بين الغلا والشوق وسنين ماضيك .................... قعدت اعزي كل دمع يجيني
ابكيك والله يابعد كلي ابكيك .................... وشلون ما ابكي لا طفى نور عيني
عزيت نفسسي وجيت انا اليوم اعزيك ..................... على الوفا اللي كان بينك وبيني
والله مدري وين راحت لياليك ...................... مدري تبي فرقاي والا تبيني
إن قلت غالي ايه والله مغليك ...................... اذكرك حتى لو ما تذكريني
اقول ناسي بس ماني بناسيك ....................... منساك حتى لو زماني نسيني
لك في خفوقي كل جرح يناديك ....................... واحساس عاشق مايمل الحنيني
اول تعاتبني واجيلك واراضيك ........................ لبا عتابك ليتك تعاتبيني
من كير ما احبك واهوجس واناديك ...................... اجيك هايم واحسبك تحتريني
اعيش في ذكراك واحب طاريك ...................... واموت واحيا بك امل يرتويني
يالوعت اشواقي عسى الله يهنيك ....................... وانا عسى الله يجبر الشوق فيني
تدري وش اللي باقي لك يناجيك .........................قلب تولع بك وحرح دفيني