اولا: احب اقولكم ان لقبي الشعري المعروف هو ( روح الصمت) وبعض قصائدي تضم هذا اللقب فلا داعي للاستغراب!!!
ثانيا: ماستغني عن ردودكم وتهمني ارائكم ...


الشعر ما يوصل لقمّة جماله
إلاّ إذا هادف وصادق بما فيه

عندك جماهير الشعر هم دلاله
على جماله,,أو لروعة معانيه

واليوم شعري يندرج في رساله
يالله عسى يحظى قبولن يكفيه

أحكي عن اللي هالحسد من خصاله
والشرّ والاحقاد متأصله فيه
*******************************
ماعاش شخص ٍ والحسد من خصاله
وان عاش ماحد في زمانه ب يشريه

تلقى قريبه قاطعا ً في وصاله
أو صاحبن هاجر بنفسه ومجفيه

فاللي بيحسد ياعسى الشرّ فاله
وياللي زرعت الحقد وش هو بتجنيه؟؟!!

غير العنا والذ ُلّ والهمّ حاله
والاّ الألم والقهر واللي تعانيه..
*******************************
قالوا:حسودِك جاك يعلن قتاله
قلت:أفتخر إنّي لمثله أعاديه..!!

وشلون يتجرأ؟؟وش منّي جاله؟؟
ماغير حاسد,,,والحسد لاعبن فيه!!

قالوا:حسودِك قاسيا ً في جداله!!
قلت:ياهلا به,,,وانا اقدر اربّيه!!

ماهي بقسوه,,,,بس طوّل جداله!!
واللي يجادلني,,,,لزوم ن أجازيه!!
***********************************
يخسى حسودن مايساوي رياله!!
بنت العرب يعرض عليها تحدّيه؟؟؟!!

بس لايحاول,,,بختصر في عُجاله؛؛
قلبه مريضا ً جعل ربي يعافيه!!

نفسي قويه,, ماهي مثله سهاله!!
أخاف ربي,, ماني مثله بمعصيه..

ماعاش,,يخسى,,والخساره ماله..
يكفي أقوله داخل الشعر واهجيه..
**********************************
واللي يعارض أو يجي اللوم باله..
على الكلام اللي ذكرته,,,أبجفيه..

لنّه كلام ٍ صادقن في مجاله..
ماهي خيالاتن,,ولاهي بترفيه..

كتبتها عن وعي ماهي جهاله..
فاحذر حسودك,,لاتحاول تثق فيه..

والله يديم الخير في كل حاله...
أرجوه ياهل الخير,,وانا أبرجيه..
*****************************

؛؛؛؛وسلامتكم؛ ؛؛؛