : هلا يمه انتي سجى ؟
سجى : ايوه يمه وش فيك ؟
ام فهد : لايابنيتي مافيني شي بس الصداع
ملازمني

سجى في نفسها ياويلي من ربي سويت بامي كذا
والله صادقه امل امي محتاجه ليّ
سامحيني يا امي الله يخليك امي سامحيني
حسبي الله على ساره

سجى : خلاص امي نامي اللحين و بعد الصلاه إنشا الله
اول لفهد يجي يوديك المستشفى
ام فهد : الله يخليك لي خلاص بنتظر
سجى : لا امي لاتنتظرين نامي إذا جاء فهد اصحيك
ام فهد : خلاص ابشري

نزلت سجى من فوق و راحت المطبخ على طوووول عشان
تجهز العشاء قبل امها تجي و تجهزه
تفاجئت مالقت مكرونه ياربي ايش اسووي

فهد : سجى لاتسوين عشاء بجيب من برا
سجى : لا تكفى انا قلت لامي بسوي العشاء
فهد : لا انا وياها من زمان متفقين نسوي كذا
سجى : خلاص الله يعطيك العافيه ريحتني من الهم
فهد : ههههههههههه هم اجل سوي عشاء
سجى : هههههههه والله نذل خلاص لاتجيب بوصي البقاله يجيب
مكرونه
فهد : لا والله امزح
سحى : والله بعد انا امزح معك يلا روح قبل يقومون
ولاتنسى تجي تودي امي المستشفى

فهد : خلاص يلا سلام
سجى : وعليكم السلام ودعتك الله

طلعت فوق طياره بسرررررررعه عشان اصلي قبل
امي تروح
صليت و قضيت ورحت لم امي

سجى : يممممممممممممه يلا قومي صلي
ام فهد : يلا قايمه
سجى : يلا امي بسرعه قومي صلي عشان
إذا رحتي المستشفى انتي قاضيه صلاتك

ام فهد : والله صدقتي جعلني ملفقدك
سجى : ومافقدك يارب


قامت ام فهد و راحت تصلي و جاء فهد
ياخذ امه و طلعوا و جلست سجى لوحده بالبيت

سجى انا بروح اكلم امل مشتاقه لها

سجى : الووووو
امل: هلا و غلا
سجى : السلام عليكم ورحمة الله
امل : وعليكم السلام و رحمة الله و بركاته
سجى : كيفك اموووول ؟
امل : الحمد لله حدني ماسمعت صوووتك
هههههههههههههه
سجى : على طووووول مافيه مجامله حتى ههههههههههه

امل : لا اعووووذ بالله مو منا و لابنا منها ذا المجاملات ههههههههههع
سجى : يقطع شطانك يا دبا الله يخليك تعالي
عندي انا بالبيت لوحدي
امل : لييييييييه وين امك و فهد ؟
سجى وهي شووي تيكي : اييييه أمي الله يسعدك لا تذكريني
امل : ليييييش فيها شي ؟
سجى : سلامتك والله بس صداع

امل : يامال العافيه خوفتيني صداع سهل شوي
و يرووووح أسألي مجرررب

سجى : طيب الله يخليك تعالي
امل : والله مادري عن امي توافق ولا ترفض
دقايق بتصل عليك إذا وافقت او رفضت

سجى : اووووكي بس لاتطوليييييين
امل : ههههههه لاتوصين حريص يلا سلام
سجى : وعليكم السلام الله يسعدك يالغلا

رحت ( امل ) لم امي وقلت لها : امي فديتك عادي اروح
لصديقتي سجى ؟
ام امل : والله تروحين هذا الوقت ؟ متأخره يابنتي
امل : امي هي عادي عندها امها برا البيت و جالسه لوحده الله يخليك
خليني اروووح تكفين يمممه

أم امل : والله براحتك اللي يريحك شوفيه

و انا اقول بنفسي الله يجعل الجنه دارك و قرارك يارب

امل : الله يسعدك يمه خلاص بجهز و عطي أبوي خبر عشان
يوديني ولا قولي لأخووي لو اقوله بيرفض اكيييييييد

