[®][^][®][الجراح][®][^][®][

عسى ما زعلتك البارح وزوت ألجراح جراح

عسى ما مرت الدمعه على هذابك من أسبابي

جرحتك جرحتك من كثر شوقي وخليت الكلام أرماح

ولا أدري شلون ياعمري طعنتك حيل باعتابي

بدون شعور صدقني ترى كثر الغلا دباح

تعال وشوف بغيابك غلاك شلون سواء بي

حرام تغيب من عمري وتعطيني الفراق أوشاح

حرام الدمع في عيني مناديله يهذابي

غيابك غيابك يشغل عيون الزوايا وامتدلي أشباح

وأنا أنثر صوتك بقلب المكان وأشعل أبوابي

تلفت تلفت للأمل دام الرجا في عمري الملواح

أنادي لك أنادي لك ولو شرهك وصولك تقطع أعصابي

أأبيك الجاي من عمري أنا ما أبيك شي وراح

مدامك أجمل وأخر مدامك أول احبابي

أبي أرتاح ياعمري أنا أدري هم تبي ترتاح

تعال تعال وقبل ما أفرح ترى تفرح بك أثيابي

احبك أحبك يابعد عمر الحزن والجرح والأفراح

أحبك أحبك كثر ما نامت عيونك داخل أهذابي



الشاعر محمد الحويماني

رد: ღ♥ღسطر لنا أبيات على حسب أسم الشاعرღ♥ღ

الشاعر محمد الحويمان


ذكرتها يالمكان وجيتك أغني

---- (سويتها يازمن ..لكن وتاليها ؟!)

ذكرتها والدروب لصوبك أخذني

-----ياأتلى العهد في سوالفها وفي يديها






للي بعدي الشاعر ناصر القحطاني

رد: ღ♥ღسطر لنا أبيات على حسب أسم الشاعرღ♥ღ

رد: سطر لنا أبيات على حسب أسم الشاعر





وقف ولا ترمي وداعك بالاعيان
محتاج أنا لذرة امل في سنيني

هذي تفاصيل العمر وسط الاجفان
صور واماكن في عيوني تجيني

والله من تطري وسط عمر الاحزان
كل الفرح من لون وجهك يجيني

مثل المطر يركض على الارض ولهان
هذا انت دايم بالوله محتويني

‘‘

حمد البريدي ‘

رد: سطر لنا أبيات على حسب أسم الشاعر

| خطايا الغرام | ,

يا من ذبحت المحاني من غلاك الجموح
مرابطك في خفوقي ليه .. خليتها !!
نسيت مفلاك في ضلع الغلا والسفوح
اللي على طارف اضلاعي تخطريتها
فوحت دلة غلاتك .. والمشاعر تفوح
وبن الهوى يحيي الاذهان ويميتها !!
وصبيت لك من بهار الطيب ( فنجال روح )
ونثرت صبة يميني .. يوم مديتها !!
اوجعتني وانت ما تدري .. لو انها مزوح
وفهمت وش مقصدك منها .. وقاسيتها
يا ليت جرح الهوى لحظات عقبه يروح
ما كان نفسي على فرقاك .. حديتها !!
عواصف الحزن هدت من جفاك الطموح
في كلمة (ن) لا وصلت إلها .. تعديتها !!
أسكت الحزن في .. وتنطق العين بوح
حسبي على دمعة لرضاك هليتها !!
خلاص باح العزا لو كان قلبي سموح
يا أول واخر أماني قد .. تمنيتها !!
الحب ماهو بغصبا !! تبغي تروح روح
ذبلت ورود المشاعر وأنت ما اسقيتها
قد قلت لك .. والقسى في عين صدك يلوح
حدك معك بالجفا .. وما كنك اوحيتها !!
مبدا المحبه غرام ومنتهاها جروح !!
هي هكذا .. تجربتها .. يوم عانيتها !!
ما كنك اللي عرفته !! يا الغزال الذبوح
حيرتني باربع اشياء .. ما تهقويتها
( حبك / وداعي غلاك / وغيرتك / والوضوح
ماتت من الحزن ولا وين وديتها !! )
ان رحت عنك تجي .. وان جيت يمك تروح
يا تنهي المسأله ولا ترى انهيتها !!
كرامتي مالها .. إلا استاذنك بالنزوح
فإجمع خطايا الغرام .. وشب كبريتها



ألشاعر : | فهد ألمساعد | ,

رد: سطر لنا أبيات على حسب أسم الشاعر


تعبت أسولف لك وانا ما تكلمت
أسكت أنا وأترك عيوني تكلم
لاتفهم احساسي ولا تفهم الصمت
مدري وش أسوي علشان تفهم
ودي أقول ف يوم كم فيك أنا همت.!
لكني خايف,,خايف أقول وأندم
كل ما بغيت أقول أحبك تلعثمت
حتى وأنا أحلم فيك كنت أتلعثم
كم ضقت منك وكم عشانك تبسمت.!
الله هو اللي بس في حالي أعلم
أحبك لحالي ولا يوم علمت
إحساس أحس الموت من طعمه أرحم
لو بس تدري كيف أحبك تألمت
عن كل لحظة منك كنت أتألم
تعبت أسولف لك .. وأنا ما تكلمت
يارب تفهم بس ..يارب تفهم !

