أخاف اكتب واسبب جرح....واعيش بعالمي ندمان...
أخاف انطق واقول الهمّ.....واصير بدنيتي غلطان...

أنا وان قلت بكتمها....بتبقى حالتي تعبان...
وتتبعني هموم الوقت.....واعيش بضيقة الاحزان...

أخاف اشكي واقول اني:....من الدنيا أنا تعبان...
وترجع تنتقم منّي......وتشعل قلبي النيران...

أخاف اصرخ وانا وحدي....ولايسمعني أي انسان..!!
ويرجع لي صدى صوتي:....{تراك بعالم الكتمان}..!!

أخاف ابكي ومالقى....لدمعي واحد(ن)شفقان...
ويزداد الالم فيني.....واحس بلوعة الحرمان...

أخاف اضحك واتكدّر.....بضحكه مالها عنوان..
وادوّر اهلي وربعي....وحتى صحبي والخلاّان..

أخاف اقول:ابي افرح.....لانّي للفرح عطشان..
واضيّع موطن الفرحه....واتوه بعالم الاحزان...

متى ياخوفي تتركني....وانا اجازيك بالهجران..
متى دنياك ترحمني....واعيش بعالمي بأمان...

متى ياحزني اتجرأ.....واصيح بصوتي التعبان:
((كفايه ياحزن تكفى....تراني فالنهايه انسان))..




لاتحرموني من ردودكم,,,خصوصا انها من تأليفي الشخصي ولم اكتبها الا في منتدى واحد غير هذا المنتدى!!!