أم امل : خلاص بس روحي إجهزي و خلصي
امل : يلا سلام

رحت لسجى و ماشا الله عليها بالبيت لوحدها و ماخافت

امل : السلام عليكم يا دبا
سجى : هلا والله و عليكم السلام ورحمة الله يالعصلا

امل : كيفش و ش اخر الاخبار قد تم القبض عليها ؟
سجى : ههههههه والله الحمد لله من فضل ربي
بس باقي ما قبضنا على الاخبار تو الساعه ما جات 12

امل : هههههههههههههههه و انتي مع الخير يا شقرا
سجى : ايش اسوووي لزوم اجي هبلا مثل بعض الناس ( و تقصدني )

امل : جعلك ماتعرفين الهبال يا دبا الا معععي وحدي هههههههههع
سجى : لييييييييييه لزوم هبلا مع الكل هههههههههه

امل : تصدقين لوني ماجيت احسن
سجى وهي مستغربه : لييييييييييييييش ؟

امل وهي تضحك : يا كافي ماقلتي جيبي عباتك بعلقها
انا الله الدنيا بنات اخر زمن ماتدرين إني جدتك ؟

سجى : يا مال العافيه حسبت عندك سالفه
امل : ليييه ذي مو سالفه ؟

سجى : لا ذي اخبار بعد مو سالفه و بس
ههههههههههههههههه

امل : يلا نبدأ برسميات وشرايك ؟
سجى : يلا نبدأ

سجى : كيفك امل ؟
امل : الحمد لله كيفك انتي ؟

سجى : دووووم يارب
امل و هي تبي تضحك ماصبرت : تسلمييييييييييييين والله

امل : يا الله يعععععععع الرسميات تخيلت اشكالنا و حنا رسميات
من جد شلون الواحد يصبر ؟

سجى : هييييييييه امل انتي عشانك صديقتي مافيه رسميات بس
روحي لناس ثانيه ماتعرفينهم او من عايلتكم و اوووول مره
تجييين بيتهم طبعا لازم رسميات تبغين يقولون وش ها الهبلا ذي

امل : صدق والله ؟
سجى : اجل امزح عليك

امل : خلاص بروح بيت خال ابووي و بشوف
وإذا ماستحيييييت ياويلك ههههههههههع

سجى : الله شدخلني انتي لو تبين تستحين تقدرين
و إذا ماتبين تقدريييييييين بعد

امل : لا لا تهربيييييييين ههههههههههههههههع

امل : طيب سجى ممكن اغير الجو شوووي
بس شووووي
سجى : تفضلي يا سيدة الحسن و القمال

امل : أحم أحم لازم إنصات ولا على طوووول طرده برا
سجى : شكلي بطردك انا مو تطرديني انتي

امل و سجى : ههههههههههههع

امل : ترا يمكن ارجعلك المواجع عادي ؟
سجى و هي عارفه ايش موضوع امل : عادي ياجدتي
تفضلي حنا علينا السمع و الطاعه

امل : سجوووي الله يخليك قوليلي كل حاجه قالت لك ساره
سجى : اييييييييييييه يا امل و ش اقول وش اخلي
امل : لا سجوو إذا كان الموضوووع مضايقك سألتك بالله ماتقولين

سجى : لا والله عادي و بعد فرحتيني خليني افضفض
بكل اللي بجواتي

امل : طييييب هي ليش قالتلك من كل البنات ؟
سجى : والله شافتني جالسه لوحدي و كنت اقرأ كتاب
القصص ذاك السماوي تعرفينه يابنت الحلال ناسيه اسمه
ذاك السماوي عرفتيييييه ؟

امل : اييييه اييييييييييييه ذكرته كتاب أستاذه
اللغه العربيه صح كملي بس

سجى : ايوه هو كنت اقرأ منه و شووي إلا وهي جايتني
وقالتلي كل الكلام اللي عارغته انتي ( تقصد الكلام اللي فوووووق ^^^اللي سمعتهم وفاء فيه )