‘‘

سعد علوش ‘

رد: سطر لنا أبيات على حسب أسم الشاعر

يغلا مواليف قلبي وين ذ الغيبه
وأنت أتخبرني.. مداني غيبتك ... لحضه

أنت الوحيد اللي أأأحبه ووديبه
ياطول فرقك عن العالم ويا عرضه

ماكل من جا .. برحبه وأهليبه
بعض العرب..؟ لو يجي ويروح... زي بعضه

أقبل. يطيش الشباب او حكمة الشيبه.,.
أما أرفع الضغط..؟ والا سرع النبضه

يا أستاذ فن الدلع يمعلم الطيبه
يروع من أيجيد فن الصحوه الغمضه

يا أكثر من أسكت علاشانه وأهذريبه ..
ويا أكثر من أأأضيعه وأكثر من أحفضه

ويا أكثر من أبكيه وأصمتله وأغنيبه.
ويا أكثر من أأأأموت في طاريه وأعترضه

عيد بقلبن هبوب الشوق..؟ توميبه
يا كتلة أوصاف بين الناس...... منقرضه

وأذاك .؟ مستكثر اللحضه عقب غيبه.....؟
ترى أول العمر لحضه.؟ وأخره..؟ لحضه


| ألشاعر : محمد جار ألله ألسهيلي |

رد: سطر لنا أبيات على حسب أسم الشاعر


اسبوع مر ولا وصل منك مرسال ,, ياقو قلبك كيف تقطعني اسبوع

الجوع كافر وانت ماترحم الحال ,, وانا عليك من الوله ميت جوع

ياللي غيابك صعب يطري على البال ,, تركتني ظايق وحاير ومفجوع

ماكني الا شايب فاقد عيال ,, وماكنك الا محرم حق مشروع

حسبي عليك شلون قطعت الامال ,, باموت لاصار الامل فيك مقطوع

ياصاحبي ماكل نزال رحال ,, انت الحيا من وين مارحت متبوع

نسياني لزول بالاعماق يختال ,, اصعب على صاحبك من حبت الكوع

لو الثمن في شوفتك عمر رجال ,, كان الثمن من يوم ماغبت مدفوع

ولو القدر ماتم قوله الا قال ,, ماضاق ولا انحنا راس مرفوع

ياصاحبي عشقتني فعل وخصال ,, وانا عشقتك شعر واحساس واطبوع

وشلون تتركني كذا لاشهب الال ,, وقدام عيني تجع ينبوع ينبوع

وانا عشانك جيت والغيم همال ,, اسيل الوديان واداحم جموع

ماردني عنك سواليف عذال ,, تزعل علي ربوع وتقدر ربوع

كان المهم اعيشك جنون ووصال ,, ويكون لي كلمه ولي راي مسموع

واليوم ظاقت بي من الجال للجال,, فرقاك تقصم ظهر وتحز وتلوع

لو جيت شفت الحال ماسرك الحال,, في غيبتك ضايق وحاير ومفجوع

هذا غياب اسبوع وشلون لو طال ,, طالبك لا يطول غيابك عن اسبوع



بدر بن عبدالمحسن ‘

رد: سطر لنا أبيات على حسب أسم الشاعر

اه ... من ليل التجافي ... ماأطوله
ليلة العاشق ... ثوانيها ليال
من يقول الشمس باكر مقبله
كل شمس مالها وجهك ....ظلال
بسألك باللي خذى منك الوله
وحطه اف صدري ... واعطاك الجمال
حاكني ... لجل الليالي ...الاوله
اه انا بموت من ذل ... السوال
هو صحيح انك حبيبي اللي دله
واستوى ... عندك فراقي ... والوصال
كل جرح غير ... جرحك بقبله
وكل ظلم ...غير ظلمك لي ... عدال


| ألشاعر : خالد ألفيصل | ,

رد: سطر لنا أبيات على حسب أسم الشاعر


لين صار الكون من حولي حزين .. الحزن في صوتك ازعج ساكني
لين خلى عاصي المعنى يلين .. غصب عني حزن صوتك هاجني
وانسكب حزنك على شعري حنين .. وامتثل حرف القصيد وعادني
اكتم الصرخه وينساب الأنين .. شلت انا صوتك وحزنك شالني
جرحتني مثلك سيوف السنين .. طير انا مثلك زماني ضامني
في معاليق الحشا جرحه دفين .. صابك اللي من زمان صابني
من عذاب الوجد بياح الكنين .. كلما ودعت هم زارني
خافت البسمه على وجهي تبين .. الفرح عقب الصداقه هابني
الله اللي ينتصر للصابرين .. طير ياللي صوت حزنك هاضني


ناصر الفراعنةة ؟