الجزء الاول .
الشخصيات :
بو سيف.. ( الرماح ).
الام : ام سيف ( موزه )
سيف عمره 27 سنه... وبطي عمره 26 سنه.. وراشد عمره 24 سنه .. وخالد عمره 22 سنه يدرس في جامعة الامارات وكان له اخر كورس ... وناصر 20 سنه في جامعة الامارات .. وزايد 15 سنه في ثالث اعدادي .. وشمسه 10 سنين في سادس ابتدائي .. ووديمه 6 سنوات في اول ابتدائي

الريم 37 سنه معرسه وماخذ ولد خالتها حميد .. علي 29 سنه معرس و ماخذ بنت عمه مريم عمرها 24 سنه وعندهم ولدين مانع 5 سنوات وفلاح 3 سنوات ... واحمد 25 سنه . وسعيد 23 سنه يدرس في تقنيه العين ...وظبيه عمرها 22 سنه معرسه وماخذه واحد من هل سويحان اسمه مطر .

محمد 21 سنه يدرس في لندن .. واليازيه 18 سنه اول سنه في جامعة زايد .. وحصه 17 سنه في ثاني ثانوي ... ومنصور 7 سنوات في ثاني ابتدائي ... ولطيفه 4 سنوات في الكيجي ...
عبدالله 28 سنه معرس وماخذ وحده من هل العين اسمها العنود 22 سنه وعندهم نهيان 3 سنوات وهند سنه ونص ...وهادف 26 سنه معرس وماخذ بنت خالته مهره عمرها 19 سنه توهم كانوا معرسين .. وسلامه عمرها 24 سنه معرسه وماخذه ولد عم ابوها فهد عندها بنت اسمها مي الها خمس شهور ..
وطحنون عمره 21 سنه يدرس في لندن مع ربيعه محمد ... واسماء 18 سنه تدرس في التقنيه ..
من يحبك كثر ماحبك انا ... ومن يحبك حاول وياما اجتهد
ومن في عينه شوفتك كل المنا ... لاورب العرس ماغيرك ابد
بيت بو محمد
الساعه 11 فليل ..
حصه كانت في غرفتها قاعده في غرفتها اتذاكر الامتحان اللي عليها باجر ... وخلاف طاحت عباتها اللي معلقتنها في العلاقه اتروعت وفتحت الباب وتمت تركض ع الدري ..

حصه : الحقوا علينا جني جني الحقوا علينا . .. وايه .. ونقزت عند اخر الدري..
حصه وهي اتناهي : ابويه امايه .. هاء جني جني يوم اقولكم جني قلتوليه اتخيل لا لاء منوه قالكم انيه اتخيل .. منوه ؟؟ الجني في البيت هاذا موجود انا مستحيل انيه ارد الغرفه هاء هاء لالا نووو نوووو..
وتموا كلهم يضحكون عليها ..
ام محمد : حصيص عن الخبال عاده يالخديه وينه هالجني اللي بتشوفينه بسم الله علينا شو هالرمسه بعد .. وين شفتيه ؟؟
بومحمد : شويشوي على عمرج بتنصرعين بييج الصرع ..
حصه وهي متروعه : والله العظيم انه في شي في الغرفه انا قاعده جان اطيح عباتيه اللي معلقه في العلاقه يعني شوبيعقها ؟؟ خبرونيه هاه خبرونيه جوفوا كيف تتطالعونيه يعني انتوا منصدمين شراتي ..
بومحمد : انا بسير ارقد ابركليه عن هالخبال ..
حصه : ابويه اتحمل ...
وراح عنهم بو محمد ..
ام محمد : انتي ياللغايه عادي عباتج اطيح شو فيها .. الا هاه الدلع اللي فيكم .. هاذا اللي يسويبكن جذه ..دوم نحن اطيح عبينا يوم مانعلقهن عدل .. مافيها شي .. بزا عوذ بالله منه ..
اليازيه : مينونه اصلا هاي ..
حصه : يني اللي يبربعبج على حمار في سكه واطيحين من عليه ..
