يسوقني لمداعب الشعر سايق
واللي تساعدني عليه القريحة

والشعر للتاريخ مثل الوثائق
والكاتمة على العلوم الصحيحة

ماهي بتتعبني صعوب الطرايق
اجيد ترتيب الحروف الفصيحة

لو كل بيت يهزني في دقائق
جرحت شعار الضنون القبيحة

لاكن أروقها اذا كنت رايق
واستقطب اللي نادرات ومليحه

والي ماعنده كتف للحمل طايق
يصبر على جور السنين الشحيحة

يزرع امل بين الضلوع الدقايق
واهل الامل قلوبهم مستريحة

لو بينه وبين الطموحات عايق
يحاول بجهد العزيمة يزيحه

لقيتلي ضايق يسولف لضايق
وأعطاه من بين النصايح نصيحة

لاطاح قدرك من عيون الخلائق
لاتحسب انه يا أبيض الوجه طيحة

ماهي فضيحة وانتبه للحقائق
طيحتك من عينك هي الي فضيحة