*الجزء الخامس *

امل : طيب سجى شلون إقتنعتي على طوووول ؟
سجى : والله الشيطان زينها
امل : طيييب كيفك الحييين تبغين تدخلين الدردشه جد والله ؟
سجى : اموووووله والله ابي ادخلها حاولت أبعد عنها
و وعدت نفسي إني مادخلها ابد
انا وعدت نفسي عشان لما اجي ادخل اتذكر إن من
صفات المنافقين إخلاف الوعد

امل : طييييييييب لبش كنتي تسكرين الجوال بوجهي ؟
عادي والله مازعل بالعكس يمكن سببت إزعاج و أنا
مادري عن نفسي

سجى : والله يا امووووووله لا إزعاج ولا شي بس خفت إنك
تعرفين لان كلامك ذيك الايام يخوووف

أمل و كانت تبي تغير شوي من الجو : ياحظي اثاري لي شخصيه
و انا مادري أحم أحم

سجى : ههههههههههههه يقطع شرك يا الدبا

امل حبت تدخل بالجو الفرفوشي : ايوه سجى و بعدييييييين وين العصير ؟
ترا الباب قريييييييييب
هههههههههههههههههههههع

سجى : اييييييه والله ذكرتيني به الله يذكرك بشهاده
و راحت طياره تجيبه

و امل تقوووول : بنت بنت تعالي قسم بالله امزح

سجى : ههههههههه عارفه بس انا من زمان عن العصير
و بعدين من قالك بتجلسين هنا تعالي وراي بالمطبخ

امل : واصلا من قال إني بجلس ؟ جايه للمطبخ مصلحه بس
اخاف اخوك يدخل و انا مرتزه ( جالسه ) بالصاله

سجى : و أنتي ماتخلين هيالك ؟
امل : يختي هذا ظلي و تستهبل بضحكتها و تقوول ( هي هي هاي )

سجى : الحمد لله و الشكر وش هالضحكه لاتكون ماركه بعد ؟ هههههههههههه
امل : لا مو ماركه هذي صنعت خصيصا للانسه امل و جايه طلبيه
يعني مره ثانيه لاتخطييين بحق ضحكتي ههههههههههه

سجى : كذا يعني خلاص اسفييين يا انسه منشل ( انسة سالي )

امل : وشوووو و نتي شقاعده تقولين الله يخلف عليك
في اخر عمرك خرفتي يا الله بحسن الخاتمه يا الله
سجى : هههههههههههههههههههههه الله يطع شرك صدق إنك
عجوووووووووووووز

طلعنا من المطبخ و جلسنا بالحوش الجو يهبببببببببببل
و كل وحده معها كاس عصيرها

يا الله لاتفشلنا جاتنا أم فهد و حنا جالسات نصارخ بالحوش
و الدلخه سجى ماقالت ترا فهد جاء
الحمد لله ماشافني

المهم سلمنا على أم فهد وسألنها وش قالها الدكتور
سبحانه نفسي لزوم هدووووء و راحه

( لكم يا البنات إذا وحده صدع راسها على طووول تجلس بهدوووء و راحة
البال اهم حاجه مايكووون بالك مشغوووووووول )


جات الساعه 10 بالليل و تعشينا انا و صديقتي
سجى و امها

لما جات الساعه 11 إتصلت على ابوووي يجي ياخذني البيت
طووولت عندهم من الساعه 9 و انا عندهم
خفت ابوي يحمق عليّ ليش تأخرتي و ليش ......؟
و انا ادعي يارب يارب ابوي مايحمق يارب يستر
كنت خايفه جد

لما وصلنا البيت نزلت و قلت ابووي عطني مفتاح البيت
انا بفتحه ابي اودي السالفه مابيه يحمق عليّ

مارد ابوي علي و سكت على طوووووول > خوافه

دخلت البيت و سلمت على امي و على طوول فوق
فتحت إيميلي كانت فيه رساله
غرييييب هالرساله شلون هذي أنا مرسلتها لوحده معنا بالمنتدى كيف جات
عندي اثاريها رساله خاصه من منتديات حدائق الخير