ام محمد : يله عن الضرايب هاه انا بسير ارقد واتنن نشن الغاليات اشعنه باجر ماعليكن دومات ؟؟
حصه : اف ياليت ماعليه دوام اه ياليت
ام محمد : يله ابرايكن ويوم بتن بندن الليتات انزين ..
حصه وهي اتحيس حلجها : انزينه ..
وراحت ام محمد عنهم وتمن ارواحهن ..
اليازيه : ياله ياحصوه ياما قلنا شراتكم واطالعي الحينه نتمنا انا انرد لايام المدراس لو يوم واحد ..
حصه : مايحتاي عاده ايام الخوالي ..
اليازيه : ههه هيه اتصدقين .. يويهج .. تتدرين يوعانه انا بسير المطبخ بييب اليه اكل بتتين .
حصه : لا بروح فوق اربع بييب كتابي وبيي ادرس عندج ..
اليازيه : ياله يالروع هالكثر ايسوي بج .. عادي قوم امايه ارقد فوق .. شو اللي بيستوي عليج .؟؟
حصه : لاء اشدراج انتي عاده انا اخاف عليج .. دقايق خيتووه وبييج ... وراحت حصه اتييب كتابها وراحت اليازيه صوب المطبخ .. وخلاف نزلت حصه وحطت كتابها ع الطاوله وتوها بتروح صوب المطبخ شافت التلفون ايرن .. وراحت صوبه .. مكالمه خارجيه ..
حصه : هههه عادي بيكون واحد من البتانيه يبا ايخطبنيه .. ومن يسمعني اتفداه بيي يربع ايدق الباب ايخطب..
محمد : ياله مايحتاي عاده اللي يقول الحينه دافعه من جيبج ... الا وينهم قوم امايه ..
حصه : مشكله اللي يستهبلون ياحياتي ياعمري نحن الحينه الساعه عندنا 11 ونص يعني قوم امايه وابويه شخيرهم يلحق انخيرهم .. ويزوي في المطبخ .. ووو منصور راقد .. وتوته راقده مع قوم امايه مشارك فعال ..
محمد : انتي دومج جذيه ..
حصه : حوه انته داق بيتنا اتغلط علينا واتسبنا ابدال ماتقول خواتي يعلني افداهن اتولهت عليهن امحق ليل في ذمتيه ..
محمد : اص اص عطيني يزوي انا مارمس خبايل ..
حصه : يزوي .. ؟؟
محمد : هيه ..
حصه : اتصل عقب ..
محمد :حصووووه .. يالعنزه ...
حصه : ها انزين انزين هاذيه يت .. يزوي تعالي هاذا واحد اسمه خندوش يباج ..
اليازيه تتطالعها مستغربه : منوه ها ريلج ؟؟
حصه : انقلعي يودي ها الخبله حمود .. وعطتها السماعه .. وشلت اليازيه السماعه
طحنون : بنزل باخذليه بطاقه بدق حق هليه ..
محمد : انزين اترياني بنزل وياك ..
طحنون : اعنبوه لو حرمتيه ماجابلتنيه جذيه قر قر مكانك ..
محمد : ماعليه ماعليه .. بتي اخلاف .. انزين عيل وانته نازل خذلي وياك بطاقه حق التلفون اخاف يقطع الرصيد ..
طحنون : ان شاء الله ماتبين شي ثاني يعلني افداج ..؟
محمد : لا ياغناتي بغيت سلامتك .. اتحمل على عمرك ولا تتطالع البنيات ..
طحنون : لايق عليك الدور من عقب ماخفيت لحيتك ..
محمد : هههه يالسبال .. شو قصدك .؟؟
طحنون :افا عليك اسمحلنا الشيخ عزيز وغالي ..
حصه : بتخبرج انتي اشعنه صاخه .. ومطت عنها السماعه وسمعت محمد ايقوله
محمد :هيه اتحرا .. طحنون سكر الباب وراك ..
طحنون : ان شاء الله ..
حصه : زاد انج صاخه . هب من الله ثرج ..
اليازيه : انجبي يالسيلانيه ومطت عنها السماعه ..
محمد :اوووه ثركن انتن ع الخط نسيتكن والله اتحرا عمريه ارمس حد من لندن اهنيه عادي ماخذ الامر ..
