ينجلي ليل وأنا حبيت داجه
في صباح هز غصن الياسميني

لا انتشى صبح الغلا وأرخى حجاجه
ينمحي هم على صدر الحزيني

ول ياليل الهجر مثقل مزاجه
يعل مثله مايعود ولايجيني

والنصيب اللي تعذرني رواجهه
و سبب فرقاك ياحلم السنيني

يا معودني بحبك واندماجه
في عروقي في ضلوعي وسط عيني

والكريم يصير ذله بانحراجه
وانت حطمت الاماني من يديني

في امان الله والدرب ازدواجه
مفرق الدروب بقت له خطوتيني

يمكن احنا عقب هذا مانتواجه
خل راحاتك توادع راحتيني

كثر ماواجهت قلبي واحتجاجه
كثر ماقدمت روحي في يميني

كثر ماقتلت السعادة في ابتهاجه
طعنتين وطعنيتين وطعنيتيني

ليين ما اخرجته مع عنق الزجاجة
والتعب يكتب نزيفه في جبيني

مابقى لك في عذاب القلب حاجة
خليني للريح واطلق ساعديني

والعذاب الي بنى بكفك سياجهه
و سبايب ماحصل بينك وبيني

انت متعدي الي حد السذاجه
تخطي وترجع وترجع تنتخيني

دام صار الحب في عينك سماجه
شوف درب لاخذيته مايجيني

انت متعاوج وودتك العواجه
لين ضاعت من يديك احلى سنيني