تويت
منقوووووول صغيره وماتعرف تحب
السلام عليكم جميعا
هاي قصه حقيقه حدث بين طالب واستاذ طالب يحب طالبه بالكليه وياه والاستاذ كام يحبها والطالب يكتب هذا الشعر الحلوه والشعر الكم
صغيره
صغيره وما تعرف تحب .. ولا دغدغ قلبها الشوق
هضيمة بشط هواها الروح ... دوم معاتت اوي الموج
صغيره وحسرتي كبيره يا صاحبي ما أظنها تفّل ..
ولا اظن يحصد اليشتل ولا ينفع دمع يهمل
تصد مرّه وأعاتبها .. تراضيني وترد تجفل
لا غلطه البدت مني .. ولا كلمه قلت عنها ولا عني
وأهيم وما أقول أرجع .. تجي يمّي وتجابسني
أنام وحتى ساعه أهجع .. تجي بطيفي وتفززني
وأحس بحرقه بضلوعي .. وتضل تدي وحنيني يصب
وأقول هذي هم قسمه .. صغيره وما تعرف تحب
كثيره أيام مرت وانا هالحاير .. لا شوره التدليني ولا شاير
واشوف الناس كلها عزاز .. وانا وحيدهم باير
اشجاني واشحصلت منها ؟
عواذل وشت عليّ .. مثل ما وشت عليها ؟
لا مامش عواذل ما تحاجيها !!
جا شنهي السدة عليه
عرفته اللي كان واشيها .. !!!
ولك يا صويحبي استاذي يحوم يدور عليها
تحاجيه ويحاجيها .. تناغيه ويناغيها
أقول يا صاحبي اسندني .. أشوف الدنيا تتل بييّ وأتل بيها
ولك استادنا ريّض .. يقول هاي الناس شعليها
حسافة استاد .. جنك ما دريت بحسبتي وياها
حسافه استاد .. قلبي اللي هواها شلون ينساها
شقول عليك يا استاذي .. وشريد أدعي ؟
عسنّك بيش
بالحسرة التحز بكَليبي وبضلعي
بالعبرة التسيّل عالوجن دمعي
بالضحكات بالجلمات علمعبر نار وبالقلب تسعر
عسنّك بيش يملذون يلن كل جلمة بالدفتر تذكرني بهواك اكثر
واذكرنهة احبنهة
وحك عيناك يا استادي وعلي الشرجي احبنهة
امشي عليك أبو حزامين لا توصل بعد يمها
شتريد انطيك شهديلك ..؟
الك قلبي وقلبي عوسج ابهمها
الك روحي وانت الروح ظالمها
تريض وانعل الشيطان .. واسمع نخوة افادي
لو هذا الحجيته وياك ما ينحاج يا استادي
خل يشهد علي الهادي
احرم عليك حتى طبة النادي
وشحدهة وتكَلك طب صغيرة وما تعرف تحب
اشوف الناس كلهة الناس تركض علسراب تكول هذا المي وما مش ماي
وانا عليمن اكَنطر داي فوكَ الداي
ولفي وما يهمة بجاي
لجن انا يا بعد جلاي موش استاذ
ولا بيدي امر ذيج وهاي
وما اكَدر انجحنها لو ساعه اضحكت وياي
ولا أقدر اسقطنها إن صدت تريد جفاي
انا منين أجيب الشهادة منين وارضي بيها هواي
وأنا حسره عليّ يا استادي شربة الجاي
بس عندي قليب يا محلاه .. ألف حسره تحس بجلاه
وعندي تركه من بقايا الروح كثيره جروح تصيح الدّاد
الخطية بركبتك يا استاذ
جرحي وما يلفه ضماد .. ولا اظن قصتي على البشر تنعاد
هذي قسمتي من الله مو من واحد واعتب .. صغيرة وما تعرف تحب
رد الاستاذ:
عيش ابخت واحجي ابخت وبوكَ ابخت
مكَرود يالمالك بخت
تركض وتتعب على الولف تاليه تكعد على التخت
صدكَ يالتنشد عليها ودمع عينك حرام يصب
صدكَ يا فلان زعطوطة صغيرة وما تعرف تحب
صغيرة ولعبت علية صغيرة وعذبت كَلبي
شفتها ابدرسي مو راحة تصد عين وترد تربي
تشيل اصبعها بالعمدا .. شحلاة اصبعها يسبيني
واحس بدمها اليدبي واجاوبها وترد تسال
واشوف منادس الحلوات ياذيني
واحاجيها واكَول لكَيت مكَصودي