انا من الخوووف من ابووي و التفكير في صديقتي
ما ستوعبت شي

دخلت على المنتدى و كانت صديقتي سجى مسجله فيه
و كنا ماندري عن بعض ابد
بس سبحانه على طوووول قلبي راح لمها و طلبت منها الصدلقه
سألتها عن اسمها و قالت لي : سجى
عمرها : 17
ياربي هذي كبر صديقتي سألتها عن
مدرستها يا الله نفس مدرستي بس مادري هي بديرتي
ولا لاء
قلت خلين اشووفها هي سجى صديقتي ولا وحده ثانيه
سألتها تعرفين وحده اسمها : امل ؟
قالت : و برد مشووق ايييييه والله اعرفها
و كنت على اخر درجه من النار انتظرها ترد

طلعت نكته هي و وجهها من جد هي صديقتي إلي بالمدرسه
( ياحبي لك والله )

لما رحنا المدرسه جاتها ساره ثاني مره
و أنا ( امل ) ماخليت لها مجال تاخذ سجى معها
بعد ناويه بشر خليها تبعد و نبعد عنها الله يسامحها

ساره : السلام عليكم بنات
سجى + امل : و عليكم السلام و الرحمه

ساره : كيفكم ؟
سجى + ساره : الحمد لله

ساره : ممكن سجى تجين معاي دقايق

تدخلت بصوره غير طبيعيه و قلت ( امل ) : لا وش بغيتي منها
الله يرجني حتى الاسلووب مافيه اسلوب

ساره : واللي يعافيك دقايق بس
امل : زين بشرط

ساره : وش ذا الشرط ؟
امل : أروح معاكم > والله النشبه

ساره : انا ابغاها بموضوع خاص

سجى من غير نفس : ساره هو نفس ذاك الموضوع ؟
ساره : ايوه يابعد قلبي

( امل ) و كنت اقول بنفسي حشى لو جدار فهم

امل : ساره البنت ماتبي تروح غصب
ساره بإستهزاء : لا مو غصب

( بنات جاتني حاله غير طبيعيه الواحد يكلم بأسلوب
و أنا من اووول ما جات البنت و محمقه عليها يا كافي )

سجى : ساره بعدين قولي انا تعبانه الحين
ساره و بحقد على امل : براحتك

لما راحت قالت ليّ سجى
سجى : امل انتي وش فيك بايعتها ؟
امل : ههههههههههههه والله يابنت الحلال هذي حره و طلعت


سجى و إستفهامات على وجهها : اها حرره
امل و بكل ثقه : اييييييييييه حره

سجى : ياشينك والله و انتي محمقه شكلك يضحك
كنت بضحك بس خفت تقوول البنت إنهبلت ههههههههه

امل : عادي كان ضحكتي خليها تقوول انهبلت امر طبيعي هههههههههه
سجى : اقول خلينا نروح الفصل الثاني نشوف وش عندهم

امل و هي تضحك : ياحبك لدوجه امسكي ارضك شوي
سجى : من علم الناس يعلم نفسه اقووول قومي بس

امل : بعض البنات ما شا الله تبارك الرحمن من اول مايدخلون إلى يخرجون
وهم بكرسيهم مالت علينا
سجى : مالت عليك انتي وحدك انا لا هههههههههههههههه

امل : ياعيني بس على الثقه اقول وراء ملتمشين عدل
احسلك اللي يشوفك يقول عمرها سكنت بالارض
دايم بالسماء ههههههههههههع

سجى : هههههههههههه و انتي إلى متى تسخرين مني ؟

امل : اعوووو ذبالله ماسخر منك اضحك عليك بس
سجى : اوووووه اسفه انسه منشل

امل : ياذا المنشل كل مكان لاقيتها الله يعين بس

جاتنا كارثه ياربي نجنا بس
جات ساره : سجى ما شا الله تو تقولين تعبانه

سجى : مو تعبانه تعب صحي تعبانه تعب نفسي

انا ( امل ) مت ضحك من سجى يأن عليها تصريفات على المستوى

ساره : تعالي ابيك شوووي و سحبة سجى معها

بصراحه اقولكم انقهرررررررت من حركة ساره

خليتهم و جلست من بعيييييييد اللي يشوفني يقول
برج مراقبه جلست اتابع ساره وش تقول لسجى
حسيت إن سجى إقتنعت من كلام ساره بس في ايش الله العالم