اليازيه : لا فديتك معذور انته شحالك ربك ابخير ؟؟
محمد :بخير وسهاله انتوا اشحالكم ربكم ابخير ؟؟
اليازيه : بخير وسهاله كلهم ابخير .. هاه بشر شو دراستك ؟؟
اليازيه : شوو ؟؟
محمد : بغيتج اتسويلي ايميل ..
اليازيه : اممم ان شاء الله . بس شو تباه؟؟ ..
محمد : ماعرف اي شي بس انه ايكون ايميل معقول.. حطي اسم العايلة ..
اليازيه : وايد مسوينه ..
محمد : عاده انتي شوفي شغلج حطي حرف زياده نقصي حرف حطي رقم ..
اليازيه : ههه هييه ماعليه ان شاء الله ..
محمد : والمره الياه يوم بدقلج عطيني السبيلنج والباسورد ..
حصه وهي اتزاعق : لاتنسى اتمر زارا وتاخذليه بدل .. سمول هاه ..؟؟
محمد : وهاي ماوراها غير هالبدل ..
اليازيه : ههه وانا بعد لا تنسانا نحن خواتك .. ترا دوم البضايه تنزل عندكم وعقب كمن شهر تنزل عنا نحن ..
محمد : انقلعن بروح ادرس علينا امتحان باجر انته بتهذربن عراسيه لين ماتفجرنه .. يله باي ..
اليازيه : مالت عليك من اخو يله اجلب ويهك .. وسكرت عنه .. وتمت اليازيه ساكته وسرحانه ..
حصه اتغني : احبك لو بعيد الدار عنك ... جداك ايحن قلبي للرجوعي .. يالو عني الليالي ابعدنك .. غلاك بخافقي تحت الضلوعي تننن ..نننانانانن ..
اليازيه :...
حصه : اذا مرتبي الذكرى تونت .. احاسيسي وفكري لك خضوعي .. يالو اخفيت به مابه لنك .. يفز القلب لك من دون طوعي ...بوم دبووووم طاخ ططاخ ..
اليازيه : انطبي طبج الله يله انقلعي جدامي خلينا انسير نرقد ..
حصه : اه .. انسير نرقد ولا انسير نحلم ...
اليازيه : هيه بنسير بنحلم في عرب اعيونهم سود وحياتهم مقرونه وخشمهم شرات السيف امشي لا اشوتج ....
حصه : اي اشعنه اتيييني عالعوق اي اي ..
اليازيه : بتربين .. ؟؟
حصه : لا قلبي هزه الشوق .. وطار من الشوق ..
اليازيه : مايحتاي عاده .. امشي يله .. وتمت حصه ساكته تمشي مع اليازيه عالدري .. وطبعا عالدري كان ظلام بس النور ايحدر خفيف من الممر اللي كان تحت .. وهن قاعدات يركبن الدري حصه كانت جدام واليازيه وراها .. سمعن صوت باب غرفة قوم ابوها يتبطل ..
اليازيه بصوت واطي : قعدي قعدي انخشي ..
حصه وهي متروعه بصوط واطي : لا اخاف ظلام وايني الجني الجن ايحبون الظلام .. مسكتها اليازيه من حلجها ودزتها وقعدن ع طرف الدري .. وهالوقت حصه كانت ميته فيه من الضحك .. وصوت تنهيداتها وهي تضحك تنسمع راحت ام محمد صوب الليت وفتحته ..
اليازيه وهي اتنش واونها تنود : اتصدقين امايه حجرتنا حاره قلنا بنرقد عالدري ..
حصه مبطله اعيونها واتهز راسها : ههههه .. هيه هيه ..
ام محمد : انطبي انتي وهي يله انقلعن احدرن حجرتكن وباجر بنجوف منوه اللي بينش .. اسهرن السهر غاوي ..
ام محمد : تتدرن انتن بينانكن هاذا فضيحه ايوزكن ..
اليازيه : ماعليه يامايه الله بيهدينا ..
ام محمد :خلج انتي عاده .. يله سيرن ارقدن ..