شحلاة الرد تكد ايدي وتسليني
شسولفلك
اخاف تطول سالفتي
على ساعة لني غركَان ابعواطفها
احبج كالت حبيب اريدج كالت اتدلل
احب ذبة سوالفها اكلها شلون وانة استاد
اكلهة شلون اطب للصف اخاف حجاية العذال لو واحد يخالفها
يا عيب العيب كالت غصبا على الناس
احبك واعبد الدفتر اريدك واعشك الجلمة التوالفها
مشيت برجل تستاهل الجنة اثاريها بكبرها تطب
صدك يالتنشد عليها ودمع عينك حرام يصب
صدك يا فلان زعطوطة، صغيرة وما تعرف تحب
عليمن تنخة ابو حزامين وتتهدد بعلي الشرجي وعلي الهادي
وتريد تحرمني غصب من طبة النادي
يا حيف الحيف وانت مشورب وراهي
ويكولون الفهم عندك
ولك وين الفهم باليفرض بروحة على محبوبة ؟؟
الفهم يا فلان من يعرف معاني الحب على دروبة
العشكَ يا فلان روحين وسط الريح مصلوبة
العشكَ رد وبدل يا فلان
لو بالكَوة جان صار العشكَ طوبة ..
اعاتب .. والعتب ياذيني ويذبني
اعاتب لجل عينك مو لجل وحدة تعذبني
ترة انة هم مثلك ظليت مدوهن وحابر
انة الظليت ارد للضيم جبحاتة
انة الظليت ذاك الكَال
لا ردنة ابو عليوي ولا بينت مسحاتة
رد الطالبة
جبيرة انة جبيرة وعدكم صغيرة
صغير الماعرف امرة وتدابيرة
صغير الوكَع حظة وبكَة بحيرة
ولك والحبوا يكولون ؟
لو مال الغصن حدرة يا طير اطفر لغيرة
جبيرة انة جبيرة وعدكم صغيرة
صغير انت .. صغير وماتعرف تحب
نسيت شلون اتلكَاك من تجهب
هنا يا لاهي وماعرفت اشلون تلهة
هناية ساهي وما حسبت حسابك الهة
ساعة الكَيك يم سوسن
ساعة الكيك يم زهرة
تعال اكرب اعتبنك ولو مرة
تعال اكرب تعناني اشوفك جرحك اشكبرة
تعال وصير عطابة
تعال وجم تعال وما نفع وياك وانت على ضحجات العليلة
شلون مسترطب
هذا انت وتكلي صغيرة وما اعرف الحب ؟؟
شنهو الحب ؟؟
شتريد تكول .. شتوصفة ؟
المخلص يجيب الماي من الغيم لو لحظة عطش ولفة
لا تطري دروب الحب عليك محرمة كلفة
ادري بك طري ذبلان ادري بيك شبه سعفة
تميل وية الهوة لو مال
ماريدك بعد حيال ظل اسمع حجي العذال
واشبع لوم كلمن كال
المايعرف تدابيرة حنطتة تاكل شعيرة
جبيرة انا جبيرة وعدكم صغيرة
هذي قصتي وية فلان .. لاجن دشوف اشجان
استادي يصول يجول يدور ابحومة الميدان
يعض اصبع يظل سهران .. عليمن ؟؟
شنهو البدر مني وبان
يا ناس اسمعوا قصتي
شلت ايدي لجل فهم الدرس مو لجل حرشة غايتي
وجيتك مرة لو مرتين للغرفة
مرة توصفلي طريج الحل
مرة مدري اشجانت الوصفة
يا عيب العيب تحسبهة سوالف شوكَ ولهفة
خلف الله على الدلاك عايزهة بعد زفة
حرت انة يا هل وادم بين استادي والطالب
من مثلي على الصوبين دتحارب
بعت انة وشريت النوم ولاو فد يوم
اريد الناس ينسوني
اريدن تغمض جفوني
حيرانة الدرب دلوني
لا يوم اليمر يومي مو راح اشكَن هدومي
يا ربي شلون هلحيرة
جبيرة انة جبيرة وعدكم صغيرة
هاي قصه حقيقه حدث بين طالب واستاذ طالب يحب طالبه بالكليه وياه والاستاذ كام يحبها والطالب يكتب هذا الشعر الحلوه والشعر الكم
صغيره
صغيره وما تعرف تحب .. ولا دغدغ قلبها الشوق
هضيمة بشط هواها الروح ... دوم معاتت اوي الموج
صغيره وحسرتي كبيره يا صاحبي ما أظنها تفّل ..
