تخيل لو بغيت ارقد عيوني ما تعرف تنام

تأرقني هواجيسي يمر ليلي ولا انامي

تخيل لو نمت ساعة أعيش بعالم الأحلام

أرى ما تشتهي نفسي وإداعب رقت احلامي

أرى نفسي مع نفسي ولا احس بأسى والام

وإذا حسيت من نومي غزتني فرقة الامي

لو همومي والامي على بليهي برك ماقام

ينخ لشدة الامه بقي بارك ولا قامي

تخيل واحد(ن)مثلي لو دموعه مداد اقلام

نزف كل ما بمحبرته وانا ماجفت اقلامي

جلست اكتب معاناتي وارمم صورة الهندام

على لوح الزمان اللي سرق عمري وهندامي

حقيقة الوقت ما يرحم ترك مني لحم وعظام

وباقي مابقي مني تجمد داخل عظامي

تخيل عشره من عمري يتبعهن ثمان اعوام

يمر اليوم من عمري أحسبه عشرة اعوامي

اقول لك لو تبي تسأل وش اللي يضاعف الأيام

ملمات الزمان اللي بسببها تولد ايامي

تخيل غربتي وهمي تخيل غرفة الإعدام

تخيل لو فتح بابي حسبته لحظة اعدامي

ي قف دمي بشراييني ولا أمشي شبر قدام

ثلاث أوقات في يومي أشوف الموت قدامي

هذا ثلث من همي وثلثينه صدى واوهام

صدا يصدي ولا يجدي واخايل لجة اوهامي _



بقلم/ قرين الليل ‏