قبل سنين .وبعد سنين يدوم ولا يموت إعجاب
أعيشك حب ما يفنى ولو كثروا له العذال

اعيشك حلم للواقع. وعيشك للحياه اسباب
اعيشك شوق للنظره ولو طيفك غدا رحال

دخلتي قلبي لوحدك وقفلتي من وراه الباب
عجز يدخل احد بعدك .ولو حاول ولو احتال

صدفتك في زمن غربه وكنا بالحقيقه اغراب
وكلن يشكي همومه ويشكي من رداه الحال

وحال الحول في حبك وقلبي بالهوى ما تاب
زكاه الحب لعيونك قصيده وصفها ما مال

احبك !!! ايه احبك . اوتدري ؟ انا كذاب
قليل الحب في قدرك. كبير القدر مثلك طاب

اقول اموت في حبك.او حبك براسي شاب
اقول عشقك غدا همي ؟. او همي غلا ما زال!!

انا ضلك . انا خلك . انالك والوفا ما غاب
انا من كثر ماحبك!! تخيل كرهت حب المال

طغى حبك على الفطره.وعيني ما ملاها تراب
ملاها الذوق .حسنه فوق . فوق فوق حد الجمال

انا لو طالت ايامي ترا ماني لغيرك حاب
ولو ساومت على حبك؟!! بقدم عمري للدلال

خذي مني شباب العمر. او كله بدون حساب
ومدي لي حبل وصلك . وانا بمد لك أحبال

احبك !! افهم عاد !! ترا ماهو سؤال إعراب
وافهم زين ان (الحب) ترا ماهو بلعب عيال

انا بوعدك ! واوعدني . نكون ثنين حيل قراب
واذا اخلفت في وعدي ! حرام يساق لي الفنجال

قبل سنين . وبعد سنين . وكل العمرنبقى احباب
وكلام الناس مثل الريح يثور ولا يهز جبال

منقوله القصيدة