ولا اظن يحصد اليشتل ولا ينفع دمع يهمل
تصد مرّه وأعاتبها .. تراضيني وترد تجفل
لا غلطه البدت مني .. ولا كلمه قلت عنها ولا عني
وأهيم وما أقول أرجع .. تجي يمّي وتجابسني
أنام وحتى ساعه أهجع .. تجي بطيفي وتفززني
وأحس بحرقه بضلوعي .. وتضل تدي وحنيني يصب
وأقول هذي هم قسمه .. صغيره وما تعرف تحب
كثيره أيام مرت وانا هالحاير .. لا شوره التدليني ولا شاير
واشوف الناس كلها عزاز .. وانا وحيدهم باير
اشجاني واشحصلت منها ؟
عواذل وشت عليّ .. مثل ما وشت عليها ؟
لا مامش عواذل ما تحاجيها !!
جا شنهي السدة عليه
عرفته اللي كان واشيها .. !!!
ولك يا صويحبي استاذي يحوم يدور عليها
تحاجيه ويحاجيها .. تناغيه ويناغيها
أقول يا صاحبي اسندني .. أشوف الدنيا تتل بييّ وأتل بيها
ولك استادنا ريّض .. يقول هاي الناس شعليها
حسافة استاد .. جنك ما دريت بحسبتي وياها
حسافه استاد .. قلبي اللي هواها شلون ينساها
شقول عليك يا استاذي .. وشريد أدعي ؟
عسنّك بيش
بالحسرة التحز بكَليبي وبضلعي
بالعبرة التسيّل عالوجن دمعي
بالضحكات بالجلمات علمعبر نار وبالقلب تسعر
عسنّك بيش يملذون يلن كل جلمة بالدفتر تذكرني بهواك اكثر
واذكرنهة احبنهة
وحك عيناك يا استادي وعلي الشرجي احبنهة
امشي عليك أبو حزامين لا توصل بعد يمها
شتريد انطيك شهديلك ..؟
الك قلبي وقلبي عوسج ابهمها
الك روحي وانت الروح ظالمها
تريض وانعل الشيطان .. واسمع نخوة افادي
لو هذا الحجيته وياك ما ينحاج يا استادي
خل يشهد علي الهادي
احرم عليك حتى طبة النادي
وشحدهة وتكَلك طب صغيرة وما تعرف تحب
اشوف الناس كلهة الناس تركض علسراب تكول هذا المي وما مش ماي
وانا عليمن اكَنطر داي فوكَ الداي
ولفي وما يهمة بجاي
لجن انا يا بعد جلاي موش استاذ
ولا بيدي امر ذيج وهاي
وما اكَدر انجحنها لو ساعه اضحكت وياي
ولا أقدر اسقطنها إن صدت تريد جفاي
انا منين أجيب الشهادة منين وارضي بيها هواي
وأنا حسره عليّ يا استادي شربة الجاي
بس عندي قليب يا محلاه .. ألف حسره تحس بجلاه
وعندي تركه من بقايا الروح كثيره جروح تصيح الدّاد
الخطية بركبتك يا استاذ
جرحي وما يلفه ضماد .. ولا اظن قصتي على البشر تنعاد
هذي قسمتي من الله مو من واحد واعتب .. صغيرة وما تعرف تحب
رد الاستاذ:
عيش ابخت واحجي ابخت وبوكَ ابخت
مكَرود يالمالك بخت
تركض وتتعب على الولف تاليه تكعد على التخت
صدكَ يالتنشد عليها ودمع عينك حرام يصب
صدكَ يا فلان زعطوطة صغيرة وما تعرف تحب
صغيرة ولعبت علية صغيرة وعذبت كَلبي
شفتها ابدرسي مو راحة تصد عين وترد تربي
تشيل اصبعها بالعمدا .. شحلاة اصبعها يسبيني
واحس بدمها اليدبي واجاوبها وترد تسال
واشوف منادس الحلوات ياذيني
واحاجيها واكَول لكَيت مكَصودي
شحلاة الرد تكد ايدي وتسليني