حسبي الله على إبليسك يا ساره بعد ناويه بشر
لا وبعد سجى ماتابت

من جد إحترت ياربي وش اسوي انا
من ساره ذا الطين إلى سجى ذا العجين
إذا قلت لأم سجى بيصدع راسها زياده
اوووووه ليتني اعرف رقم اي وحده من خواتها

اعوذ بالله ليش ادور احد يساعد صديقتي لا
انا بساعدها و بحط نفسي تعبانه مره
و بنادي عليها بشوف إذا جات قلتلها و إذا ماجات الله
يعيني

حطيت ظهري على الجدار و تكيت براسي
عليه جاتني وفاء على طووووول و سجى ماجات
مادري مانتبهت او مطنشه

دقايق إلا و سجى جايه طياره

سجى : امل فيك شي ؟
امل : واللي يعافيك اجلسي هنا
سجى و هي مستغربه : طيب و شفيك اووووول ؟

امل : سجى ماقدر اتكلم اكثر من كذا شووي و اقولك

راحت و فاء من عندنا و ساره تنتظر من بعيد
متى تجيها سجى

امل : سجى يالدبا انا مافيني شي بس ابيك تفتين
من ساره

سجى : ياعمري ضحيتي عشاني
امل : وهل يخفى القمر

سجى : امل دقايق ساره مسكينه بروحلها شوي
امل : سجى إذا ضعتي ترا مالي دخل

تقول سجى هالكلمه جلست بإذني بس الشيطان
لعب بعلي و اخلفت وعدي و دخلت الشات
من سبة ساره

\ الله العالم من سبة ساره ولا ... الله يسامحك ياسجى \

راحت لبيتهم سجى و رجعت نفس اووووووول بس اللهم
إنها تصلي بعجله و ماتجلس مع امها ابد بس وقت الوجبات
و خلاص

فهد لاحض نفس الحركه تكررت من اول مع سجى
و فكر في حل
اخيييييييييييرا لقى الحل و هو إنه يدخل عليها و هي عند النت
24 ساعه عشان يشوف وش بتسوي

ومن مكان إلى مكان مع سجى و النهايه سألها أحد السهام القاتله
قالها : عندك إيميل ؟
رؤى ( سجى ) : لا

قال : معقوله بنت مثلك حلوه من دون إيميل أبشري
اسويلك إيميل انا
رؤى : لا لاتسوي

الشاب : ليش ؟ شلون اتعرف عليك اكثر ؟
رؤى : مو لازم سوالف هنا تكفي

طالت المحايل من الشاب و يأس و طلع
جاء و قت ثاني
و دخلت فيه سجى الشات

رؤى : السلام عليكم و رحمة الله و بركاته
ريم : وعليكم السلام و رحمة الله و بركاته

رؤى : الحمد لله معاي بنت ؟
ريم : ايوه بنت حبووووبه مثلك
هههههههه

رؤى : من زمان ادور بنات اسولف و ياهم
ريم : اها هلللا الوأت جيتاك

طلبت سجى من ريم إنها تسوي لها إيميل
و طبعا ريم على طوووول سوت لها

و قالت سجى
رؤى : ريم الله يعطيك العافيه يارب
ريم : ويعافيك ماسوينا شئ

طلبت سجى من ريم إيميلها رفضت ريم
تعطيها و طلعت سجى و راحت على طوووول للماسنجر
تفتحه تجرب إيميلها بينفتح ولا لاء

طبعا إنفتح بعد ويش لانها ماحفظت كلمة المرور و مادري ايش

وطمعت سجى بالإيميل و دخلت ثاني و بنفس الاسم

رؤى : السلام عليكم و رحمة الله و بركاته
عسوله : وعليكم السلام و رحمة الله و بركاته

رؤى : كيفك عسوله ؟
عسوله : الحمد لله دامج هنيه

وجلسوا يسولفون هذي بديرتها تسولف فيها و ذيك
بديرتها تمدحها

المهم سألت رؤى عسوله و قالت :
رؤى : عسوله واللي يعافيك تعرفين تسوين إيميل ؟
عسوله : من عيوووني أسويلج