وراحن حصه واليازيه غرفتهن ورقدن .. وام محمد ردت بعد غرفتها ورقدت ..
بيت بو سيف ..
خالد : امايه يامايه ؟؟ ..
ام سيف : يابويه اترياني اشويه البس خواتك ..
خالد : يامايه وين القهوه انا متاخر .. ابا اشرب قهوتيه قبل لاروح ..
ام سيف : وايه بالستررر .. صب اروووووحك ..
ناصر : اشعندك محتشر انته من الصبح؟؟ ...
خالد : امك هب طايعه اتي اتصلبيه القهوه ..
ام سيف : ناصر فديتك صب حق اخوك فنيان القهوه ..
ناصر : هيه هيه انتي دلعي الكبير وخلي الصغير يدلع وياج الكبير بزيييه .. بزيييه ..
خالد : منوه قالك انيه اباك اتصبليه
ناصر : ووع في عينك .. اشعنه ايديك ثرها مكسوره وانا ماعرف ؟؟
خالد : بسم الله عليه هب هباك الرب .. لا عاده انته اتعرف غير القهوه من اييد ام سيف ..
ام سيف وهي يايه صوبهم : اشعنه محتشر هب رايم اتصب لك فنيان اقهوه ؟؟ وراحت صوب الدلال وصبتله الفنيان وعطته اياه .. وراح خالد صوبها وحبها ع راسها ..
خالد : خالد يعلني افداج ياشيخة الزين انتي هاي القهوه مالها طعم الا يوم اتكون من ايديج ..
وديمه يايه تتدلع : ماماتي انا ماروم اسير المدرسه ضرسي يعورني ..
ناصر : شويشوي عن لا اطيحين من كثر الدلع ..
وديمه : انا اكلم ماماتي ..
ناصر : عافان الله الكل مبزاي في هالبيت .. يله ابرايكم انا بسير دواميه ..
خالد : تعال بروح معاك ..
ناصر : اشعنه انته فاضي نام في العسل اخيرلك ..
خالد : ههه .. ماعليه ماكون خلوود انه ماراويتك انته اشعنه جايف عمرك بل بي ام مالتك اشعنه ليكون هيه جوازك وانا ماعرف ؟؟؟
ناصر : هههه .. هاي كوبي اتعرف شو يعني كوبي يعني ماتسد الا حقيه .. وها السوده مالتك الي واقفه خاري شو اتسوي .. اتجرجها حق عقب يعني ..
وديمه : اماما ضرسي ايعورني ..
خالد : ودوووم يله عاده عن الدلع .. يلي نشي انا بوصلج المدرسه ..
وديمه : مابا مابا .. اصلا انا مابروح
خالد : جب يله بتروحين . تمت وديمه اتصيح ..
ام سيف : يابويه اشعنه اتفاتن عليها من الصبح ابرايها خلها ضرسها ايعورها مابدوام ..
ام سيف : اخر عنقودي هاي فديتها قمريه والله هاي وباستها وتمت تمسح ع شعرها ..
خالد : هذاك في عين امه غزال .. ههوويي .. كملي الباقي انتي عاده .. وظهر عنهم ..
شمسه : امايه ليش ودوم مابتروح حتى انا مابروح المدرسه ..
سيف : اتجذب هههه باي لغه هاي .. صباح الخير ؟؟
ام سيف : صباح النور والسرور ياولديه .وراح سيف وحب راس امه ..
ام سيف : اشعندهن بعد موال كل يوم اشعنه وحده تبا اتغييب لازم كلهن ايغيبن .. ارقدن ارقدن ابرايكن ..
سيف : يله يله هنتيناتكن يله جدامي ... مافيكن شي ولا الله قاله الا علثتكن هاي مابتنفعكن يله نشن ..
وديمه : انا امييه .. قالتليه غييبي ..
سيف : لا غياب ولا الله قاله .. نشن جداميه يله ..
ام سيف : انا مايخصنيه .. قومن روحن المدرسه اخيرلكن عن لا تفوتكن الدروس صدقه اخوكم .
شو تتوقعون من الاحداث والشخصيات بتكون افكار القصه ؟؟