تويت
ياللي لمحتو دمعتي بجفوني مستغربين
**مم راق لذوقي**
يا اللي لمحتوا دمعتي بجفوني
مستغربين اللي حصل ياساده!!
تكفون لفراق الغضي خلوني
أشكي همومي محتضن لي وساده
ماعاد أبيكم تنشدون شلوني
جرحي وعارف علته وضماده
إن كان بيديكم سنع شوفوني
وإلا اتركوني للحزن واجهاده
من يوم غاب عن سماي وكوني
مولى قلبي.. غايته.. ومراده
أبو العيون النعاس/ كل جنوني
سيد الرجاجيل البيض.. وأحلى ----
كني عن أبواب الفرح صدّوني
وإلا الصبر.. كثر الرجا مافاده!
الجرح جرحي .. والطعون طعوني
للحب ناس ... وللهوى زهاده
لابو قصيد ٍ يرتضي لي هوني
يشكي من الحظ الردي وعناده!
قولوا له شاللي حصل؟ دلّوني
(أبطى) .. وخابر ماله بالعاده
بعض البشر غابوا ولاهموني
والبعض يمكن خيرتي فابعاده
بس المصيبه لو يصيب ظنوني
بغياب نور وطلّة الميّاده
قولوا له والشوق زاد شجوني
وينك؟؟ تراني ما أطيق زياده
يا ابو الغلا كله ونور عيوني
ياروووح ---- ونبض فؤاده
شوف غيابك يستثير سكوني
والليل عيني ماهتنت برقاده
ضاقت نواحي خافقي وركوني
من روحتك فجأه بدون افاده
دفتر قصيديْ اشتاقلك من دوني
صفحاته لرقة يدك معتاده
وجدي عليك اليوم يامظنوني
وجد العراقي لا بكى بغداده
أقسم برب البيت واتعرفوني
وأبيات شعري تنتظر هدّاده
إن كان عاد والله لْا تلقوني
أقصد وألبّسه القصيد بشت
والحين أبي علم ٍ يكفّ ظنوني
منهو يجيب أخباره ياساده؟؟
أما كذا .. وإلا ابعدوا خلوني
أرجع لحضن وسادتي كالعاده!!
تعليق