رؤى : تسلم والله هالعيون
عسوله : وياج

سوتلها إيميل ثاني ودخلت نفس الماسنجر و شغلته
و ماشتغل ابد

دخلت سجى الشات ثالث و رابع و خامس و إلى
ايش مادري كم بس كل شوي داخله
دخلت و طلبت بعد إيميل ثالث

\ سجووي ليت اعرف شقصتك مع الايميلات
معليش على اللقافه بس يقولون اللقافه ثقافه ههههههههههع \


وكل يوم مستواها الديني نازل و الصلاه الحمد لله تصليها
بس متأخره كله من الشات لابارك الله في عدو من سواه


تغيرت حياتها و إنقلبت رأس على عقب
صارت امها تدعي عليها لانها تعق امها
و صار فهد يشك فيها من كل النواحي
و طبعا رضى الوالدين من رضى الله
و سخط الوالدين من سخط الله

\ الله يهديك يا سجى \

اقولكم حياتها معاصي في معاصي

\ الحمد لله الذي عفانا مما إبتلاهم \


تذكرت انا شخصيا صديقتي اللي
من كنا بالإبتدائي مع بعض تقدرون تقولون
اللي تقولون بها الصداقه

سبحان الله اللي اسويه تسويه واللي تسويه
اسويه و من جد ماندري عن بعض
يعني مانتفق ابد


تذكرتها و رسلت لها ها الرساله و الكل عارفها
بس انا ابي اصحي البنت
نص الرساله

* الجزء السادس و الاخير *

ارسل لها رسالة وبالاخير
افتحيها و اقري كل كلماتي و في
امان الله يالغاليه ..


رسلتها لها و على طووول نزلت تحت و خليت الجوال فوق
عشان إذا دقت مارد عليها

صحيح دقت علي
لا لا تحسبونها قالت شي زين الله يهديك يا سجى
مستحييييل اقوله لانه والله يجرح

انا مازعلت منها بس خذت بخاطري شوي المفروض
تقدرني مثل ماقدرتها بس يلا خليها على الله

نزلت تحت و تجاهلت الموضوع مابي احد يدري
بحال صديقتي

\ و مهما سوت و فعلت تبقى عزيزه و غاليه على قلبي \


و كذا رساله ارسلها و عظيه تصحي البنت شوي على الأقل
و ارسلها قصص بس مافيه فايده

و اخييييييييييييرا إقتنعت من نفسها اللي جالسه تسويه خطأ

\ شعقبه إذا فات الفوت ماينفع الصوت \

هي بنفسها جلست تقرأ رسايلي الاولى هي عاديه
بس عندها عشان ذنوبها جات كارثه ها الرسايل

\ الله يكتب لنا الاجر يارب \

سجى ماقدرت تقولي إني خلاص ابي اغير
حياتي لا راحت تدور بنفسها و راحت لبنات اكبر منها
في الإعلام يشتغلون و قالت لهم

( انا ابغى اكره حاجه اسمها دردشه بالنت )

الله يجزاهم خير ها الأخوات نصحوها و قالوا لها كل شي
يعني كأنها توها طالعه على الدنيا

\ خواتي الله يكتب اجركم يارب
كثروا من ها الحالات عندكم مو تحولونهم
لاي خدمه ثانيه تخيلي هداية شخص من الناس على
يدك كل حاجه يسويها خيييير تأخذين اجر معاه و انتي أصلا نايمه
و لا كنتي تسوين شغل ثاني
فرضا كنتي تشتغلين بمنتداك الخاص
و الشخص اللي هدايته على يدك جالس
يقرأ قران تأخذين اجر معاه و انتي ماتدرين
الله يجزاكم بالجنة يارب \

سجى باقي على نفس حالتها اقنعتها
إنها تسجل بمنتدى حدائق الخير ( انا عارفه انها مسجله
بس مثل مايقولوون تذكييير )
دام هالإيميلات كلها
على الاقل تستفيد منها مسجله من زمان الحمد لله بس
ماتبي تدخل ولا مشغوله الله العالم

