تويت
تعبير عن حالة إبني
بحرالغرام
تِشهَد أمواج البحر .. ورمال وشماسي الشطْ
أيام الصيف والحَر .. وبدون أسباب ولا شرطْ
أنا شوفت عيون ليها سحر. خلوني أسيروهجرتْ
خجلي المعهود والصبر. وسألت عليها وقولتْ
أنا عايز أقدم مهر. ويافرحة قلبي أن نولتْ
هتكون لي هدية عُمر. أشكر للعاطي مادُمْتْ
أشكر للعاطي مادُمْتْ
دَ الوجه برئ ورَّاني .. ملامح أطفالْ
وتوَاضُع جَمْ مخليها .. تلعَب ف رمَالْ
والصمت ملازم حواليها .. بهدوء قَتَّال
وانا عُمرما كان أبداً حالي .. مشغول البال
إشْمِعْنى يا أمي المَرَّادي .. هاجر في البَال
أنا عايز أربُط بكلامي .. واصْبُرعَ الحَال
واصْبُر عَ الحَال
أنا عَايز يا امََّه توافقيني . وتقولي لابويا معايا ييجي
الله بمشيئه يوديني . نتقابل مع أهل نصيبي
وانا راضي باللي هيأتيني . بقبول أورفض وعلى عيني
الخيرفي اللي إختارهولي . إدعيلي يا أمي يوافقولي
ونتم الخُطبَه تباركيلي . على أغلى هديه تهنيني
ويعوض ربنا إن قالوا . اسفين وسنيني تنسيني
اسفين وسنيني تنسيني
*****************
تعليق