تويت
يوم صادفت الجميله = قالت حروف الحليله = ياعرب كيف الوسيله
راجعوا بيني و بينه
والله إني به متيم = يوم أنا شفته ملثم = ضخ قلبي زود بالدم
وأسكنت عيني بعينه
نظرة العاشق لعاشق = منتظر كشف الحقايق = بعدما مرت دقايق
وأحتضن شوقي حنينه
قامت تفكر شويه = وكلمتني مستحيه = يا فتى ويش القضيه
وش بلى نفسك حزينه
بالصراحه قلت سري = قلتها من غير ما أدري = قلت أحبك وإنت عمري
صار قلبي لك رهينه
أفهميني لو دقيقه = وأنقذي روحي الغريقه = وأحسبي نفسك صديقه
والملام أتجاهلينه
قالوا أهلي عذبوني = بالحراسه قابلوني = ليتهم با يتركوني
كان خليت المدينه
يا فتى ليتك تجمل = تعرف أخباري وتسأل = جاء فتى بعدك تدخل
وأهلي اللي جايبينه
قلت لا هذا قراري = ما أريده بإختصاري = قال لي الوالد حذاري
بأقتلك لو ترفضينه
قلت أنا والله ربي = ما دخل ذا الشخص قلبي = وإن بقى في يوم جنبي
لأقتله في الوقت حينه
ما بقت في اليد حيله = يا عرب سوا فضيله = ردوا لقلبي خليله
لا تظلوا ظالمينه
قلت لك قصة حياتي = يا حبيب الذكرياتي = زلك المركب و فاتي
وإنت ربان السفينه
بدلوا واحد مكانك = و أحرموني من حنانك = لا تذكرني زمانك
ما نسي قلبي أنينه
بعد ما كمل كلامه = بلت دموعه لثامه = وادعتني بالسلامه
وأودعت روحي طعينه
عشتها لحظات هايم = عشتها صاحي ونايم = موقف ما أنساه دايم
لو تطول بي سنينه
ضعت مني يا حبيبي = ويش با يطفي لهيبي = بس با أعزي قليبي
من صبر ربي يعينه
تحياتي
الجود 7 منقول ,,
تعليق