(((( طبعا مو حاطه نكها بنفس الاسم سجى نك ثاني ))))

ضعف ترابطها بأمها صارت تخبي عنها اشياء كثير
و اشياء الله عالم بها

\ المفروض الأم و بنتها يكونون قريبين من بعض \

سجى اللي كانت عمرها نامت نوم صاحي
عمرها مر يووم إلا و امها تدعي عليها
دووووم هواش مع اخوها

سجى طلعت بنت غييييييييييييير
مره اللي يشوفها يقوول مو هذي سجى
يمكن تكون بنت غير سجى

انا اقولهم لا و الف لا
سجى غيرت حياتها بنفسها
غيرت حياتها بيدها مثل ماخربتها بيدها
بنت حياتها من جديد مثل ماهدمتها

تعرفون وش السر ؟!

السر سهل مره حطي معك قوة عزيمه و إراده
و توووووبه عن المعاصي
و طبعا هي اثر فيها اخواتنا اللي بالإعلام
كلامهم يهز جبل
كلامهم يخوووووووف والله

صحيح كنت اذكرها بالموت و اذكرها بسوووء الخاتمه
و اذكرها بالقبر
و كمان كنت مرسلتلها صوره حيوان ( الله يكرمكم )
ملتف عليه الثعبان و أقولها هذا ثعبان الدنيا
كييف بثعبان الاخره كنت اصلا انا خايفه مادري من ايش
خايفه كل ما اكلمها كأني على هزاز سبب الخوف هذا
انا شخصيا ماني عارفته

تصدقون عمر سجى سمعت الاغاني والله ماتسمعها ابدا
حتى المسلسلات و الافلام ماتتابعها ابد والله على ما اقول شهيد

امنيتي اعرف ليش خلت الشيطان يلعب براسها


قبل النهايه عندي 3 رسائل

رساله 1
اوعديني سجووي إنك ماترجعين لها ثاني مو سجى
لوحدها لكل من تابت و رجعت لرحمة ربنا

الله يجزاك بالجنه و يجزاك بخيري الدنيا و الاخره
على ماسويتيه يا سجوو ..

رساله 2
الله يجزاكم بالخير اخواتي في الإعلام > طبعا هم عارفات نفسهم
و يجعل ميزانكم تاجر بالحسنات فقير بالسيئات

رساله 3
ليت كل من قرأ ها القصه يدعي لكل المسلمين بالهدايه
و ينصرهم على الشيطان الله يخزيك الله يخزيك الله يخزيك
حسبي الله عليك

اللهم إجعل ختامها مسك
و نير قلوبنا و ارزقنا الخير و دلنا صوابه
و نجنا من الشر و بعد عنا طريقه و هواه




شوي بنات خذوا مني هديه

كلنا نبغى كنز من كنوز الجنه خلاص خلينا نقول
( لا حول ولا وة إلا بالله )

طيب وكمان طماعين نبي شجره في الجنه يلا نقول سوى
( سبحان الله و بحمده سبحان الله العظيم )

طيب طيب شووي باقي تخيلي كل كلمه تنطقين بها
تدخلك الجنه ياحلوها والله خلاص نكمل مع بعض و نقول
( سبحان الله و الحمد لله و لا إله إلا الله و الله اكبر )

اوووه صح شلون ندخل الجنه و حنا مذنبين لازم تنحط خطانا
طيب شلون صعبه نجلس نحسب كل هالذنوب اللي خطيناها ؟
لا لا لقيت حل وكمان كلنا مع بعض نقول
( سبحان الله و بحمده 100 مره )
يا الله بس نقول كذا و تروح ذنوبنا ياربي عفوك و رحمتك



** قيل للإمام احمد : كم بيننا و بين عرش الرحمن ؟؟
قال : دعوه صادقه .


طالعوا فوق ^^^^وش الدعوه الصادقه هذي ؟
إن شا الله كلنا بندعي لبعض بس انا حبيت اذكركم


.. حجاب a ي دس s توري ..

مشكووووووووووووووره على القصه الحلوه

تسلمين............

مشكوره وربي يعطيكِ العافيه

مشكوره