شسولفلك
اخاف تطول سالفتي
على ساعة لني غركَان ابعواطفها
احبج كالت حبيب اريدج كالت اتدلل
احب ذبة سوالفها اكلها شلون وانة استاد
اكلهة شلون اطب للصف اخاف حجاية العذال لو واحد يخالفها
يا عيب العيب كالت غصبا على الناس
احبك واعبد الدفتر اريدك واعشك الجلمة التوالفها
مشيت برجل تستاهل الجنة اثاريها بكبرها تطب
صدك يالتنشد عليها ودمع عينك حرام يصب
صدك يا فلان زعطوطة، صغيرة وما تعرف تحب
عليمن تنخة ابو حزامين وتتهدد بعلي الشرجي وعلي الهادي
وتريد تحرمني غصب من طبة النادي
يا حيف الحيف وانت مشورب وراهي
ويكولون الفهم عندك
ولك وين الفهم باليفرض بروحة على محبوبة ؟؟
الفهم يا فلان من يعرف معاني الحب على دروبة
العشكَ يا فلان روحين وسط الريح مصلوبة
العشكَ رد وبدل يا فلان
لو بالكَوة جان صار العشكَ طوبة ..
اعاتب .. والعتب ياذيني ويذبني
اعاتب لجل عينك مو لجل وحدة تعذبني
ترة انة هم مثلك ظليت مدوهن وحابر
انة الظليت ارد للضيم جبحاتة
انة الظليت ذاك الكَال
لا ردنة ابو عليوي ولا بينت مسحاتة
رد الطالبة
جبيرة انة جبيرة وعدكم صغيرة
صغير الماعرف امرة وتدابيرة
صغير الوكَع حظة وبكَة بحيرة
ولك والحبوا يكولون ؟
لو مال الغصن حدرة يا طير اطفر لغيرة
جبيرة انة جبيرة وعدكم صغيرة
صغير انت .. صغير وماتعرف تحب
نسيت شلون اتلكَاك من تجهب
هنا يا لاهي وماعرفت اشلون تلهة
هناية ساهي وما حسبت حسابك الهة
ساعة الكَيك يم سوسن
ساعة الكيك يم زهرة
تعال اكرب اعتبنك ولو مرة
تعال اكرب تعناني اشوفك جرحك اشكبرة
تعال وصير عطابة
تعال وجم تعال وما نفع وياك وانت على ضحجات العليلة
شلون مسترطب
هذا انت وتكلي صغيرة وما اعرف الحب ؟؟
شنهو الحب ؟؟
شتريد تكول .. شتوصفة ؟
المخلص يجيب الماي من الغيم لو لحظة عطش ولفة
لا تطري دروب الحب عليك محرمة كلفة
ادري بك طري ذبلان ادري بيك شبه سعفة
تميل وية الهوة لو مال
ماريدك بعد حيال ظل اسمع حجي العذال
واشبع لوم كلمن كال
المايعرف تدابيرة حنطتة تاكل شعيرة
جبيرة انا جبيرة وعدكم صغيرة
هذي قصتي وية فلان .. لاجن دشوف اشجان
استادي يصول يجول يدور ابحومة الميدان
يعض اصبع يظل سهران .. عليمن ؟؟
شنهو البدر مني وبان
يا ناس اسمعوا قصتي
شلت ايدي لجل فهم الدرس مو لجل حرشة غايتي
وجيتك مرة لو مرتين للغرفة
مرة توصفلي طريج الحل
مرة مدري اشجانت الوصفة
يا عيب العيب تحسبهة سوالف شوكَ ولهفة
خلف الله على الدلاك عايزهة بعد زفة
حرت انة يا هل وادم بين استادي والطالب
من مثلي على الصوبين دتحارب
بعت انة وشريت النوم ولاو فد يوم
اريد الناس ينسوني
اريدن تغمض جفوني
حيرانة الدرب دلوني
لا يوم اليمر يومي مو راح اشكَن هدومي
يا ربي شلون هلحيرة
جبيرة انة جبيرة وعدكم صغيرة
تعليق